Pantay yachachikuykuna

APOSTOL Pablom yaqa soqta chunka watapi punta cristianokunaman kaynata qellqarqa: “Cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa”, nispa (Colosenses 2:8).

Yaqa pachak wata pasaruptinmi, wakin cristianokunaqa ñawpa tiempopi mana Diosta yupaychaq runakunapa yachayninkunata servichikuyta qallaykurqaku iñisqankumanta yachachinankupaq. ¿Imanasqa? Paykunaqa munarqakum Roma nacionpi estudioyoq runakunapas cristiano kanankuta.

Huknin cristianom karqa Justino Mártir sutiyoq, paymi creerqa Jesus manaraq kay Allpaman hamuchkaspan yachayninkumanta rimaq griego runakunaman rikuriykusqanmanta. Chaynapim paywan hukkunapas piensarqaku reqsisqa runakunapa yachachikuynin hinaspa piensasqankupas allintapuni yanapakunanmanta.

Justino Mártir runapa yachachikuykuna rikurichisqantam achka runakuna qatikurqaku. Chay yachachikuykuna allin kasqanta qawachinanpaqmi, rikurichirqataq huk yachachikuykunatapas, chaynapim rikurirurqa pantay yachachikuykuna, chaykunatam kunan tiempopi cristiano tukuqkuna allinpaq hapinku. ¿Munawaqchu yachayta mayqankuna kasqanta? Kallpanchaykikum qatiqninpi reqsisqa librokunapa nisqanta qawanaykipaq hinaspa Bibliapa cheqap yachachisqanta qawanaykipaqpas.

[3 kaq paginapi reqsikusqanchikmanta]

Diablo: Barrators—Giampolo/The Doré Illustrations For Dante’s Divine Comedy/Dover Publications Inc.; ángeles: Art Resource, NY; Hukllapi kimsa Dioskuna: Museo Bardini (Florencia)