Arí iñinikum. Jesusmi nirqa: ‘Ñuqam kani ñan, chiqap kaqpas chaynataq kawsay qukuqpas. Taytaymanqa manam pipas chayanmanchu mana ñuqawanqa’, nispa (Juan 14:6). Jesus kay pachaman hamuspanmi chuyay-chuyay cuerponta qurqa runakunapa rantinpi, chay ruwasqanmantaqa manam iskayrayanikuchu (Mateo 20:28). Jesusqa wañusqanwanmi hinaspa kawsarimusqanwanmi yanapawanchik, paypi iñispaqa wiñay kawsaytam chaskisun (Juan 3:16). Iñinikutaqmi Diospa munaychakuyninpi rey hina Jesus kamachisqanpi, hinaspa hawkayayta llapa runakunaman apamunanmantapas (Apocalipsis 11:15). Ichaqa, nirqam: ‘Taytayqa ñuqamantaqa aswan atiyniyuqmi’, nispa (Juan 14:28). Chay nisqanpim ñuqayku iñiniku, chaymi Jesustaqa mana tukuy atiyniyuq Diosta hinatachu qawaniku nitaq yupaychanikuchu.