1 Crónicas 7:1-40
7 Isacarpa churinkunan karqan tawa, paykunan karqanku: Tolá, Pua, Jasuf, Sinronpiwan.+
2 Tolapa churinkunan karqan: Uzí, Refayá, Jeriel, Jamái, Ifsan, Semuelpiwan. Paykunaqa familiankupi umallikunan karqanku. Davidpa kamachikusqan tiempopiqa 22.600 soldadokunan karqanku Tolapa mirayninmanta, paykunaqa allin maqanakuq kallpasapa soldadokunan karqanku.
3 Uzipa mirayninmi* karqan Izraías, Izraiaspa churinkunataq karqan: Miguel, Abdías, Joel, Isiaspiwan. Paykunaqa pisqantinkun umallikuna karqanku.
4 Isacarpa mirayninmanta runakunaqa askha esposakunayoq askha wawakunayoqmi karqanku, chaymi chay ayllupiqa 36.000 soldadokuna karqan, paykunaqa liston kasharqanku maqanakuq rinankupaq.
5 Llapa Isacar ayllupiqa 87.000 allin maqanakuq soldadokunan karqanku. Chaytan yachakurqan llapa Isacar ayllupi kaq familiakunata yupaspa.+
6 Benjaminpa+ churinkunan karqan kinsa, paykunan karqanku: Bela,+ Béker,+ Jediaelpiwan.+
7 Belaq churinkunataq karqan pisqa, paykunan karqanku: Ezbón, Uzí, Uziel, Jerimoj, Iripiwan. Paykunaqa allin maqanakuq soldadokuna umallikuna iman karqanku. Paykunaq familianku ukhupiqa 22.034 soldadokunan karqan.+
8 Bekerpa churinkunataq karqan: Zemirá, Joás, Eliezer, Elionái, Omrí, Jeremoj, Abías, Anatoj, Alemejpiwan. Paykunaqa llapankun Bekerpa churinkuna karqanku.
9 Bekerpa familianpi kaq umallikunata yupakuqtinqa 20.200 allin maqanakuq soldadokunan karqan.
10 Jediaelpa+ churinmi* karqan Bilán, Bilanpa churinkunataq karqan: Jeús, Benjamín, Ehúd, Kenaná, Zetán, Tarsis, Aisajarpiwan.
11 Llapa paykunan karqanku Jediaelpa mirayninkuna. Llapa familiankuta yupaqtinkuqa 17.200 allin maqanakuq soldadokunan karqanku, paykunaqa liston kasharqanku maqanakuyman rinankupaq.
12 Sufin runakunaq Upin runakunaq taytanmi karqan Ir.+ Jusin runakunaq taytantaq karqan Ajer.
13 Neftalipa+ churinkunan karqan: Jaziel, Guní, Jézer, Salumpiwan. Paykunan karqanku Bilapa+ mirayninkuna.
14 Manasespa+ miraynintaq karqan Asriel (paytaqa onqokurqan Siria jallp’amanta Manasespa tiyaqmasin warmin.* Paymi onqokullarqantaq Makirta,+ Makirqa Galaadpa taytanmi karqan.
15 Makirmi esposakunata maskhapurqan Upinpaqwan Sufinpaqwan, paykunaq pananmi karqan Macá). Manasespa iskay kaq miraynintaq karqan Zelofead,+ Zelofeadqa ususikunallayoqmi karqan.+
16 Makirpa esposan Macami onqokurqan juj wawata, paytan suticharqan Peres nispa. Perespa wayqenmi karqan Seres, Serespa wawankunataq karqan Ulanwan Requenpiwan.
17 Ulanpa churintaq karqan Bedán. Llapa paykunan Galaadpa mirayninkuna karqanku, Galaadqa Makirpa churinmi karqan, Makirtaq Manasespa churin karqan.
18 Galaadpa pananmi karqan Amolékej, paymi onqokurqan Isojta, Abí-Ezerta, Malatawan.
19 Semidapa churinkunataq karqan: Ajián, Shejen, Liquí, Anianpiwan.
20 Efrainpa+ churinmi karqan Sutéla.+ Sutelaq churintaq karqan Berej, Berejpa churintaq karqan Tájaj, Tajajpa churintaq karqan Eleadá, Eleadapa churintaq karqan Tájaj,
21 Tajajpa churintaq karqan Zabaj, Zabajpa churintaq karqan Sutéla. Efrainpa juj churinkunan kallarqantaq Ezerwan Eleajwan. Gaj+ runakunan Efraín runakunaq uywankuta suwaq jaykuspanku Ezertawan Eleajtawan wañuchipurqanku.
