¿Imatam ruwachwan sapanchikpi estudiasqanchik allinta yanapawananchikpaq? Estudiasqanchikpi umayuqllam kananchik. ¿Imam chaypaq yanapawachwan?

• Allin sitiotam akllananchik. Akllasqanchik sitioqa kanan ordenasqam hinaspa achkipa chayananmi. Estudiachwanmi mesapipas utaq maypipas hawka tarikusqanchikpi.

• Sapallanchikmi kananchik. Jesusmi ‘tutapayta’ “manaraq achikyachkaptin” chunniqman rirqa taytanta mañakuq (Mar. 1:35). Yachasqanchikpi achka yachaspaqa wasipi kaqkunatam nichwan estudiasqanchik hora ama qayamuwananchikpaq utaq ama distraewananchikpaq.

• Amayá imawanpas distraekusunchu. Celularwan utaq tabletwan estudiaspaqa modo avion nisqanmanmi churaykunanchik. Estudiachkaspanchik imatapas ruwananchikta yuyariruspaqa chaymantaña ruwananchikpaqmi anotaykunanchik. Estudiasqanchikpi mana concentrakuspaqa puririchwanmi utaq chutaparikuchwanmi.