2 Crónicas 27:1-9
-
Jotán Judá ayllupi rey kapusqanmanta (1-9)
27 Jotanqa+ iskay chunka pisqayoq watanpi kashaspan rey kapurqan, chunka soqtayoq watataq Jerusalenmanta kamachirqan. Paypa mamanmi karqan Sadocpa ususin Jerusá.+
2 Jotanqa papan Uzías jinan Jehová Diospa munasqanman jina ruwarqan.+ Ichaqa manan papan jinachu Jehová Diospa templonman jaykurqan.+ Chaywanpas Judá ayllu runakunaqa mana allin kaqkunatan ruwashallarqanku.
3 Jotanmi ruwachirqan Jehová Diospa wasinpi kaq Pata Punku nisqata,+ jinallataq Ofelpi+ kaq perqakunatapas.
4 Chaymantapas Judá aylluq orqonkunapin+ llaqtakunata jatarichirqan,+ sach’a-sach’akunapitaq jatarichirqan torrekunata+ allin perqasqa pakakunapaq kaqkunatawan.+
5 Jotanqa Anmón runakunaq reyninwanmi maqanakurqan,+ jinan chay reyta atiparqan. Chaymi Anmón runakunaqa chay wata Jotanman pagarqanku pachaj talento* pesaq qolqeta, chunka waranqa carga* trigota, chunka waranqa carga cebadatawan. Iskay kaq watapas kinsa kaq watapas kaqtan Anmón runakunaqa Jotanman pagallarqankutaq.+
6 Jotanqa kallpachakurqanmi Jehová Diospa kamachisqanman jina kausananpaq, chaymi payqa aswan atiyniyoq kapurqan.
7 Jotanpa kausayninmanta wakin willakuykunapas, imachus ruwasqankunapas, guerrapi maqanakusqankunapas Israel reykunamanta Judá ayllu reykunamanta willaq libropin qelqasqa kashan.+
8 Jotanqa iskay chunka pisqayoq watanpi kashaspan Judá ayllupi rey kapurqan, chunka soqtayoq watataq Jerusalenmanta kamachikurqan.+
9 Chaymantataq Jotanqa ñaupa taytankuna jina wañukapurqan, jinaspa Davidpa Llaqtan+ nisqapi p’ampapurqanku. Chay qhepamantaq churin Ajaz Judá ayllupi rey kapurqan.+
Uraypi willakuykuna
^ Juj talentoqa 34,2 kilotan pesaq. Qhaway “Astawan yachanapaq B14” nisqata.
^ Hebreo rimaypiqa “chunka waranqa coro” ninmi. Juj coro medidamanqa iskay pachaj iskay chunka litron jaykuq. Qhaway “Astawan yachanapaq B14” nisqata.
