Amós 4:1-13
4 “Samaria orqopi+ tiyaq warmikuna, uyariwaychis,qankunaqa Basanpi wakakuna jinan kankichis.
Qankunaqa wajcha runakunata ch’utispan+ sarunchankichis.
Qosaykichistataq* ninkichis: ¡Imallatapas apamuwayku ujanaykupaq!, nispa.
2 Tukuy munayniyoq Jehová Diosmi ch’uya kayninman jina khaynata juran:
Aycha warkuna ganchowan warkusqa kanaykichis p’unchayqa chayamushanñan,qankunamanta puchuqkuna anzuelowan jap’isqa kananku p’unchayqa chayamushanñan.
3 Qankunaqa sapankan ñaupaykichispi kaq perqa q’asanta lloqsinkichis,Armonmanmi qarqosqa kankichis. Jehová Diosmi chayta nin.
4 Betelman jamuychis, chaypi juchallikuychis,+Guilgalman jamuychis, ¡astawanraq chaypi juchallikuychis!+
Sacrificioykichiskunata+ tutamanta apamuychis,diezmoykichistapas+ kinsa kaq p’unchaypi apamuychis.
5 Graciasta qonapaq sacrificio t’antatapas levadurayoqta ruphachiychis.+
¡Tukuy sonqo qona ofrendaykichismantapas lliuman willaychis!
Israel runakuna, chay ruwaymi qankunamanqa gustasunkichis riki. Tukuy munayniyoq Jehová Diosmi chayta nin.
6 Llapa llaqtaykichiskunamanmi yarqayta chayachimurqani,wasiykichispipas manan ima mijuypas karqanchu,+chaywanpas manan kutirikamuwarqankichischu.+ Jehová Diosmi chayta nin.
7 Cosecha oqarinaykichispaq kinsa killa faltashaqtinraqmi mana parachimurqanichu.+
Wakin llaqtapin parachirqani wakinpitaq mana.
Wakin chajramanmi parachirqani wakinmantaq mana,paraq mana chayasqan chajraqa ch’akipurqanmi.
8 Wakin llaqtamantan juj llaqtaman yanqallaña unu tomaq rirqanku,+ichaqa ch’akichikushallarqankun,chaywanpas manan kutirikamuwarqankichischu.+ Jehová Diosmi chayta nin.
9 Chajraykichistapas ruphaywanmi chayachirqani, onqoykunawanmi tukuchirqani.+
Qankunan ichaqa astawanraq huertatapas ruwarqankichis, uvastapas plantarqankichis.
Ichaqa langostan* mijupurqan higos sach’aykichista aceituna sach’a plantasqaykichistapas,+chaywanpas manan kutirikamuwarqankichischu.+ Jehová Diosmi chayta nin.
10 Egiptoman jinan millay onqoyta chayachimurqaykichis.+
Espadawanmi waynaykichiskunata wañuchirqani,+ caballoykichiskunatapas qechuchirqaykichismi.+
Wañusqa runakunaq ayantapas sinchi millaytan karpa-karpaykichispi asnarichirqani,+chaywanpas manan kutirikamuwarqankichischu. Jehová Diosmi chayta nin.
11 Jehová Diosmi nin: Imaynan Sodomata Gomorrata chinkachirqani,+chhaynatan jallp’aykichistapas chinkachirqani.
Qankunan ichaqa ninamanta orqosqa llant’a jina salvasqa karqankichis,chaywanpas manan kutirikamuwarqankichischu.+
12 Chayraykun jujmanta castigasayki Israel.
Alistakuy noqa Diosniykiwan tupanaykipaq,noqaqa chayachimusaykipunin castigota, nispa.
13 Diosmi orqokunatapas+ wayratapas+ kamaqqa.
Payqa imachus piensasqantan runaman willan,payqa pacha illarimuytan tutaman tukuchin,+payqa kay pachapi alto orqokunatan sarun.+
Ejercitokunata kamachiq Jehová Diosmi sutinqa”.
Uraypi willakuykuna
^ Chaypiqa “Patronniykichistataq” nillanmantaqmi.
^ Langostaqa jatun t’isku-t’isku otaq jatun ch’illiku jinan. Chay langostakunaqa sinchi q’aruqmi kanku.