Amós 8:1-14
8 Tukuy munayniyoq Señor Jehová Diosmi juj rijuriyta rikuchiwarqan. Chaypin poqosqa frutayoq* canastata rikurqani.
2 Jinan niwarqan: “Amós, ¿imatan rikushanki?”, nispa. Noqataq nirqani: “Poqosqa frutayoq canastatan”, nispa. Jinan Jehová Diosqa niwarqan: “Israel llaqtay chinkachisqa kanan p’unchaymi chayamun. Manañan paykunataqa perdonasaqñachu.+
3 Chay p’unchaypiqa templopi takina takikunapas waqaymanmi tukupunqa.+ Jinantinpin ayakunapas kashanqa,+ ¡lliumi ch’in kapunqa! Noqa tukuy munayniyoq Señor Jehová Diosmi chayta nini.
4 Wajchakunata sarunchaqkuna, kayta uyariychis,suyupi k’umuykukuq runakunata ñak’arichiqkuna,+ uyariychis,
5 qankunan nishankichis: ¿Jayk’aqmi mosoq killa fiesta tukunqa+ mijuyninchista vendenanchispaq?
¿Jayk’aqmi samana p’unchay tukunqa+ mijuyninchista qhatunanchispaq?
Chhaynapi efá tupunata* juch’uyachinanchispaq,siclo* pesota yapananchispaq,balanzatapas q’ewispa q’otunanchispaq.+
6 Chhaynapi mana imayoq runata rantinanchispaq,wajchata iskay usut’allawan rantinanchispaq,+mana valeq trigotapas vendenanchispaq, nispa.
7 Jacobpa alabakunan noqa Jehová Diosmi sutiypi jurani:+
Manan jayk’aqpas imaymana ruwasqaykichistaqa qonqasaqchu.+
8 Chay jawan jallp’a chhafchirikunqa,chaypi tiyaq runakunapas waqanqakun.+
Jallp’aqa Nilo mayu jinaraqmi phoqchirinqa,Egipto Nilo mayu jinaraqmi aytikunqa,+ nispa.
9 Tukuy munayniyoq Señor Jehová Diosmi nin:
Chaupi p’unchaypin intita chinkaykachisaq,p’unchay kashaqtinmi kay pachata laqhayachisaq.*+
10 Fiesta ruwanaykichis p’unchaytan khuyay waqayman tukuchisaq,+takiykichiskunatapas llaki takimanmi tukuchisaq.
Cinturankutan qhasqa telawan watachisaq, chujchankutapas k’isuchisaqmi.
Sapallan churi wañupuqtin khuyay waqayman jinan tukuchisaq,chay p’unchayqa sinchi llakikuywanmi tukuykapunqa, nispa.
11 Tukuy munayniyoq Señor Jehová Diosmi nin:
Suyuman yarqayta chayachimunay p’unchaykunan qayllaykamushanña.
Manan mijuymanta yarqaychu kanqa ni unumanta ch’akiypaschu kanqa,aswanpas Jehová Diospa siminta uyariymantan.+
12 Juj lamar-qochamanta juj lamar-qochakaman kinray-kinray purinqaku,wichay ladomanta inti lloqsimuy ladokaman chhaynata purinqaku.
Kayman jaqaymanmi Jehová Diospa siminta maskhaspa purinqaku, ichaqa manan tarinqakuchu.
13 Chay p’unchayqa munay doncella sipaskunaqpas* yuyayninkun chinkanqa,ch’akiymantan waynakunaqpas yuyayninku chinkanqa.
14 Paykunan Samariaq idolonkunarayku*+ juraspa khaynata ninku:
¡Dan, kausaq diosniykiraykun+ jurani!
¡Ber-Sebaman riq ñanraykun+ jurani!, nispa.
Paykunaqa urmachisqan kanqaku, manañan jujmantaqa sayarinqakuñachu,+ nispa”.
Uraypi willakuykuna
^ Chaypiqa “q’oñi tiempopi poqosqa frutayoq” nillanmantaqmi, chayqa yaqapaschá karqan higospiwan datilespiwan.
^ Qhaway “Astawan yachanapaq B14” nisqata.
^ Qhaway “Astawan yachanapaq B14” nisqata.
^ Laqhayaqtaqa “tutayaq” nillankutaqmi.
^ Doncella sipastaqa “qhariwan mana jayk’aq puñuq sipas” nillankutaqmi.
^ Hebreo rimaypiqa “Samariaq juchanrayku” ninmi. Chaypiqa Samariapi idolokunaq causanpi juchapakusqankumantan rimashan.