1 Crónicas 2:1-55
2 Kaykunan karqan Israelpa+ churinkuna: Rubén,+ Simeón,+ Leví,+ Judá,+ Isacar,+ Zabulón,+
2 Dan,+ José,+ Benjamín,+ Neftalí,+ Gad,+ Aserpiwan.+
3 Judapa churinkunataq karqan: Er, Onán, Selapiwan. Chay kinsantin churinkunatan paypaq onqokurqan Canaán llaqtayoq Shuaq ususin.+ Phiwi* churin Erpa ruwasqanmi ichaqa Jehová Diospaq mana allinchu karqan, chaymi Diosqa wañuchipurqan.+
4 Judaqa Tamar+ qhachuninpin wawayoq kallarqantaq, paykunan karqanku Perezwan+ Zerapiwan. Chhaynapin Judapa churinkunaqa pisqa karqan.
5 Perezpa churinkunan karqan Ezronwan Amulwan.+
6 Zeraq churinkunan karqan pisqa, paykunan karqan: Zimrí, Etán, Emán, Calcol, Darapiwan.
7 Carmipa churinmi karqan Ajar,* paymi chinkachinapaq kaqta oqarikuspa Israel runakunata sasachakuyman churarqan.+
8 Etanpa churinmi karqan Azarías.
9 Ezronpa churinkunan karqan: Jeramel,+ Ran,+ Kelubaipiwan.*
10 Ranmi karqan Aminadabpa+ taytan, Aminadabtaq karqan Nasonpa+ taytan. Nasonqa Judá ayllu runakunaq umallinmi karqan.
11 Nasonmi karqan Salmapa+ taytan, Salmataq karqan Boazpa+ taytan,
12 Boaztaq karqan Obedpa taytan, Obedtaq karqan Jesepa+ taytan.
13 Jesepa phiwi churinmi karqan Eliab, iskay kaq churintaq karqan Abinadab,+ kinsa kaq churintaq karqan Simeá,+
14 tawa kaq churintaq karqan Netanel, pisqa kaq churintaq karqan Radái,
15 soqta kaq churintaq karqan Ozen, qanchis kaq churintaq karqan David.+
16 Paykunaq panankunan karqan Zeruyawan Abigailpiwan.+ Zeruyapa churinkunan karqan kinsa, paykunan karqan: Abisái,+ Joab,+ Asaelpiwan.+
17 Abigailpa churintaq karqan Amasá.+ Amasapa taytanmi karqan Jéter, Jeterqa Ismael runan karqan.
18 Ezronpa churinmi karqan Caleb;* Calebpa churinkunataq karqan: Jéser, Sobaf, Ardonpiwan. Paykunaq mamankun karqan Azubawan Jeriojpiwan.
19 Azubá wañukapuqtinmi Calebqa Efratawan+ casarakapurqan, paykunaq wawankun karqan Hur.+
20 Hurpa churinmi karqan Urí, Uripa churintaq karqan Bezalel.+
21 Chaymantataq Ezronqa soqta chunka watanpi kashaspa casarakurqan Makirpa+ ususinwan, paykunaq wawankun karqan Seguf. Makirqa Galaadpa+ taytanmi karqan.
22 Segufmi karqan Jairpa+ taytan, Jairqa Galaad jallp’apin+ jap’ikapurqan iskay chunka kinsayoq llaqtakunata.
23 Tiempowantaq Guesur+ runakunawan Siria+ runakunawan qechupurqanku Avoj-Jaír+ llaqtata, jinallataq Quenaj+ llaqtata, muyuriqninpi kaq llaqtachakunatawan. Llapanpiqa soqta chunka llaqtakunatan qechurqanku. Llapa chay llaqtakunapi kaq runakunaqa Galaadpa taytan Makirpa mirayninmi karqanku.
24 Ezronmi+ Caleb-Efrata llaqtapi wañukapurqan, chay qhepamanmi esposan Abiasqa Asjurta+ onqokurqan. Asjurmi karqan Tecoaq+ taytan.*
25 Ezronpa phiwi churinmi karqan Jeramel. Jeramelpa phiwi churintaq karqan Ran, wakin churinkunataq karqan: Buná, Orén, Ozen, Aiyapiwan.
26 Jeramelpan juj esposan kallarqantaq, paypa sutinmi karqan Atará. Paymi Onanpa maman karqan.
27 Jeramelpa phiwi churinmi karqan Ran, Ranpa churinkunataq karqan: Maz, Jamín, Equerpiwan.
28 Onanpa churinkunan karqan Samaiwan Jadawan. Samaipa churinkunataq karqan Nadabwan Abisurwan.
29 Abisurpa esposanmi karqan Abijail, paykunaq churinkun karqan Abanwan Molijpiwan.
30 Nadabpa churinkunataq karqan Selejwan Apainpiwan. Selejmi ichaqa mana wawayoq wañukapurqan.
31 Apainpa churinmi karqan Isí, Isipa churintaq karqan Sesán, Sesanpa churintaq karqan Alái.
32 Jadaqa Samaipa wayqenmi karqan. Jadapa churinkunan karqan Jeterwan Jonatanwan. Jetermi ichaqa mana wawayoq wañukapurqan.
