Jehova Diospa testigonkuna enteron pachapi imapas ruwasqaykuqa sunqumanta qullqiykuta qusqaykuwanmi. Qullqitaqa churachwanmi huñunakusqayku wasipi qullqi churana cajachaman utaq jw.org niqpi imaynata qullqinchikta qunapaq niwasqanchikman hina a. Qullqita churaqqa tantianmanmi qullqi churasqan imakunapaq kasqanmanta, kanmanmi enteron pachapi Diosmanta willakunapaq, huñunakuna wasipa gastonkunapaq, utaq iskayninpaqpas.

 Testigokunataqa manam niwankuchu hayka qullqita qunaykupaqqa, manataqmi diezmotaqa qunikuchu (2 Corintios 9:7). Huñunakuyniykupiqa manataqmi qullqitaqa mañakunikuchu. Punta apaqkunapas manam qullqitaqa mañankuchu pitapas bautizanankupaqqa, pipas wañukuptin, utaq pipas casarakuptin yachachinanpaq niptinkupas. Manataqmi qullqita huñunaykupaqqa bingo, loteria, rifa nisqankuta utaq chayna kaqkunataqa ruwanikuchu nitaq runakunamantaqa qullqitaqa mañakunikuchu. Qullqi quqkunapa sutintaqa manataqmi willakunikuchu (Mateo 6:2-4). Qullqita chaskinaykupaqqa manataqmi ima qillqaykupipas chaynataq internetpi jw.org nisqanpipas propagandakunataqa churachinikuchu.

 Jehova Diospa testigonkunaqa sapa killam huñunakuykunapi willakunku hayka qullqi chaskisqankumanta hinaspa gastokuna ruwasqankumanta. Hinaspapas watapim achka kutita qullqi chaskisqankuta imakunapi gastasqankuta yachanankupaq allinta qawanku chaynapi qullqita allinta servichikunapaq (2 Corintios 8:20, 21).

•   Qullqi churana cajachakunapi: Pipas qullqita quyta munaspaqqa huñunakusqayku wasipim utaq maypipas huñunakusqaykupim qullqi churanaykupaq cajachaman churanmanku, chequepipas churanmankutaqmi.

•   Internetninta apachispa: Achka nacionkunapim jw.org niqpi “Donar a los testigos de Jehová” niqman yaykuspa qullqita internetninta apachiyta atinmanku, bancopa qusqan tarjetankuta utaq chayman rikchakuqkunata servichikuspanku. b Wakin testigokunam tantianku sapa killa hayka qunankupaq chaymi chayman yaykuspanku churanku bancopi qullqichanku kikillanmanta apachinanpaq (1 Corintios 16:2).

•   Kapuqninchikkunata tiempomanta tantiaspa qunapaq: Wakinpiqa qullqichanchikta imayna qunapaqqa allintam yachaykuna hinaspa asesor nisqankuwan yanapachikuna. Chayqa yanapasunkimanmi gobiernopa nisqanman hina imatapas ruwaspa impuestokunata mana llumpayta paganapaq. Wakinkupaqqa allinmi karqa kawsachkaspankuraq utaq wañukusqanku qipata qullqinku Jehova Diospa testigonkunapaq imayna apachinankumanta yachayninkuqa. Jehova Diospa testigonkunapa sucursalnintam qayawaq utaq riwaq, paykunam nisunki imaynata qullqikita qunaykipaq. Quwaqmi:

  •   cuentas bancarias nisqantakama

  •   seguros hinaspa planes de jubilación nisqantakama

  •   bienes raíces nisqantakama

  •   acciones hinaspa bonos nisqantakama

  •   testamentos hinaspa fideicomisos nisqantakama

 Yachasqayki lawpi imaynata qullqikita qunaykimanta astawan yachanaykipaq qaway “Donar a los testigos de Jehová” niqta.