22 Taytanku Efrainqa askha p’unchaykunan paykunamanta waqarqan, wayqenkunataq riqku payta kallpachaq.
23 Chay qhepamantaq esposanwan puñurqan, jinan esposanqa onqoq rijurispa juj wawata onqokurqan. Efrainqa chay wawatan Berías* nispa suticharqan llakikuypi tarikusqankurayku.
24 Paypa ususinmi karqan Será, paymi jatarichirqan Uray Bej-Oronta,+ Wichay Bej-Oronta,+ Uzén-Seratawan.
25 Efrainpa mirayninmi karqan Refawan Resefpiwan. Resefpa churinmi karqan Téla, Telaq churintaq karqan Taján,
26 Tajanpa churintaq karqan Ladán, Ladanpa churintaq karqan Amiuj, Amiujpa churintaq karqan Elisamá,
27 Elisamapa churintaq karqan Nun, Nunpa churintaq karqan Josué.*+
28 Efrainpa mirayninpa jallp’anmi karqan Betel+ llaqta muyuriqninpi kaq llaqtachakunapiwan. Inti lloqsimuy ladomanmi jallp’anku karqan Narán llaqtakama, inti jaykuy ladomantaq karqan Guézer llaqtakama, chay llaqtaqa muyuriqninpi kaq llaqtachakunapiwanmi paykunaq karqan. Chaymantapas jallp’ankuqa Shejen llaqtakaman karqan llapa muyuriqninpi kaq llaqtachakunapiwan, jinallataq Ayyá* llaqtakama muyuriqninpi kaq llaqtachakunapiwan.
29 Manasés runakunaq jallp’ankuq ladonpitaq karqan Bej-Seán+ llaqta muyuriqninpi kaq llaqtachakunapiwan, Tanac+ llaqta muyuriqninpi kaq llaqtachakunapiwan, Meguidó+ llaqta muyuriqninpi kaq llaqtachakunapiwan, Dor+ llaqta muyuriqninpi kaq llaqtachakunapiwan. Chay llaqtakunapin Josepa mirayninqa tiyarqanku, Joseqa Israelpa churinmi karqan.
30 Aserpa churinkunan karqan: Imná, Isvá, Isví, Beriaspiwan;+ paykunaq panankutaq karqan Séra.+
31 Beriaspa churinkunan karqan Heberwan Malkielwan, Malkielmi karqan Birzayijpa taytan.
32 Heberpa churinkunan karqan: Jaflej, Somer, Hotanpiwan; ususintaq karqan Shúa.
33 Jaflejpa churinkunan karqan: Pasac, Bimal, Asvajpiwan. Paykunan Jaflejpa churinkuna karqanku.
34 Semerpa* churinkunan karqan: Aí, Rogá, Jeubá, Arampiwan.
35 Semerpa wayqenmi karqan Hélen,* Helenpa churinkunataq karqan: Zofá, Imná, Seles, Amalpiwan.
36 Zofapa churinkunan karqan: Shúaj, Arnéfer, Sual, Berí, Inrá,
37 Bézer, Oj, Samá, Silsá, Itrán, Berapiwan.
38 Jeterpa churinkunan karqan: Jefuné, Pispá, Arapiwan.
39 Ulapa churinkunan karqan: Ará, Aniel, Riziapiwan.
40 Llapa paykunan Aserpa churinkuna karqanku. Paykunaqa karqanku familiankupi umallikunan, ajllasqa kallpasapa maqanakuqkuna, ejercitopi umallikunaq umallinkuna ima.+ Llapa familiankuta yupaqtinkuqa 26.000 soldadokunan karqanku,+ guerrapaq allin preparasqa.
Uraypi willakuykuna
^ Hebreo rimaypiqa “churinkunan” ninmi.
^ Hebreo rimaypiqa “churinkunan” ninmi.
^ Tiyaqmasi warmikunaqa esposakuna jinan karqanku. Qhaway Explicasqa simikuna nisqapi “Tiyaqmasi warmi” nisqata.
^ Berías sutiqa “llakikuypi” ninantan nin.
^ Chaypiqa “Jehoshúa” nillanmantaqmi. Chayqa “Jehová Diosmi salvaqqa” ninantan nin.
^ Chaypiqa yaqapaschá “Gaza” nillanmantaq. Ichaqa manan Filisteapi kaq Gaza llaqtachu.
