Diospa Palabranmanta Yachay

¿Haykapitaq Jesusqa kamachiyta qallarirqa?

Kay yachachikuymi kikikipa Bibliaykiwan wakin tapukuynikita contestasunki. Munaptikiqa Jehová Diospa testigonkunam kay tapukuykunamanta yachanaykipaq yanapasunkiman.

1. ¿Pipa rantinpitaq Jesusqa kamachichkan?

Rey Davidtam Dios prometerqa mirayninmanta Diospa Gobiernonpi wiñaypaq huk kaqnin kamachinanmanta. Chay mirayqa Jesusmi karqa, payqa hanaq pachapim Rey hinaña kamachichkan. (Leey Salmo 89:4; Lucas 1:32, 33.)

Jehová Diosqa Davidtam mozollaraq kachkaptin akllarqa Israel nacionta kamachinanpaq. Chaymantañataqmi Salomonta akllarqa taytanpa rantinpi otaq Jehová Diospa trononpi kamachinanpaq, chayqa karqa Jerusalenpim (1 Cronicas 28:4, 5; 29:23). Salomon wañukusqan qepataqa achka reykunam chaypi kamachirqaku. Ichaqa yaqa llapankum mana kasukuq karqaku. Chaymi Jehová Dios saqerqa Babilonia tropakuna Jerusalenta 607 (c.t.ñ.) kaq watapi puchukachinankupaq hinaspa reytapas chinkachinankupaq. Chaymantapacham Davidpa mirayninqa manaña Jerusalenpiqa kamachirqachu. (Leey Ezequiel 21:27.)

2. ¿Haykapitaq Diospa Gobiernonpi kaqmanta huk rey rikurimurqa?

Jerusalenta puchukachisqankumanta qepatam, Jehová Diosqa willakuqnin Danielta nirqa mosoq rey hanaq pachamanta kamachimunanpaq. Ichaqa, ¿haykapitaq kamachiyta qallarinman karqa? (Leey Daniel 7:13, 14.)

Chayqa tarikun Danielpa revelacion chaskisqanpim. Chaypim Diosqa kamachirqa Jerusalenpi kamachikuqta chinkachinankupaq. Hina chay revelacionllapitaqmi Diosqa kamachirqa hatu-hatun sachata kuchunankupaq. Chaymantapas willarqam kaqmanta sacha ikllimunanpaq ‘qanchis watakuna’ pasananmanta. Bibliapi kimsa wata partenqa 1.260 punchawkunam, qanchis watakunañataqmi 2.520 punchawkuna (Apocalipsis 12:6, 14). Bibliapiqa nintaqmi huk punchaw huk wata kasqanmanta (Numeros 14:34). Chaymi Diospa Gobiernonpi huk rey kananpaqqa, 2.520 watakuna pasanan karqa. (Leey Daniel 4:10-17.)

  3. ¿Haykapim Jesusqa kamachiyta qallarirqa?

Jerusalen puchukachisqa kasqanmanta 2.520 watakuna pasaruptinmi, Diosqa 1914 watapi Jesusta Rey kananpaq hanaq pachapi churarqa. Chaymantapacham Jesusqa hanaq pachamanta Satanastawan demoniokunata wischumurqa (Apocalipsis 12:7-10). Runakunaqa manam rikurqakuchu chay rurasqantaqa, ichaqa sutillam qawakurqa kay Pachapi imapas pasakusqanpi (Apocalipsis 12:12). 1914 watamanta qepaman tukuy imapas pasakusqanmi qawachin chay watapipuni Jesus kamachiy qallarisqanta. (Leey Mateo 24:14; Lucas 21:10, 11, 31.)

4. ¿Imapim yanapasunki Jesuspa Rey kasqanqa?

Bibliapi lliw willakuykuna cumplikusqanqa qawachinmi Diospa Palabranpi hinaspa Jesuspa Rey kasqanpi confianaykipaq, ñam runakunata libranqaña ñakariymanta. (Leey Salmo 72:8, 12, 13; Daniel 2:44.)

Astawan yachayta munaspaqa qawariy ¿Imatapunim Bibliaqa yachachin? libropa 215-218 paginankunata, kay libroqa Jehová Diospa testigonkunapa rurasqanmi.

[18 hinaspa 19 kaq paginakunapi recuadro]

(Imayna kasqanmanta yachanapaq qaway kay qellqata)

Octubre Octubre

607 c.t.ñ. 1914 c.t.

← 2.520 watakuna →

1000 c.t.ñ. 1 c.t.ñ. 1 c.t. 1000 c.t. 2000 c.t.

← 606 watatawan 3 killata →← 1.913 watatawan 9 killata →

Jerusalenpi Yupay: Rey kananpaqmi

kamachikuymi 606 watatawan 3 killata Jesusta Dios

tukurqa + 1.913 watatawan 9 killata churarqa

2.519 watatawan 12 killata = 2.520 watakuna