Jehova Diosmi tayta-mamata kamachin warmankuta paymanta yachachinankupaq (Efes. 6:4). Chaypaqmi Jehova Diosqa llaqtanwan ruwarachin achka yachachikuykunata hinaspa videokunata. ¿Imaynatam chaykunawan warmaykita yachachiwaq?

• Maskay chay yachachikuykunata. Jw.org nisqapim kachkan warmachakunapaq hinaspa musu-sipaskunapaq videokuna hinaspa yachachikuykuna pintaspa, dibujaspa utaq qillqaspa yachanankupaq. a Chaykunata tarinaykipaq yaykuy “Bibliamanta yachachikuykuna” niqman hinaspa ñupuy “Warmachakunapaq” utaq “Musu-sipaskunapaq” niqpi.

• Akllay imamanta yachachiy munasqaykita. “Warmachakunapaq” niqpim akllawaq ima yachachikuywan warmachaykita yachachinaykipaq. Chaytam tariwaq “Aylluykiwan Diosta yupaychanaykipaq yanapakuykuna” niqpi.

• Akllasqayki yachachikuymanta warmaykiwan rimay. Amayá chay videokunataqa hinaspa yachachikuykunataqa servichikuychu warmayki qasillalla kananpaqqa. Aswanqa kuskaykichikmi allinta estudianaykichik, chayqa yanapanqam Jehova Diosta kuyananpaq.