Amós 6:1-14
6 “¡Imaraqmi kanqa Sion orqopi tiyaq paykuna kikinkupi confiakuq runakunamanta!
¡Imaraqmi kanqa Samaria orqopi mana imata manchakuspa tiyaq runakunamanta!+
¡Imaraqmi kanqa aswan allin qhawarisqa nacionpi allin reqsisqa runakunamanta!,chay runakunapin Israel runakunaqa yanapayta maskhanku.
2 Calné llaqtaman chimpaychis, jinaspa qhawariychis.
Chaymantataq jatun Amaj llaqtaman+ riychis,chaymanta Filisteapi Gaj llaqtaman jaykuychis.
¿Chay llaqtakunari llaqtaykichiskunamanta* aswan allinchu kanku?
¿Jallp’ankupas qankunaq jallp’aykichismanta aswan jatunchu?
3 Sinchi llakikuy tiempo chayamunanta mana kasuspan llakhi kashankichis,+mana allin ruwaykunatan askhayachishankichis.+
4 Qankunaqa marfil puñunakunapin kumparayashankichis,+ munay tiyanakunapin chutarayashankichis,+chaypitaq allin wirayachisqa borregokunata malta torokunata mijushankichis.+
5 Arpata* tocaspan takikunata paqarichishankichis.+
David jinan tocanakunata ruwakushankichis.+
6 Jatun vasokunapin vinota tomashankichis,+cuerpoykichistan allin aceitekunawan llusikushankichis.
Manan llakikunkichischu Josepa miraynin sinchi mana allinpi tarikunanmantapas.+
7 Chayraykun qankunaqa preso apasqakunaq ñaupanta rinkichis,+munay tiyanakunapi chutarayaqkunaq fiestanpas tukupunqan.
8 Ejercitokunata kamachiq Jehová Diosmi nin: Noqa tukuy munayniyoq Señor Jehová Diosmi sutiypi jurani:+
Jacobpa jatunchakuq kaynintan millakuni,+allin perqasqa torrenkunatan cheqnikuni,+llaqtatan tukuy imaymanantinta enemigonkuman entregasaq.+
9 Chunka runakuna juj wasipi qhepanqa chaypas, paykunapas wañunqakun.
10 Jujnin familianmi* jamuspa wasi ukhumanta orqonqa ch’ulla-ch’ullamanta ruphachinanpaq. Ayankuta* wasi jawaman orqospan pipas wasi ukhupi kashaqta ninqa: ¿Pillapas qanwan kashanchu?, nispa. Chaypi kashaqtaq nimunqa: Manan pipas kanchu, nispa. Tapuqtaq ninqa: ¡Ch’inlla kay! Manan Jehová Diosta wajakuna horaschu, nispa.
11 Noqa Jehová Diosmi kamachikuni,+jatun wasita ñut’u kanankama thunikunanpaqmi kamachikuni,juch’uy wasitapas ñut’ukunanpaqmi kamachikuni.+
12 ¿Caballokuna qaqa-qaqanta phawankumanchu?
¿Torota qaqa-qaqapi arachinkumanchu?
Qankunaqa venenoyoq qoramanmi justiciata tukuchinkichis,chanin kaytapas ajenjomanmi* tukuchinkichis.+
13 Qankunaqa mana imapaq valeqwanmi kusisqa kashankichis,ninkichistaq: ¿Manachu kallpanchiswan jujkunata atiparqanchis?,+ nispa.
14 Israel runakuna, chaykuna jawan qankuna contra juj nacionta jatarichimusaq.+
Paykunan ñak’arichisunkichis, Lebó-Amajmanta*+ Arabá wayq’okaman ñak’arinkichis, nispa. Ejercitokunata kamachiq Jehová Diosmi chayta nin”.
Uraypi willakuykuna
^ Chaypiqa Judá ayllumanta Israel ayllumantawanmi rimashanman.
^ Chaypiqa “Cuerdayoq tocanata” nillanmantaqmi.
^ Hebreo rimaypiqa “Taytanpa wayqenmi” ninmi.
^ Hebreo rimaypiqa “Tullunkuta” ninmi.
^ Chaypiqa “jayamanmi” nillanmantaqmi.
^ Chaypiqa “Amajman jaykunamanta” nillanmantaqmi.
