Awriki. Jehova Diospa testigonkunaqa imawanpas unquspaykuqa doctormanmi riniku, chaymi hampita tomanaykupaq niwaptinkuqa tomaniku (Lucas 5:31). Jesuspa huknin apostolninpa sutinmi karqa Lucas, payqa doctormi karqa. Chaynam kunan tiempopipas wakin testigokunaqa doctor kanku (Colosenses 4:14).

 Ichaqa manam hampichikunikuchu Diospa kamachisqanpa contranpi kaq hampikunawanqa. Chaymi yawartaqa mana churachikunikuchu nitaq mikunikuchu (Hechos 15:20). Manataqmi hampiqkunawanqa utaq qawaqkunawanqa hampichikunikuchu (Galatas 5:19-21).

 Manataqmi lliw hampikunachu Diospa kamachisqanpa contranpiqa kachkan, chaymi sapakama tanteakuniku mayqin hampikunawan hampichikunaykupaq (Galatas 6:5).