Diosninchikpa imayna Kayninmanta
Diosninchikpa imayna Kayninmanta
DISCIPULONKUNAMAN Jesuspa yachachisqan padrenuestro oraciontam achkaq runakuna rezakunku (Mateo 6:9-13). Chaynata mañakuspankum Diosta nichkanku “Taytayku”, nispa. Chaynaqa ¿reqsinkuchu Diosta?
Sapakamam tapukunanchik: “¿Diospi confianichu? ¿Llakikuyniyta otaq kusikuyniytapas willakunichu? ¿Allintachu Diosta reqsini? ¿Imaninantaq Diosta reqsiyqa?”
“Sutinmi Jehová”
Wawakunam chayllaraq simin toqyaptin taytanta ninku “taytay” nispa. Ichaqa wiñasqankupim yachanku taytanpa sutinta hinaspa imayna kasqantapas chaymi taytankumanta kusikunku. Chaynaqa ¿imanichwantaq Unanchawaqninchik Diosmanta? ¿Imataq sutin hinaspa imaynanpitaq chaynata sutichakun?
Achkaqmi chay oracionpi Diosta ninku “Sutiki yupaychasqa kachun” nispa, ichaqa manam yachankuchu imam sutin kasqanta. ¿Imaynatataq yachachwan sutinmanta? Diosmantaqa yachachwanmi lucerokunata, hatun orqokunata hinaspa lamar qochapi tukuy ima kaqkunata qawaspa, sutinmantañataqmi Biblia niwanchik: “[Jehová, NM] sutiyoqmi”, nispa (Exodo 15:3).
Diosqa munan sutinwan reqsinanchiktam. ¿Imanasqa? Imayna kasqanta reqsinapaqmi. Tukuy ima ruray munasqan cumpliq kasqanraykum Jehová ninanqa “ÑOQAM KANI”, ninan. Chaytam rikchanachichwan ayllunpa necesitasqanman hina consejaq, corregiq, mantieneq, yanapaq, hinaspa yachachiq taytawan. Sutinmanta yachasqanchikmi qawachiwanchik prometekusqanta Jehová Diosqa cumpliqpuni kasqanta chaymi serviqninkunapaqqa bendicionkuna.
Yachasunchikyá sutinman hina Dios imakuna rurananmanta. Kaykunamanta yachaymi yanapawasunchik imayna Dios kasqanta hinaspa imayna asuykunanchikmantapas.
‘Kuyakuq hinaspa hawkayay qokuq Dios’
Unanchawaqninchikmantam apostol Pablo nirqa: “Kuyakuq hinaspa hawkayay qokuq Diosmi”, nispa (2 Corintios 13:11). ¿Imanasqa? Jesusqa nirqañam: “Diosqa ancha-anchatam kuyarqa runakunata, chaymi sapallan Churinta qomurqa pipas paypi iñiqqa manaña puchukaspa wiñaypaqña kawsananpaq”, nispa (Juan 3:16). Jehová Diosqa runakunata ancha kuyasqanraykum Churinta qorqa wañuyninwan librananpaq. Chaywanmi Cristopi iñiqqa manaña ñakarispa wiñaypaq kawsanqaku. Chaymi Pablo kaynata nirqa: “Huchallikuypa pagonqa wañuymi. Diospa qowasqanchikmi ichaqa [. . .] wiñaypaq kawsakuy”, nispa (Romanos 6:23). Kaykunam kallpanchawanchik Diosta kuyananchikpaq hinaspa asuykunanchikpaq.
Deuteronomio 32:6). ¿Imanasqataq chaynata nirqa? Huchallikuptinkupas Diosqa hinallam kuyarqa. Chaymantapas mikunankutawan pachankutam qorqa, hinaspam iñiyninkupipas yanaparqa.
