1 Samuel 31:1-13
-
Saulwan kinsantin churinkunapiwan wañupusqankumanta (1-13)
31 Filistea runakunan Israel runakunawan maqanakusharqanku,+ Israel runakunan ichaqa Filistea runakunamanta ayqekurqanku, jinan Israel runakunaqa Guilboa orqopi+ askha wañurqanku.
2 Filistea runakunaqa cercallantan qatipasharqanku Saultapas churinkunatapas. Jinan Jonatanta,+ Abinadabta, Malki-Shuatawan wañuchirqanku. Paykunaqa Saulpa churinkunan karqanku.+
3 Filistea runakunaqa astawanraqmi Saúl contra maqanakurqanku, flechaqkunataq payta rikuruspa flechawan ayparachispa sinchita k’irirqanku.+
4 Jinan Saulqa arma apaysiqninta nirqan: “Espadaykiwan wañuchiway, manan munanichu chay Diosta mana serviq runakuna+ wañuchiwanantaqa, jinaspapas ñak’arichiwankumanmi”, nispa. Arma apaysiqninmi ichaqa sinchi manchasqa kasqanrayku mana wañuchiyta munarqanchu. Chaymi Saulqa espadanta jap’ispa pay kikin wañuchikurqan.+
5 Saulpa wañupusqanta+ rikuspan arma apaysiqninpas espadanta jap’ispa pay kikin wañuchikullarqantaq.
6 Chhaynapin Saulpas, kinsa churinkunapas, arma apaysiqninpas, llapa runankunapas chay p’unchaypi wañupurqanku.+
7 Wayq’o uraypi tiyaq Israel runakunapas, Jordán mayuq qayllankunapi tiyaq Israel runakunapas yacharurqankun Saulpas churinkunapas wañupusqankuta, chaymantapas rikullarqankutaqmi Israel soldadokunapas ayqekusqankuta. Chaykunata yachaspan paykunaqa llaqtankuta saqespa ayqekapurqanku.+ Chay qhepamantaq Filistea runakunaqa chay llaqtakunata jap’ikapurqanku.
8 Qhepantin p’unchaytaq Filistea runakunaqa wañusqakunamanta valorniyoq cosaskunata qechumuq rirqanku, jinan Guilboa orqopi+ Saultapas kinsantin churinkunatapas wañusqata tarirqanku.
9 Saulta tarispataq umanta qhorurqanku, armankunatapas ch’utirqanku. Chay pasasqantataq llapa Filistea runakunaman chayta willachimurqanku.+ Willachimullarqankutaqmi idolokunata yupaychananku templokunapipas.*+
10 Chaymantataq Saulpa armankunata Astoret idolokunata yupaychananku templopi churarqanku, cuerpontataq Bej-San+ llaqtaq perqanpi warkurqanku.
11 Jabés-Galaad+ llaqtapi runakunaqa yacharurqanku Filistea runakuna Saulta imatachus ruwasqankuta.
12 Chaymi llapa soldadokunaqa tutantin purispa chayarqanku Bej-San llaqtaman, jinaspa Saulpa cuerpontapas churinkunaq cuerpontapas apapurqanku. Jabés llaqtaman chayaspataq chaypi kanapurqanku.
13 Jinaspa tullunkunata Jabés+ llaqtapi kaq tamarisco sach’a k’uchupi p’ampapurqanku.+ Chaymantataq qanchis p’unchayta ayunarqanku.
Uraypi willakuykuna
^ Hebreo rimaypiqa “wasikunapipas” ninmi.
