1 Crónicas 27:1-34
-
Reyta serviq umallikunamanta (1-34)
27 Rey Davidpa ejercitonpi kaq Israel runakunaqa t’aqa-t’aqapin juñusqa karqanku reyta servinankupaq, sapanka t’aqapin karqanku iskay chunka tawayoq waranqa runakuna. Chay t’aqakunapin kasharqanku familiapi umallikuna, waranqa runakunaq umallinkuna, pachaj runakunaq umallinkuna,+ chay t’aqakunaq umallinkunapas.+ Chay t’aqakunan watantin turnopi juj killa reyta serviqku.
2 Ñaupaq kaq t’aqatan umallirqan Zafdielpa churin Jasobean,+ paypa t’aqanqa ñaupaq kaq killapin reyta servirqan, t’aqanpitaq karqan iskay chunka tawayoq waranqa runakuna.
3 Jasobeanqa ñaupaq kaq killapi reyta serviq umallikunaq umallinmi karqan, payqa Perezpa+ mirayninmantan karqan.
4 Iskay kaq t’aqatataq umallirqan Aojí+ runa Dodái,+ paypa t’aqanqa iskay kaq killapin reyta servirqan, t’aqanpitaq karqan iskay chunka tawayoq waranqa runakuna, Dodaiman qatiq umallitaq karqan Micloj.
5 Kinsa kaq t’aqatataq umallirqan uma sacerdote Jehoiadapa+ churin Benaya,+ paypa t’aqanqa kinsa kaq killapin reyta servirqan, t’aqanpitaq karqan iskay chunka tawayoq waranqa runakuna.
6 Churin Amizabajtaq karqan payman qatiq umalli. Benayaqa kinsa chunka allin maqanakuq soldadokunamanta jujninmi karqan, paytaqmi chay soldadokunaq umallin karqan.
7 Tawa kaq t’aqatataq umallirqan Joabpa wayqen+ Asael,+ paypa t’aqanqa tawa kaq killapin reyta servirqan, t’aqanpitaq karqan iskay chunka tawayoq waranqa runakuna. Asaelpa qhepanmanqa churin Zebadiasmi umalli kapurqan.
8 Pisqa kaq t’aqatataq umallirqan Izra runa Samuj, paypa t’aqanqa pisqa kaq killapin reyta servirqan, t’aqanpitaq karqan iskay chunka tawayoq waranqa runakuna.
9 Soqta kaq t’aqatataq umallirqan Tecoa+ llaqtayoq Iquespa churin Irá,+ paypa t’aqanqa soqta kaq killapin reyta servirqan, t’aqanpitaq karqan iskay chunka tawayoq waranqa runakuna.
10 Qanchis kaq t’aqatataq umallirqan Efraín ayllumanta pelonita runa Élez,+ paypa t’aqanqa qanchis kaq killapin reyta servirqan, t’aqanpitaq karqan iskay chunka tawayoq waranqa runakuna.
11 Pusaq kaq t’aqatataq umallirqan Zeraq mirayninmanta+ Jusá runa Sibecái,+ paypa t’aqanqa pusaq kaq killapin reyta servirqan, t’aqanpitaq karqan iskay chunka tawayoq waranqa runakuna.
12 Isqon kaq t’aqatataq umallirqan Benjamín ayllumanta Anatoj llaqtayoq+ Abí-Ézer,+ paypa t’aqanqa isqon kaq killapin reyta servirqan, t’aqanpitaq karqan iskay chunka tawayoq waranqa runakuna.
13 Chunka kaq t’aqatataq umallirqan Zeraq mirayninmanta+ Netofá llaqtayoq Marái,+ paypa t’aqanqa chunka kaq killapin reyta servirqan, t’aqanpitaq karqan iskay chunka tawayoq waranqa runakuna.
14 Chunka jujniyoq kaq t’aqatataq umallirqan Efraín ayllumanta Piratón llaqtayoq Benaya,+ paypa t’aqanqa chunka jujniyoq kaq killapin reyta servirqan, t’aqanpitaq karqan iskay chunka tawayoq waranqa runakuna.
15 Chunka iskayniyoq kaq t’aqatataq umallirqan Ojnielpa mirayninmanta Netofá llaqtayoq Heldái, paypa t’aqanqa chunka iskayniyoq kaq killapin reyta servirqan, t’aqanpitaq karqan iskay chunka tawayoq waranqa runakuna.
