1 Crónicas 24:1-31
24 Davidmi Aaronpa mirayninkunata t’aqa-t’aqapi churarqan. Aaronpa churinkunan karqan: Nadab, Abiú,+ Eleazar, Itamarpiwan.+
2 Nadabwan Abiuwanqa papanku kausakushaqtinraqmi wañukapurqanku,+ paykunaqa mana wawayoqmi karqanku. Eleazarwan+ Itamarwanmi ichaqa sacerdote jina Diosta servishallarqanku.
3 Paykunaq miraynintan Davidqa t’aqarqan Diosta servispa llank’anankupaq. Chay ruwaypin Davidta yanaparqanku Eleazarpa mirayninmanta Sadocwan+ Itamarpa mirayninmanta Aimelecpiwan.
4 Eleazarpa mirayninpi kaq umallikunaqa aswan askhan karqan Itamarpa mirayninpi kaq umallikunamantaqa. Eleazarpa mirayninpi kaq umallikunan karqan chunka soqtayoq, Itamarpa mirayninpi kaq umallikunataq karqan pusaq. Chaymi paykunataqa jayk’achus kasqankuman jina t’aqarqanku.
5 Eleazarpa mirayninpi kaq umallikunatapas Itamarpa mirayninpi kaq umallikunatapas sorteopin t’aqarqanku,+ chaymi Eleazarpa mirayninkunapas Itamarpa mirayninkunapas wakin Diospa karpanpi llank’arqanku, wakintaq Diosta servispa llank’arqanku.
6 Leví ayllu runakunaq secretarionmi karqan Netanelpa churin Semaya, paymi chay umallikunaq sutinta qelqarqan. Chaytan Semayaqa ruwarqan reypa ñaupanpi, Israelpi kaq autoridadkunaq ñaupanpi, sacerdote Sadocpa+ ñaupanpi, Abiatarpa+ churin Aimelecpa+ ñaupanpi, Leví ayllupi kaq umallikunaq ñaupanpi, sacerdotekunaq ñaupanpi ima. Chhaynatan t’aqarqanku Eleazarpa mirayninmanta kaq umallikunatapas Itamarpa mirayninmanta kaq umallikunatapas.
7 Sorteaqtinkun ñaupaqta lloqsimurqan Jehoyarif, iskay kaqpitaq lloqsimurqan Jedayá,
8 kinsa kaqpitaq Arin, tawa kaqpitaq Seorin,
9 pisqa kaqpitaq Malkiya, soqta kaqpitaq Mijamín,
10 qanchis kaqpitaq Acoz, pusaq kaqpitaq Abías,+
11 isqon kaqpitaq Jesúa, chunka kaqpitaq Secanías,
12 chunka jujniyoq kaqpitaq Eliasib, chunka iskayniyoq kaqpitaq Jaquin,
13 chunka kinsayoq kaqpitaq Jupá, chunka tawayoq kaqpitaq Jesebeaf,
14 chunka pisqayoq kaqpitaq Bilgá, chunka soqtayoq kaqpitaq Imer,
15 chunka qanchisniyoq kaqpitaq Ezir, chunka pusaqniyoq kaqpitaq Apizez,
16 chunka isqonniyoq kaqpitaq Petaías, iskay chunka kaqpitaq Jezquel,
17 iskay chunka jujniyoq kaqpitaq Jakín, iskay chunka iskayniyoq kaqpitaq Gamul,
18 iskay chunka kinsayoq kaqpitaq Delayá, iskay chunka tawayoq kaqpitaq Mazías.
19 Chhaynan paykunaqa t’aqasqa karqanku Jehová Diospa wasinpi llank’anankupaq.+ Chay llank’aykunataqa ruwarqanku ñaupa taytanku Aaronpa kamachisqanman jinan, chay kamachikuykunatan Israelpa Diosnin Jehová Diosqa Aaronman qorqan.
20 Wakin Leví ayllu runakunataq kaykuna karqanku: Amrampa+ mirayninmantan karqan Subael,+ Subaelpa mirayninmantataq karqan Jedeyá,
21 Reabiaspa+ mirayninmantataq karqan umalli Isías,
22 Izarpa mirayninmantataq karqan Selomoj,+ Selomojpa mirayninmantataq karqan Jaj,
23 Hebronpa mirayninmantataq karqanku: ñaupaq kaq churin umalli Jerías,+ iskay kaq churin Amarías, kinsa kaq churin Jaziel, tawa kaq churin Jecameanpiwan;
24 Uzielpa mirayninmantataq karqan Miqueas, Miqueaspa mirayninmantataq karqan Samir,
25 Isiaspa mirayninmantataq karqan Zacarías. Isiasqa Miqueaspa wayqenmi karqan.
26 Meraripa+ churinkunan karqan Maliwan Musipiwan. Jaziaspa mirayninmantan karqan Beno.
27 Meraripa mirayninmi karqan Jazías, Jaziaspa mirayninmantataq karqanku: Beno, Sojan, Zacur, Ibripiwan.
28 Malipa mirayninmantataq karqan churin Eleazar, paypaqa manan churinkuna karqanchu,+
29 Quispa mirayninmantataq karqan churin Jeramel.
30 Musipa churinkunataq karqan: Malí, Éder, Jerimojpiwan.
Chaykunan karqanku Levipa mirayninmanta ajllasqa umallikuna.
31 Chhaynatan wakin Leví runakunatapas Aaronpa churinkunata jina sorteopi t’aqarqanku.+ Paykunaqa t’aqasqa karqanku rey Davidpa ñaupanpi, Sadocpa ñaupanpi, Aimelecpa ñaupanpi, Leví ayllupi kaq umallikunaq ñaupanpi, sacerdotekunaq ñaupanpi ima. Kuraqña sullk’aña chay umallikuna karqanku chaypas llapankutan igual-llata sorteopi t’aqarqanku.
