1. Anchata kallpanchanakuspam

Diosman sunqu kallasunchik.

Sinchita kallpanchanakuspam

hawkalla kawsakusunchik.

Llapanchik kuyanakuspaqa

tukuytam atipasunchik.

Llapanchik kuska kallaspaqa

harkasqam kawsakusunchik.

2. Llapan iñiqmasinchikkunam

llakipi yanapawanchik.

Llakisqa sunqu kasqanchiktam

rimaykuspan kallpanchaykun.

Chaynatam yanapanakusun

kuskalla llamkaspanchikqa.

Chaynatam qipiysinakusun

llasaqña qipinchiktaqa.

3. Tukupay punchaw kasqanraykum

aswanraq kuskalla kana.

Hukmanña tiempo kasqanraykum

aswanraq huñunakuna.

Chaynapi huk sunqulla kaspa

allinta takyananchikpaq.

Chaynapi Diosman sunqu kaspa

wiñaypaq kawsananchikpaq.