Jehová Dios lliwta kuyawaspanchikpas serviqninkunataqa sapakamatam kuyawanchik. Mana kasukuq israelitakunamanmi Moises kaynata nirqa: “Yaw mana yuyayniyoq runakuna, yaw mana yachayniyoq runakuna ¿chaynatachu Tayta Diosman pagapunkichik? ¿Manachum payqa taytaykichik? ¿Manachum payqa unanchasuqnikichik? Payqa qamkunata rurasuqnikichikmi. Payqa qamkunata takyachisuqnikichikmi”, nispa (Kay tiempopiqa tukuy imawan sasachakuspam hukmanyanchik. Chaymi necesitanchik yanapawaqninchikta. ¿Pitaq yanapawachwan? Bibliam niwanchik Jehová Diosqa kuyakuq, consejo qokuq hinaspa yanapawaqninchik kasqanta. Chaymantapas yachachiwanchikmi imaynanpi kayna ñakariykuna kasqanta hinaspa imayna atipanapaqpas. Imaynam kuyapayakuq taytaqa warman urmaruptin kuyakuyllawan sayarichin chaynam Jehová Diospas kuyapayakuyninta qawachiwanchik yanapawaspanchik. Payqa manam haykaqpas saqenqachu paypi iñiqtaqa (Isaias 59:1).
Diosqa ‘mañakusqanchikta uyariwaspanchikmi’ qawachiwanchik kuyawasqanchikta (Salmo 65:2). ¿Imaynatataq qawachiwanchik kuyawasqanchikta? Apostol Pablom niwanchik: “Amayá imamantapas afanakuychikchu, aswanqa orakuspaykichikyá lliwta Diosman willaychik hinaspayá payman graciasta qoychik”, nispa (Filipenses 4:6, 7). ‘Diosninchikmi hawkayachiwasunchik runakunapa mana entiendey atina hawkayaywan’ sonqomanta mañakuptinchik hinaspa kamachikuyninkunatapas kasukuptinchikqa.
‘Tukuy ima yachaq Dios’
Bibliam niwanchik Jehová Diosqa ‘alli-allin yachayniyoq kasqanta’. Chaymi ‘tukuy ima yachayninwan’ runakunata reqsin hinaspam ima necesitasqantapas yachan (Job 36:4; 1 Samuel 2:3). Moisesnintakamam Jehová Dios nirqa: “runaqa kawsanqa manam mikuyllawanchu aswanqa Tayta Diospa llapa rimasqankunawanmi”, nispa (Deuteronomio 8:3; Mateo 4:4). Kaypi yachasqanchikman hinam Dios servisqanchikpi cheqap kusikuytaqa tarisunchik.
Bibliapim Jehová Diosqa alli-allin yachachikuyninta qowanchik. Chaymi estudiaspanchik hinaspa kasukuspanchikqa ‘Tayta Diospa llapa rimasqankunawan’ yanapachikusunchik. Iñiqmasinchik Zuzannam willakun casado vidanpi Bibliawan yanapachikusqanmanta, paymi nin: “Kuskayku Bibliata leesqaykum chaynataq huñunakuyman hinaspa predicacionman risqaykum yanapawarqaku casado vidaykupi. Agradecekunim Diospa kayna yachachikuyninkunamanta kunanqa huk sonqollañam kawsakuniku”, nispa.
Qamqa, ¿imaninkitaq kaymanta? ¿Munawaqchu Dios yachachisunaykita? Hebreos 12:9).
Bibliata estudiaspa consejonkunata kasukuspaykiqa bendicionkunatam chaskinki (‘Salvawaqninchik Dios’
Kay tiempopim astawanraq necesitanchik yanapawaqninchikta. Cheqninakuspa wañuchinakuykuna kaptinmi mana yachanchikchu imapi tukunanta. Huklaw nacionkunapiqa munankum guerrakuna hinaspa mana allin kawsaykuna tukunanta; huklawkunapiñataqmi llamkapakuykuna kananta. ¿Pitaq librawachwan kaynaniraq sasachakuykunamanta?
Bibliam nin: “Mana tuñichiy atina torre hinam Tayta Diosqa. Allin ruraq runaqa paymanmi amparakunanpaq kallpaykunqa”, nispa (Proverbios 18:10). Jehová Diosqa ñawpa tiempopi serviqninkunataqa librarqam chaynallataqmi hamuq tiempopipas serviqninkunataqa libranqa. Jehová Diosqa achka kutitam librarqa llaqtanta. Faraonpa tropankunamanta israelitakunata libraspanmi qawachirqa ñakariqkunata yanapay munasqanta (Exodo 15:1-4).