16 Israelpi kaq ayllukunapi umallikunataq kaykuna karqan: Rubén ayllu runakunaq umallinmi karqan Zicripa churin Eliezer, Simeón ayllu runakunaq umallintaq karqan Macapa churin Sefatías,
17 Leví ayllu runakunaq umallintaq karqan Quemuelpa churin Asabías, Aaronpa mirayninpi umallitaq karqan Sadoc,
18 Judá ayllu runakunaq umallintaq karqan Davidpa wayqen Elihú,+ Isacar ayllu runakunaq umallintaq karqan Miguelpa churin Omrí,
19 Zabulón ayllu runakunaq umallintaq karqan Abdiaspa churin Ismayá, Neftalí ayllu runakunaq umallintaq karqan Azrielpa churin Jerimoj,
20 Efraín ayllu runakunaq umallintaq karqan Azaziaspa churin Hosea, kuskan Manasés ayllu runakunaq umallintaq karqan Pedayaq churin Joel,
21 Galaad jallp’api kaq kuskan Manasés ayllu runakunaq umallintaq karqan Zacariaspa churin Idó, Benjamín ayllu runakunaq umallintaq karqan Abnerpa+ churin Jasiel,
22 Dan ayllu runakunaq umallintaq karqan Jeroanpa churin Azarel. Chaykunan karqan Israelpi kaq ayllukunapi umallikuna.
23 Jehová Diosmi Israel llaqtanta prometerqan janaq pachapi kaq ch’askakunata jina askhaman tukuchinanta,+ chaymi Davidqa mana yuparqanchu iskay chunka watayoqmanta urayman kaq Israel runakunataqa.
24 Zeruyapa churin Joabmi Israel runakunata yuparqan, ichaqa manan tukurqanchu yupayta. Jinan Diosqa llaqtanpi kaq runakunata yupasqankurayku Israel runakunapaq sinchita phiñakurqan,+ chaymi rey Davidpa kamachikusqan p’unchaykunapiqa mana qelqakurqanchu reymanta willaq libropi jayk’achus Israel runakuna kasqantaqa.
25 Adielpa churin Azmavejmi encargasqa karqan reypa wasinpi kaq valorniyoq cosaskunata waqaychana cuartomanta.+ Uziaspa churin Jonatantaq encargasqa karqan campokunapi, llaqtakunapi, juch’uy llaqtakunapi, torrekunapi kaq mijuy* waqaychana wasikunamanta.
26 Kelufpa churin Ezritaq encargasqa karqan chajrakunapi llank’aq runakunamanta.
27 Ramá llaqtayoq Simeitaq encargasqa karqan uvas chajrakunamanta. Sifmoj llaqtayoq Zafditaq encargasqa karqan vino waqaychana wasikunamanta.
28 Guéder llaqtayoq Baal-Janantaq encargasqa karqan Sefelá ladopi+ kaq aceituna chajrakunamanta sicómoro+ chajrakunamanta ima. Joastaq encargasqa karqan aceite waqaychana wasikunamanta.
29 Saronmanta Sitraitaq encargasqa karqan Sarón jallp’api+ waka michiqkunamanta. Adlaipa churin Safajtaq encargasqa karqan wayq’o pampakunapi waka michiqkunamanta.
30 Ismael runa Obiltaq encargasqa karqan camello michiqkunamanta. Meronoj llaqtayoq Jedeyataq encargasqa karqan asno michiqkunamanta.
31 Agarpa mirayninmanta Jaziztaq encargasqa karqan oveja michiqkunamanta cabra michiqkunamantawan. Llapa paykunan rey Davidpa imaymana kaqninkunamanta encargasqa karqanku.
32 Davidpa sobrinon Jonatantaq+ karqan reypa yuyaychaqnin reypa secretarion ima, Jonatanqa allin yuyayniyoq runan karqan. Acmonipa churin Jeyeltaq karqan reypa wawankunata cuidaq.+
33 Ahitofeltaq+ reypa yuyaychaqnin karqan, arkita runa Jusaitaq+ reypa amigon karqan.
34 Abiatarwan+ Benayaq+ churin Jehoiadawantaq Ahitofelpa rantinpi reypa yuyaychaqnin kapurqanku. Joabtaq+ karqan reypa soldadonkunaq umallin.
Uraypi willakuykuna
^ Chaypiqa “kaqninkuna” nillanmantaqmi.
