Abdías 1:1-21
1 Tukuy munayniyoq Señor Jehová Diosmi Edommanta+ juj rijuriyta Abdiasman* rikuchirqan.
Paymi rikusqanmanta nin:
“Jehová Diosmantan juj willakuyta uyariyku,nacionkunamanmi juj willaqta kachakun:
Jatariychis, paywan maqanakunanchispaq alistakusun,+ nispa willananpaq”, nispa.
2 “¡Qhawariy! Nacionkunaq ñaupanpin mana valeqman tukuchiyki,sinchi cheqnisqan kanki.+
3 Jatunchakuq sonqoykin engañapusunki.+
Qaqa t’oqokunapi tiyasqaykiraykun,alto patakunapi tiyasqaykiraykun sonqoykipi nishanki:
¿Pitaq noqatari pampaman uraykachiwanman?, nispa.
4 Anka jinaña altopi tiyawaq* chaypas,ch’askakuna ukhupiña q’esata ruwakuwaq chaypas,uraykachimuykimanmi” ninmi Jehová Dios.
5 Diosmi nin: “Suwakuna tuta jamusunkiman chayqa,¿manachu necesitasqallankuta suwakunkuman?
Uvas pallaqkuna jamunkuman chayqa,¿manachu pallapakunapaq* wakinta saqenkuman?+
Qanmi ichaqa ch’usaqyachisqapuni kanki.*
6 ¡Qhawariychis Esaupa mirayninkuna, lliutan maskhasunkiku!
¡Llapa valorniyoq kaqniykichiskunatan apakapunku!
7 Linderokaman* tanqarqasunkiku.
Qanwan rimanakuq runakunan engañarqasunkiku.
Qanwan thajpi kaqkunan atiparqasunkiku.
Qanwan kuska t’antata mijuqkunan trampata churasunkiku,qanqa manan reparankichu chaykuna ruwasqankuta”, nispa.
8 Jehová Diosmi nin:
“Chay p’unchaymi Edompa+ yachayniyoq runankunata chinkachisaq,chay p’unchaymi Esaupa orqo-orqonmanta allin reparaq runankunata ch’usaqyachisaq.
9 Yau Temán llaqta,+ maqanakuq runaykikunan mancharikunqaku,+Esaupa orqo-orqonpi tiyaqkunan mast’a pamparaq wañuchisqa kanqaku.+
10 Wayqeyki Jacobta ñak’arichisqaykimantan+
p’enqaypi tarikunki,+wiñaypaqmi chinkachisqa kanki.+
11 Wayqeykiq soldadonkunata mana reqsisqa runakuna presota apasqanku p’unchaymi,+qanqa jinalla juj ladopi sayarqanki.
Llaqtanman* jaykusqanku p’unchaymi, Jerusalén llaqtata sorteasqanku+ p’unchaymi,qanqa paykuna jina mana allinta ruwarqanki.
12 Wayqeyki llakipi tarikushaqtinqa+ manan kusipayanaykichu karqan,ñak’arishaqtinqa manan jatunchakuspa mana allinkunata rimanaykichu karqan.
Judá runakuna wañupusqanmantaqa+ manan kusikunaykichu karqan.
13 Ñak’ariypi tarikushaqtinqa manan llaqtaypa punkunta jaykunaykichu karqan,+ñak’ariypi kashaqtinqa manan kusikunaykichu karqan,ñak’ariypi tarikushaqtinqa manan kaqninkunata tupaykunaykichu karqan.+
14 Ayqekuqkunataqa manan wañuchinaykipaq ñankunapi suyapanaykichu* karqan,+manan ñak’ariy p’unchaypiqa mana wañuqkunata jap’iykachinaykichu karqan.+
15 Jehová Dios llapa nacionkuna contra jamunan p’unchayqa chayamushanñan.+
Imatachus ruwarqanki chayman jinan qanpas ruwasqa kanki,+jujkuna contra mana allinkuna ruwasqaykiqa qanmanmi kutimusunki.*
16 Imaynan qankunaqa ch’uya orqoypi ujarqankichis,chhaynatan llapa nacionkuna ujashallanqaku.+
Ujaspa rajraspan chinkapunqaku,manapas jayk’aqpas kankumanchu karqan jinan ch’usaqyapunqaku.
17 Ayqekuqkunaqa Sion orqopin kashanqaku,+chay orqoqa ch’uyan kanqa.+
Jacobpa miraynin runakunaqa jujmantan kaqninkuta chaskikapunqaku.+
18 Jacobpa wasinmi kanqa nina,Josepa wasintaq sansa,Esaupa wasintaq paja jina kanqa.
Paykunan Esaupa wasinta ninawan jap’iykachinqaku, llapantan ruphapunqa,Esaupa wasinmantaqa manan jujpas ayqenqachu.+
Jehová Dios kikinmi chayta nin.
19 Paykunan jap’ikapunqaku Négueb ladota Esaupa orqo-orqontawan,+jap’ikapunqakun Sefelá ladota Filistea runakunaq jallp’ankunatapas.+
Jap’ikapullanqakutaqmi Efraín pampakunata Samaria wichaykunatapas,+Benjamintaq Galaad pampata jap’ikapunqa.
20 Kay perqa ukhumanta apasqakunaqmi,+ Israel runakunaqmiCanaán runakunaq jallp’an kanqa, Sareptakaman+ paykunaq kanqa.
Négueb ladopi llaqtakunataq Sefarajman apasqa Jerusalén llaqta runakunapaq kanqa.+
21 Sion orqomanmi salvaqkuna wichanqaku,paykunan Esaú orqo-orqota juzganqaku.+
Gobiernotaq Jehová Diospa kapunqa”,+ nispa.
Uraypi willakuykuna
^ Abdías sutiqa “Jehová Diospa kamachin” ninantan nin.
^ Chaypiqa yaqapaschá “altota phalawaq” nillanmantaq.
^ Pallapaytaqa “qhellapay” nillankutaqmi. Qhaway Explicasqa simikuna nisqapi “Pallapakuy” nisqata.
^ Chaypiqa yaqapaschá “¿May tukuytañan ch’usaqyachinkuman?” nillanmantaq.
^ Linderotaqa “colinda, qorpa” nillankutaqmi.
^ Hebreo rimaypiqa “Punkunta” ninmi.
^ Suyapaytaqa “suyaykuy” nillankutaqmi.
^ Hebreo rimaypiqa “umaykimanmi chayamusunki” ninmi.
