¿Allintachu leerqanchik 2024 watapaq Willakuq qillqakunata? ¿Imatam kay tapukuykunamanta nichwan?

¿Imaynataq Jehova Diosqa paninchikkunawan?

Diosqa paninchikkunatapas qarikunata hinam anchata kuyan, chaymi mana qarikunallamanchu sayapakun. Chayna kuyasqanraykum paninchikkunataqa uyarin, sunqunkupi allinlla kanankuta munan, llakinkupi yanapaykun. Hinaspapas manam iskayrayanchu llaqtanpi allinta yanapakunankumantaqa (w24.01, pag. 15, 16).

Efesios 5:7 nisqanpim niwanchik: “Amayá mana allin ruwaqmasinqa kaychikchu”, nispa. ¿Imaynatam chayta kasukuchwan?

Apostol Pablom niwarqanchik Diosta mana kasukuq runakunawanqa ama hukllawakunapaq, manachayqa paykuna hinañam kachwan. Chayna runakunaqa kachkanmi internetpipas (w24.03, pag. 22, 23).

¿Ima willakuykunatam mana uyarinachu nitaq creenachu?

Manam creenanchikchu mana sumaqta yachaykuspa amistadninchikpa apachimuwasqanchik willakuytaqa, testigokunamanta correonchikpi willakuykunataqa nitaq yachay munaqtukuspa Diospa llaqtanta qipanchaqkunapa rimasqankutaqa (w24.04, pag. 12).

¿Yaqachu kawsarimunqa Salomon, Sodoma hinaspa Gomorra llaqtayuq runakuna chaynataq Noeypa tiemponpi wañuq runakuna?

Manamá yachanchikchu wiñaypaq paykunata Jehova Dios wañurachisqantaqa. Ichaqa yachanchikmi Diosqa sapa runapa sunqunta riqsisqanta, chaymi payqa llakipayaykuspan wakintaqa kawsarichinman (w24.05, pag. 3, 4).

¿Imanasqam nichwan Diosninchikqa “hatun rumi” hina kasqanta? (Deut. 32:4).

Sasachakuy tiempopi pakaykuwaqninchikmi Diosninchikqa. Payqa confianapaqmi, chaymi mana saqiwasunchu hinaspa imapas niwasqanchikta cumplinqapuni. Haykapipas hina kaqllam, chaymi allin sunquyuq kasqantaqa hinaspa ima ruway munasqantaqa mana cambianqachu (w24.06, pag. 26-28).

¿Imam yanapawasun huklaw congregacionman cambiakuptinchik?

Confiananchikmi ñawpa tiempopi serviqninkunata hina ñuqanchiktapas Dios yanapawananchikta. Manam piensanachu punta congregacionninchikpi hina iñiqkuna kanantaqa, chaymi mana tupachinachu. Aswanqa musuq congregacionninchikpi iñiqmasinchikkunawanmi kuska kananchik, hinaspam paykunawan amistadta armananchik (w24.07, pag. 26-28).

¿Imakunatam yachachiwanchik Mateo qillqapa 25 capitulonpi 3 kaq rikchanachiykuna?

Ovejakunamantawan cabrakunamanta rikchanachiymi kallpanchawanchik Diosman sunqu kanapaq, 10 sipaskunamanta rikchanachiyñataqmi listolla hinaspa qawan-qawanlla kanapaq, wayqakunapi qullqimanta rikchanachiyñataqmi Diospaq allin llamkaq kanapaq (w24.09, pag. 20-24).

¿Mayna sayayniyuqtaq karqa Salomonpa ruwachisqan templopa corredornin?

2 Cronicas 3:4 nisqapim bibliamanta wakin ñawpaq copiakunapi nichkan “120 kuchus” nispa. Chaywanmi nichkarqam corredorqa 53 metro sayayniyuq torre hina kasqanta. Huk copiakunapim ichaqa nichkan “20 kuchus” nispalla. Chaywanqa nichkan corredorqa 9 metro sayayniyuq kasqantam, chayqa aswan creenapaqmi. Chayqa tupanmi temploman yaykuq pirqapa anchonwanpas (w24.10, pag. 31).

“Punta apaqkunapa yanapaqninkunaqa kananku huk warmiyuqllam” nispanqa, ¿ima niytam munachkan? (1 Tim. 3:12).

Iñiqkunapi punta apaqkunapa yanapaqninqa casarasqa kaspanqa huk warmiyuqllam kanan, manataqmi hukwanqa pierdekunankuchu. Chaymantapas, manam huk warmikunataqa munapayananchu utaq warminta hinaqa atiendenanchu (w24.11, pag. 19).

¿Imanasqam nichwan Juan 6:53 nisqanqa Jesuspa wañukusqanta yuyarinapaq huñunakuyta imayna ruwanamanta mana rimasqanta?

Juan 6:53 nisqanpim Jesus rimarqa aychanta mikunamanta chaynataq yawarnintapas tomanamanta. Chaytam nirqa 32 watapi Galilea lawpi kachkaspan manaraq paypi iñiq achkallay-achka judiokunata. Chaymanta watamanmi ichaqa Jerusalenpi kachkaspan apostolninkunataña nirqa wañukusqan punchawta imaynata yuyarinankupaq. Paykunaqariki hanaq pachamanta paywan kuska kamachimuytam suyarqaku (w24.12, pag. 10, 11).