Qawarqanikum achka religionniyuq runakuna bibliamanta uyarisqankuwan kusisqa tarikusqankuta. Ichaqa sapa runapa imapi iñisqankutaqa respetanikum, chayraykum mana pitapas hikutanikuchu yachachisqaykuta chaskinankupaqqa.

 Religionmanta rimanayku kaptinqa bibliapa nisqanman hina ‘humillakuspa hinaspa respetowan’ rimanaykupaqmi kallpanchakuniku (1 Pedro 3:15). Yachanikumá willakusqaykuta wakinku mana chaskinankumantaqa (Mateo 10:14). Chayna kaptinpas, runakunawan mana rimaspaykuqa manachá yachaymankuchu imayna chaskiwanankumantaqa. Hinaspapas runakunapa imayna kasqankuqa cambianmanmi.

 Piensarisun kaypi, pipas huk punchaw llumpay ruwayniyuq kasqanrayku ichapas mana ruwaynin kasqanpi rimayta munanman. Chaymantapas, yaqapaschá runakunaqa ima sasachakuypi tarikuspa Diospa yanapakuyninta maskayta qallaykunmanku. Chayraykum paykunata sapa kuti watukuniku.