1 Crónicas 9:1-44
9 Llapa Israel runakunan jayk’a familiachus kasqankuman jina listapi churasqa karqanku, chaykunataqmi Israel reykunamanta willaq libropi qelqasqa kashan. Judá ayllu runakunaqa Dios contra juchallikusqankuraykun Babilonia llaqtaman apasqa karqanku.+
2 Wakin Israel runakunan Babiloniamanta ñaupaqta kutimpurqanku, jinan sapankapas jujmanta llaqtankupi tiyapurqanku. Chay kutimpuqkunan karqanku sacerdotekuna, Leví ayllu runakuna, Diospa wasinpi llank’aqkuna,* wakin Israel runakuna ima.+
3 Chaymantapas kutimpullarqankutaqmi Judá ayllu runakuna,+ Benjamín ayllu runakuna,+ Efraín ayllu runakuna, Manasés ayllu runakuna ima. Paykunamanta wakinmi Jerusalén llaqtapi tiyapurqanku.
4 Jerusalén llaqtapin tiyapurqan Utái. Utaiqa Amiujpa churinmi karqan, Amiujtaq Omripa churin karqan, Omritaq Inripa churin karqan, Inritaq Banipa churin karqan. Paykunan karqanku Perezpa+ mirayninkuna, Perezqa Judapa churinmi karqan.
5 Silopa mirayninmantataq Jerusalenpi tiyapurqan Silopa phiwi* churin Asaya, payqa churinkunantinmi chaypi tiyarqan.
6 Zeraq+ mirayninmantataq Jerusalenpi tiyapurqan Jeuel. Chaypin tiyapullarqankutaq 690 runakuna, chay runakunaqa llapa paykunaq wayqenkun karqan.
7 Jerusalén llaqtapin tiyapullarqankutaq Benjamín ayllu runakuna, paykunan karqanku: Salú (Saluqa Mesulanpa churinmi karqan, Mesulantaq Odaviaspa churin karqan, Odaviastaq Asenuapa churin karqan),
8 Jeroanpa churin Ifneyá, Elá (Elaqa Uzipa churinmi karqan, Uzitaq Micripa churin karqan), Mesulan ima (Mesulanqa Sefatiaspa churinmi karqan, Sefatiastaq Reuelpa churin karqan, Reueltaq Ifniyaq churin karqan).
9 Paykunaq wayqenkunan karqan 956 runakuna, chaytan yachakurqan familiankuta yupakuqtin. Chay runakunaqa familiankupi umallikunan karqanku.
10 Sacerdotekunamantataq Jerusalenpi tiyapurqanku: Jedayá, Jehoyarif, Jakín,+
11 Azarías (Azariasmi Hilquiaspa churin karqan, Hilquiastaq Mesulanpa churin karqan, Mesulantaq Sadocpa churin karqan, Sadoctaq Merayojpa churin karqan, Merayojtaq Aitufpa churin karqan. Aitufqa Diospa wasinpin umalli karqan),
12 Adaya (Adayaqa Jeroanpa churimi karqan, Jeroantaq Pasjurpa churin karqan, Pasjurtaq Malkiyaq churin karqan), Masái (Masaiqa Adielpa churinmi karqan, Adieltaq Jazerapa churin karqan, Jazerataq Mesulanpa churin karqan, Mesulantaq Mesilemijpa churin karqan, Mesilemijtaq Imerpa churin karqan).
13 Paykunaq wayqenkunaqa familiankupi umallikunan karqanku. Llapankuqa 1760 runakunan karqanku, paykunaqa allin kallpayoq allin preparasqa runakunan karqanku, listotaqmi kasharqanku Diospa wasinpi llank’anankupaq.
14 Leví ayllu runakunamantataq Jerusalenpi tiyarqanku: Meraripa miraynin Semaya+ (Semayaqa Asufpa churinmi karqan, Asuftaq Azricanpa churin karqan, Azricantaq Asabiaspa churin karqan),
15 Bacbacar, Jéresh, Galal, Matanías (Mataniasqa Micapa churinmi karqan, Micataq Zicripa churin karqan, Zicritaq Asafpa churin karqan),
16 Abdías (Abdiasqa Semayaq churinmi karqan, Semayataq Galalpa churin karqan, Galaltaq Jedutunpa churin karqan), Berekiaspiwan. Berekiasqa Asapa churinmi karqan, Asataq Elcanapa churin karqan. Elcanaqa Netofá runakunaq jallp’anpin tiyarqan.+
17 Punku qhawaqkunataq+ karqan: Salum, Acuf, Talmón, Aimanpiwan. Umallinkutaq karqan wayqenku Salum.
18 Chay tiempokaman Salumqa reypa punkunta qhawashallarqan, payqa inti lloqsimuy ladopin kasharqan.+ Paykunan karqanku Leví runakunaq karpankuta qhawaqkuna.
19 Salumqa Corepa churinmi karqan, Coretaq Ebiasafpa churin karqan, Ebiasaftaq Corepa churin karqan. Corepa mirayninkunaqa familiankupi umallikunan karqanku, paykunan Diospa karpanta cuidaqkunata umallinankupaq encargasqa karqanku. Ñaupa taytankupas Jehová Diospaq karpanta qhawanankupaqmi encargasqa karqanku.
20 Ñaupaqpiqa Eleazarpa+ churin Finehasmi+ punku qhawaqkunata umallirqan; Jehová Diosqa paywanmi kasharqan.