33 Jonatanpa churinkunataq karqan Pelezwan Zazawan. Chaykunan karqanku Jeramelpa mirayninkuna.
34 Sesanpa churinkunaqa manan karqanchu, ususinkunallan karqan. Paypa kamachinmi karqan Egipto llaqtayoq Jará.
35 Jinan Sesanqa kamachin Jaraman ususinta qorqan esposan kananpaq. Paykunaq wawanmi karqan Atái.
36 Ataiqa Natanpa taytanmi karqan, Natantaq karqan Zabajpa taytan,
37 Zabajtaq karqan Eflalpa taytan, Eflaltaq karqan Obedpa taytan,
38 Obedtaq karqan Jehupa taytan, Jehutaq karqan Azariaspa taytan,
39 Azariastaq karqan Elezpa taytan, Eleztaq karqan Eleasapa taytan,
40 Eleasataq karqan Sismaipa taytan, Sismaitaq karqan Salumpa taytan,
41 Salumtaq karqan Jecamiaspa taytan, Jecamiastaq karqan Elisamapa taytan.
42 Calebqa*+ Jeramelpa wayqenmi karqan. Calebpa phiwi churinmi karqan Mesá, paymi Zifpa taytan karqan. Chaymantapas kallarqantaqmi Maresapa churinkuna, Maresaqa Hebronpa taytanmi karqan.
43 Hebronpa churinkunan karqan: Coré, Tapúa, Réquen, Semapiwan.
44 Semaqa Rajanpa taytanmi karqan, Rajantaq karqan Jorqueanpa taytan. Requenmi karqan Samaipa taytan,
45 Samaitaq karqan Maonpa taytan, Maontaq karqan Bej-Zurpa+ taytan.
46 Calebpa tiyaqmasinmi* karqan Efá, paymi Calebpaq onqokurqan Haranta, Mozata, Gazeztawan. Haranpa churintaq karqan Gazez.
47 Jadaipa churinkunan karqan: Réguen, Jotán, Guesán, Pélej, Efá, Safpiwan.
48 Calebpa tiyaqmasinmi kallarqantaq Macá, paymi Calebpaq onqokurqan Seberta Tiranatawan.
49 Tiempowanmi Macaqa onqokullarqantaq Safta, paymi Majmanapa+ taytan karqan. Chaymantapas onqokullarqantaqmi Sevata, paypa churinkunan karqan Macbenawan Guibeapiwan.+ Calebpa+ ususinmi karqan Acsá.+
50 Chaykunan karqanku Calebpa mirayninkuna.
Efrataq+ phiwi churinmi karqan Hur,+ Hurpa churintaq karqan Sobal. Sobalmi karqan Quiryaj-Jearin+ runakunaq taytan.
51 Chaymantapas Hurpa churinmi karqan Salmá, paymi karqan Belén+ runakunaq taytan. Hurpa churinmi kallarqantaq Aref, paymi karqan Bej-Gader runakunaq taytan.
52 Sobalmi Quiryaj-Jearinpa taytan karqan, Sobalpa churinmi karqan Aroé. Chaymantapas Sobalqa wakin menuoj runakunaq ñaupa taytanmi karqan.
53 Quiryaj-Jearin llaqtapin tiyarqanku Jéter runakuna,+ putíe runakuna, sumatita runakuna, misraíta runakuna ima. Paykunaq mirayninmantan paqarirqan Zorá runakunapas+ Estaol runakunapas.+
54 Salmapa mirayninkunan karqan Belén+ runakuna, Netofá runakuna, Atroj-Bej-Joab runakuna, kuskan Manát runakuna, zorita runakuna ima.
55 Jabez llaqtapin tiyarqanku qelqaq runakuna, paykunan karqanku: tirateo runakuna, simeateo runakuna, sucateo runakuna. Llapa paykunan karqanku Amajpa mirayninmanta jamuq quenita runakuna.+ Amajqa Recab+ runakunaq ñaupa taytanmi karqan.
Uraypi willakuykuna
^ Ajar sutiqa “sasachakuykunata paqarichiq” ninantan nin. Paytan nikullantaq “Aján” nispa Jos 7:1 textopi.
^ Kay capitulopi rijurimuq wakin sutikunaqa yaqapaschá llaqtakunaq sutin kashan, manataq runaq sutinchu. Chhayna kaqtinqa yaqapaschá “tayta” nispaqa llaqta jatarichiqmanta nishanman.
^ Tiyaqmasi warmikunaqa esposakuna jinan karqanku. Qhaway Explicasqa simikuna nisqapi “Tiyaqmasi warmi” nisqata.
