Isaías 35:1-10
35 Ch’in pampakunan, ch’aki jallp’akunan kusikunqa,+aqo pampakunan kusisqa t’ikarinqa,azafrán t’ika jinan t’ikarinqa.+
2 Chay pampakunaqa t’ikarinqapunin,+kusikuymantan qaparinqaku.
Líbano wichay jinan t’ikarinqa,+Carmelo lado jinan llanllarinqa,+Sarón pampakuna jinan munay kanqa.+
Jehová Diosninchispa lliflli kayninta, jatun kaynintan rikunqaku.
3 Mana kallpayoq makikunata kallpachaychis,liwi-liwi moqokunata* allinta tajyachiychis.+
4 Llakisqa sonqoyoqkunata nimuychis:
“¡Qaqata sayaychis! ¡Ama manchakuychischu!
Diosniykin jamushanña, paymi vengakunqa,paymi enemigoykikunata castiganqa.+
Paymi qankunata qespichisunkichis”,+ nispa.
5 Chay tiempopin ñausakunaq ñawinqa qhawarinqa,+roqt’ukunaq ninrinpas kicharikunqa,+
6 wist’upas taruka jinan p’itanqa,+upapas kusikuymantan qaparinqa.+
Ch’aki pampakunapin unu t’ojamunqa,aqo pampakunapin mayukuna puririnqa.
7 Pariq pampakunan unu pampaman tukupunqa,carrizoq* wiñananmi kapunqa;ch’akisqa jallp’amantan unu phullpumunqa.+
Monte alqoq tiyasqanpin q’achukuna wiñanqa,+carrizokuna papiro plantakuna iman wiñanqa.
8 Chaypin juj ñan kanqa,+chay ñanmi Ch’uya Ñan nisqa kanqa.
Qhelli kausaqqa manan chaynintaqa purinqachu,+mana yuyayniyoqqa manan chaymanqa jaykunqachu,ch’uyata kausaqllan chay ñannintaqa purinqa.
9 Chay ñanpiqa manan ima leonpas kanqachu,manan ima salqa animalpas kanqachu.
Manan chaykunaqa chay ñanpiqa rikukunqachu,+apasqa kasqankumanta rantisqakunallan chaynintaqa purinqa.+
10 Jehová Diospa orqomusqan runakunaqa kutimunqakun,+kusikuymanta qaparispan Sionman kutimunqaku.+
Kusikuyninkuqa mana tukurikuqmi kanqa,umankupi corona jinan kanqa.+
May kusisqapunin paykunaqa kashanqaku,kusikuyninkun llakitapas waqaytapas chinkachipunqa.+
