1 Crónicas 18:1-17
18 Tiempowantaq Davidqa Filistea runakunata atipaspa paykunata kamachipurqan, Gaj llaqtatapas+ muyuriqninpi kaq llaqtachakunatawanmi qechupurqan.+
2 Chaymantapas Moab+ runakunatan atiparqan, chhaynapin Moab runakunaqa Davidpa kamachinkuna kapurqanku, impuestotapas payman pagarqanku.+
3 Zobá+ llaqtaq reynin Adadezermi+ risharqan Éufrates mayu+ ladopi kaq jallp’akunata jujmanta jap’ikapuq, chaypin Davidqa Amaj+ llaqtaq qayllanpi Adadezerta atiparqan.
4 Davidqa Adadezerpa soldadonkunatan presota jap’irqan qanchis waranqa caballokunapi sillaykusqa soldadokunata, iskay chunka waranqa chakillapi puriq soldadokunata, waranqa carretakunatawan.+ Chaymantataq carretakunata aysaq caballokunaq jank’unta kuchurqan, pachaj caballokunallatañan mana imanarqanpaschu.+
5 Damasco llaqtapi tiyaq Siria runakunan jamurqanku Zobá llaqta rey Adadezerta yanapaq, Davidmi ichaqa paykunamanta iskay chunka iskayniyoq waranqa Siria runakunata wañuchirqan.+
6 Davidqa Siriapi kaq Damasco llaqtapin soldadonkunata churarqan, chhaynapin Siria runakunaqa paypa kamachinkuna kapurqanku, impuestota imataq pagaqku. Maytaña David maqanakuq riqtinpas Jehová Diosqa atipachillaqpunin.*+
7 Chaymantapas Davidqa Adadezerpa kamachinkunamantan qechurqan qorimanta jark’apakuna muyu escudonkuta, chaytataq Jerusalenman aparqan.
8 Davidqa apallarqantaqmi Tibaj llaqtamanta Cun llaqtamantawan askha cobreta. Chay llaqtakunaqa Adadezerpa kamachisqan llaqtakunan karqan. Chay cobrewanmi Salomonqa ruwarqan Jatun Qocha nisqa puruñata,*+ columnakunata, imaymana serviciokunatapas.+
9 Amaj llaqta rey Toun yacharurqan Zobá+ llaqta rey Adadezerpa+ soldadonkunata David lliuta atipasqanta.
10 Jinan chay reyqa wawan Adoranta kacharqan Davidpa kasqanman, chhaynapi imaynachus kashasqanta tapumunanpaq, Adadézer reyta atipasqanmanta felicitamunanpaqwan. (Rey Adadezerqa askha kutipin maqanakurqan Tou reywan). Adoranqa qolqemanta, qorimanta, cobremanta imaymana ruwasqakunatan Davidman aparqan.
11 Chay regalokunatan rey Davidqa Jehová Diospaq t’aqarqan,*+ imaynan juj nacionkunamanta apamusqan qoriwanpas qolqewanpas ruwarqan jinata. Chaykunatan qechumurqan: Edom runakunamanta, Moab runakunamanta, Anmón runakunamanta,+ Filistea runakunamanta,+ Amalec runakunamantawan.+
12 Zeruyapa+ churin Abisaiqa+ chunka pusaqniyoq waranqa Edom runakunatan Kachi wayq’opi wañuchirqan.+
13 Jinan Abisaiqa soldadokunata lliu Edom llaqtapi churarqan, chhaynapin llapa Edom runakunaqa Davidpa kamachinkuna kapurqanku.+ Maymanña David maqanakuq riqtinpas Jehová Diosqa atipachillaqpunin.*+
14 Davidqa lliu Israel llaqtantintan chaninta juzgaspa kamachisharqan.+
15 Zeruyapa churin Joabmi soldadokunaq umallin karqan,+ Ailujpa churin Jehosafat-taq+ reypa qelqaqnin karqan.
16 Aitufpa churin Sadocwan Abiatarpa churin Aimelecwantaq sacerdotekuna karqanku. Savsataq secretario karqan.
17 Jehoiadapa churin Benayataq karqan keretita+ runakunaq peletita+ runakunaq* umallin. Davidpa churinkunataq karqanku payman qatiq allin autoridadniyoq umallikuna.
Uraypi willakuykuna
^ Chaypiqa “salvallaqpunin” nillanmantaqmi.
^ Chay cobre puruñaqa jatun manka jinan karqan.
^ Hebreo rimaypiqa “ch’uyancharqan” ninmi.
^ Chaypiqa “salvallaqpunin” nillanmantaqmi.
^ Chaypiqa Davidta cuidaq soldadokunamantan rimashan.
