Amós 3:1-15
3 “Egipto jallp’amanta Diospa orqomusqan suyu, uyariychis. Israel runakuna, uyariychis Jehová Dios qankunamanta kay nisqanta:
2 Kay jallp’api kaq llapa suyukunamantaqa qankunallatan allinta reqsirqaykichis,+chaymi llapa juchaykichismanta cuentata mañasaykichis.+
3 ¿Iskay runakuna kuska purinkumanchu mana rimanakushaspa?
4 ¿Qaparinmanchu juj león sach’a-sach’a ukhupi mana imatapas jap’ishaspa?
¿Qaparinmanchu malta león pakakunanpi mana imatapas jap’ishaspa?
5 ¿Jaykunmanchu juj urpi trampaman mana pipas trampata churashaqtin?*
¿Trampa saltanmanchu mana imapas chayman jaykushaqtin?
6 ¿Manachu runakunaqa llaqtapi waqra tocayta uyarispa qhatatatanku?
Llaqtapi jatun ñak’ariy kan chayqa, ¿manachu chayqa noqa Jehová Diospa ruwasqay?
7 Noqa tukuy munayniyoq Señorniykichis Jehová Diosqa willaspapunin imatapas ruwani,kamachiy profetakunaman willaspan* imatapas chayachimuni.+
8 ¡¿Pin leonpa qaparisqanta+ uyarispa mana mancharikunmanchu?!
¡¿Mayqen profetan ch’inlla kanman noqa tukuy munayniyoq Jehová Dios rimariqtiy?!+
9 Asdoj llaqtaq allin perqasqa torrenkunapi willamuychis,Egipto nacionpa allin perqasqa torrenkunapi willamuychis.
Khaynata nimuychis: Samaria llaqta orqokunaman juñukamuychis,+chaypi ch’aqwaykuna kasqanta rikuychis,runa engañay kasqanta rikuychis.+
10 Paykunaqa manan yachankuchu allin kaqkuna ruwayta,allin perqasqa torrenkunapas maqanakuywan wañuchinakuywanmi junt’a kashan, nispa. Jehová Diosmi chayta nin.
11 Tukuy munayniyoq Señor Jehová Diosmi nin:
Enemigon suyuta muyuykunqa,+kallpaykitan qechusunki.
Allin perqasqa torreykikunamantan kaqniykikunata apakapunqaku,+ nispa.
12 Jehová Diosmi nin:
Imaynan michiqqa ovejaq iskay chakillantaña otaq ninri puntallantaña leonmanta qechumun,chhayna qechusqan kanqa Israel runakunapas,chhayna qechusqan kanqa Samariapi ancha munay puñunakunapi, allin tiyanakunapi* tiyaqkunapas,+ nispa.
13 Tukuy munayniyoq Señormi, ejercitokunata kamachiq Jehová Diosmi* nin: Uyariwaychis, Jacobpa miraynin runakunaman willamuychis.
14 Israelta llapa juchankunamanta cuentata mañasqay p’unchaypiqa,+Betelpi altarkunamantawanmi cuentata mañasaq.+
Altarpa waqrankunaqa wit’usqan kanqa, pampamanmi urmanqa.+
15 Chiri tiempopaq q’oñi tiempopaq ruwasqa wasikunatan thunisaq.
Marfilmanta ruwasqa wasikunaqa thunisqan kanqa,+jatun wasikunapas chinkapunqan,+ nispa. Jehová Diosmi chayta nin”.
Uraypi willakuykuna
^ Chaypiqa yaqapaschá “trampapi mana mijuna kashaqtin” nillanmantaq.
^ Chaypiqa “pakasqa kaqkunata willaspan” nillanmantaqmi.
^ Chaypiqa “Damasco llaqtamanta apamusqa tiyanakunapi” nillanmantaqmi.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.