Waranqantin runakunam leeytawan qillqayta yachachkanku
2011 watapim, 5.700 masnin runakuna leeytawan qillqayta yacharqaku Jehova Diospa testigonkuna yanapaptinku.
Ghana:
Pasaq 25 watakunapim, 9.000 runakuna Ghana nacionpi leeytawan qillqayta yacharurqaku Jehova Diospa testigonkuna yanapaptinku.
Zambia:
2002 watamantam, yaqa 12.000 runakuna leeytawan qillqayta yacharunku. 82 watanpi Agnes sutiyuq warmim nin: “Leeytawan qillqayta yachanapaq willawaptinkum, anchata kusikurqani hinaspa chaylla listachikurqani. ¡Ancha kusisqamá tarikurqani sutiyta qillqayta yacharuspay!”, nispa.
Peru:
55 watayuq warmim nirqa: “Tayta-mamayqa manam haykapipas escuelaman rinaypaqqa kamachiwarqachu, chaymi mana haykapipas piensarqanichu leeytawan qillqayta yachanaymantaqa”, nispa.
Mozambique:
Pasaq 15 watakunapim 19.000 runakunaman leeytawan qillqayta yachachirqaniku. Felizarda sutiyuq warmin nin: “Kunanqa atiniñam bibliapa textonkuna maskayta hinaspa runakunapaq leepuytapas, chaywanmi anchata kusikuni. Ñawpaqtaqa llumpaytam sasachakuq kani”, nispa.
Islas Salomon:
Betel wasipi llamkaqkunam ninku: “Karu llaqtachakunapi yachaqkunaqa manam escuelaman riytaqa atirqakuchu pasaq watakunapiqa. Chaymantapas, warmikunataqa manam anchatachu educaqku. Chaymi leeytawan qillqayta yachachisqankuqa achka runakunata yanaparqa. Estudiayta tukuruspankuqa manañam imamantapas iskayrayankuchu”, nispa.
Kaykunatapas leeykuy
¡RIKCHARIY!
Bibliamanta yachay munasqankum leeytawan qillqayta yachanankupaq kallpancharqa
Josefinam 101 watanpi matriculakurqa leeytawan qillqayta yachananpaq. ¿Yaqachu leeytawan qillqayta yacharunman karqa?