Jehova Diospa testigonkunaqa Diosta hinaspa runamasinchikta tukuy sunquwan kuyasqanchikraykum llapan runakunaman bibliamanta rimapayanchik, willanchikmi “manam munanichu” niqkunamanpas (Mateo 22:37-39). Diosta kuyasqanchikraykum lliwman ‘willakunapaq’ churin Jesuspa nisqanta kasukunchik (Hechos 10:42; 1 Juan 5:3). Chaymi ñawpaq tiempopi Diosmanta willakuqkuna hina ñuqanchikpas lliw runakunaman willakunchik (Jeremias 25:4). Runamasinchikkunata kuyasqanchikraykutaqmi Diospa gobiernonmanta lliw runakunaman willakunchik, willakunchikmi “manam munanichu” niq runakunamanpas. Chaynapi paykunapas salvasqa kanankupaq (Mateo 24:14).

 Chaymantapas “manam munanichu” nichkaptinkupas kutispanchikqa tarinchikmi Diosmanta yachay munaq runakunata. ¿Imanasqa?

•   Wakinqa huklawmanmi astakunku.

•   Hina chay wasipim hukkaqnin yachayta munanman.

•   Runakunaqa imapas pasarusqanraykum utaq ima llakipipas tarikusqankuraykum imapas piensasqankuta cambianmanku, chaymi ‘Diosmantaqa yachaytaña munanmanku’ (Mateo 5:3). “Manam munanichu” niq runakunapas piensasqankutaqa cambianmanmi apostol Pablo hina (1 Timoteo 1:13).

 Chaywanpas uyariwananchikpaqqa manam runakunataqa obliganchikchu (1 Pedro 3:15). Sapa runam tantiakunan religionninkumantaqa (Deuteronomio 30:19, 20).