Ñoqanchikpas librasqa kananchikpaqqa confiananchikmi Jehová Diospi. Chaynata ruraspanmi Israel nacion kamachiq Davidpas llumpay sasachakuykunata atiparqa. Chaymi kaynata nirqa: “Salvaykuqniy Diosniymá qamqariki ñoqallaypaq kapullawanki”, nispa (Salmo 25:5). Chaynallataqmi apostol Pedropas nirqa: “[Diosqa] yachanmi, sasachakuykunamanta serviqninkuna libraytaqa”, nispa (2 Pedro 2:9).
Paypi confiaqkunatam Jehová Dios nin: ‘Ñoqata kuyawasqaykiraykum ñoqapas [. . .] librasqayki’, nispa (Salmo 91:14). Diosta serviqkunaqa kay tiempopipas Diospa librasqanmi tarikunku. Polonia nacionniyoq Henryk sutiyoq iñiqmasinchikmi, qatikachasqa hinaspa sasachakuykunata atipaspan qanchis chunka wataña Diosta servin. 16 watanpi kachkaptinmi presocharuspa taytanta aparurqaku Auschwitz nisqa sitioman maqa-maqarispa llamkachinankupaq. Mayor wawqentapiwanmi Henryktaqa aparurqaku Nazi tropakunapa kasqanman. Chaymantam huklaw sitiokunaman apaqku llamkachinankupaq. Chaymi chay tiempomanta yuyarispan nin: “Llumpay sasachakuykunapi kaptiypas Jehová Diosqa amparawarqam. Wañuypa patanpiña kaptiypas payman sonqo kanaypaqmi kallpanchawarqa”, nispa. Jehová Diosqa yanapanpunim paypi confiaqkunataqa sasachakuykunata atipanankupaq.
Isaias 43:11). Chaymi ‘tukuy atiyniyoq Diospa punchawnin guerrapi’ mana allin ruraqkunata chinkachispan libranqa allin ruraqkunallata (Apocalipsis 16:14, 16; Proverbios 2:21, 22). Hinaptinmi ‘ñakariqkuna [. . .] dueñoyanqaku allpata. Paykunaqa kusikuywanmi hawkayaypi kawsanqaku’ (Salmo 37:11).
Diosqa paypi iñiqkunatam libranqa, chay punchawqa hichpaykamuchkanñam. Chaymi nin: “Ñoqallam kani Tayta Diosqa. Hukqa manam kanchu salvaq Diosqa”, nispa (‘Diospa churin kanapaq’ kallpanchakusunchik
Diosmanta willakuq Malaquiaspa tiemponpim israelitakunaqa niqku Jehová Diosqa Taytaykum nispa. Ichaqa respetowan servinanku kachkaptinpas millakuypaq mikuykunatam hinaspa ñawsa, wistu animalkunatam ofrendapi qorqaku. Chaymi Jehová Dios kaynata nirqa: “Sichum taytaykichik kaptiyqa ¿imanasqamá manaqa yupaychawankichikchu?”, nispa (Malaquias 1:6).
Qamqa, amayá mana kasukuq israelitakuna hinaqa kaychu. Kallpanchamuykikum Jehová Diosman astawan asuykunaykipaq discipulo santiagopa nisqanman hina: “Diosman asuykuptikichikqa paypas asuykusunkichikmi” (Santiago 4:8).
Jehová Dios taytanchiktaqa kasukunanchikmi kamachikuyninkunata tukuy sonqonchikwan. Kasukuptikiqa manam payqa qonqanqachu kallpanchakusqaykitaqa. Astawanmi yanapasunki mosoq pachapi wiñay kawsayta haypanaykipaq chaypiqa “manañam kanqachu wañuypas, lutokuypas, waqaypas nitaq nanaypas” (Apocalipsis 21:4). Chaymi, kamachikuyninkuna kasukuqkunata “Dios libranqa. Churinkunata Dios hatunchaspan libraptinmi tukuy imapas paykunawan kuska librakunqa” (Romanos 8:21).
[4 kaq paginapi suti rikuylla kaq willakuy]
Diosqa munan sutinmanta reqsinanchiktam, Jehová ninanqa “ÑOQAM KANI”, ninanmi
[5 kaq paginapi suti rikuylla kaq willakuy]
“Llumpay sasachakuykunapi kaptiypas Jehová Diosqa amparawarqam.” (HENRYK)
[6 kaq paginapi suti rikuylla kaq willakuy]
“Kuskayku Bibliata leesqaykum chaynataq huñunakuyman hinaspa predicacionman risqaykum yanapawarqaku casado vidaykupi.” (ZUZANNA)