21 Meselemiaspa churin Zacariaspas+ Dios yupaychana karpata qhawaqmi karqan.
22 Llapanpiqa iskay pachaj chunka iskayniyoq punku qhawaqkunatan ajllakurqan. Paykunaqa familiankuq listanman jinan llaqtankupi tiyapurqanku.+ Paykunaqa confianapaq jinan karqanku, chaymi Davidwan Samuelwanqa+ paykunata churarqanku punku qhawaqta. Samuelqa rijuriykunata rikuq runan karqan.
23 Chay runakunan churinkunapiwan Jehová Diospa wasinpa punkunta qhawanankupaq encargasqa karqanku,+ ñaupaqpipas paykunan Diospa karpanta qhawanankupaq encargasqa karqanku.
24 Punku qhawaqkunaqa tawantin ladopin kasharqanku: inti lloqsimuy ladopi, inti jaykuy ladopi, wichay ladopi, uray ladopi ima.+
25 Mayninpin chay punku qhawaqkunaq wayqenkuna llaqtankumanta jamuqku paykunata yanapaq, qanchis p’unchaytaqmi yanapakuqku.
26 Punku qhawaqkunaqa tawa umallikunan* karqanku, paykunaqa confianapaq jina Leví runakunan karqanku, paykunan encargakuqku mijuna wasimanta, Diospa wasinpi valorniyoq cosaskunata waqaychana cuartomanta ima.+
27 Chay punku qhawaq umallikunaqa tutantinmi Diospa wasinta cuidaqku. Paykunaqa punkuta qhawaspan illariqku, llavekunatapas jap’iqkun, jinaspa sapa tutamantan punkuta kichaqku.
28 Wakinninkuqa Diospa wasinpi kaq serviciokunamantan encargasqa karqanku,+ chaymi apaqtinkupas kutichimpuqtinkupas sapa kutin yupaqku.
29 Wakinkunataq encargakurqanku juj serviciokunamanta, llapa ch’uya serviciokunamanta,+ allin jak’umanta,*+ vinomanta,+ aceitemanta,+ yuraq inciensomanta,*+ bálsamo aceitemantawan.+
30 Sacerdotekunaq wakin churinkunataq jawinapaq bálsamo aceiteta ruwaqku.
31 Matitiasqa Leví runan karqan, payqa Salumpa phiwi churinmi karqan, Salumqa Coré runan karqan. Matitiasqa confianapaq jina runan karqan, chaymi sartenpi t’anta ruwaqkunata umallinanpaq encargasqa karqan.+
32 Cohat runakunaq wakin wayqenkunataq sapa samana p’unchaypi+ Diosman jaywanankupaq t’antata ruwaqku.*+
33 Leví ayllupiqa takiqkunan kallarqantaq, paykunaqa umallikunan karqanku, paykunan kasharqanku temploq cuartonkunapi.* Paykunaqa tuta p’unchaymi chaypi llank’aqku chaymi mana juj ruwaykunataqa ruwaqkuchu.
34 Paykunan Leví ayllupi kaq familiakunaq umallinkuna karqanku, paykunaqa Jerusalén llaqtapin tiyarqanku.
35 Jeielmi Gabaonpa taytan karqan. Jeielqa Gabaón llaqtapin tiyarqan,+ esposanpa sutintaq karqan Macá.
36 Phiwi churinmi karqan Afdón, wakin churinkunataq karqan: Zur, Quis, Baal, Ner, Nadab,
37 Guedor, Aiyó, Zacarías, Miclojpiwan.
38 Miclojqa Simeanpa taytanmi karqan. Paykunaqa llapankun Jerusalén llaqtapi wayqenkunaq qayllanpi tiyarqanku juj wayqenkunawan kuska.
39 Nermi+ karqan Quispa taytan, Quistaq karqan Saulpa+ taytan, Saulpa churinkunataq karqan: Jonatán,+ Malki-Shúa,+ Abinadab,+ Esbaalpiwan.
40 Jonatanpa churintaq karqan Merif-Baal,+ Merif-Baaltaq karqan Miqueaspa taytan.+
41 Miqueaspa churinkunataq karqan: Pitón, Mélec, Tarea, Ajazpiwan.
42 Ajazqa karqan Jarapa taytanmi. Jarapa churinkunataq karqan: Alémej, Azmávej, Zimripiwan. Zimritaq karqan Mozapa taytan.
43 Mozaqa karqan Bineapa taytanmi, Bineapa churintaq karqan Refayá, Refayapa churintaq karqan Eleasá, Eleasapa churintaq karqan Azel.
44 Azelpa churinkunan karqan soqta, paykunan karqanku: Azrican, Bocrú, Ismael, Searías, Abdías, Jananpiwan. Paykunan karqanku Azelpa churinkuna.
Uraypi willakuykuna
^ Chaypiqa “netineo runakuna” nillanmantaqmi. Hebreo rimaypiqa “entregasqa runakuna” ninmi.
^ Hebreo rimaypiqa “kallpasapa runakunan” ninmi.
^ Chaypiqa “ñut’u jak’umanta” nillanmantaqmi.
^ Chaypiqa “olibanomanta” nillanmantaqmi.
^ Chaypiqa Diospaq t’aqasqa t’antamantan rimashan.
^ Chaypiqa “mijuna wasikunapi” nillanmantaqmi.
