Isaías 42:1-25
42 ¡Qhawariychis, payqa kamachiymi,+ paywanmi noqaqa kashani!
¡Payqa ajllakusqaymi,+ payqa sonqoypaq jinan!+
Paymanmi espirituyta* qoni,+paymi nacionkunaman chanin kayta apamunqa.+
2 Payqa manan qaparispachu rimanqa,manataqmi alto kunkawanchu rimanqa,jatun ñankunapipas manan kunkanqa uyarikunqachu.+
3 Manan q’ewisqa carrizotaqa* p’akinqachu,manan wañunayashaq mechatapas wañuchinqachu.+
Payqa cheqaq justiciatan apamunqa.+
4 Manan payqa pisipanqachu,kay pachapi justiciata churanankaman mana sayk’unqachu.+
Islakunan kamachikuyninta* suyakushanku.
5 Jehová Diosmi, cheqaq Diosmi,cielota kamaq ancha jatun Diosmi,chaypi tukuy imata mast’ariq Diosmi,+kay pachata kamaqmi, lliuta wiñachiqmi,+kay pachapi kausaqkunaman samayta qoqmi,+chaypi puriqkunaman kausayta qoqmi nin:+
6 “Noqa Jehová Diosmi wajamurqayki justicia ruwakunanpaq,makiykimantan jap’ishayki.
Noqan yanapasayki,qanmi llaqtakunapaq rimanakuy kanki,+qanmi nacionkunapaq k’anchay kanki.+
7 Ñausakunaq ñawintan kicharinki,+presokunatan carcelmanta orqomunki,laqhayaq* ukhupi wisq’asqakunatan orqomunki.+
8 Noqaqa Jehová Diosmi kani, chaymi sutiyqa.
Jatunchasqa kanaytaqa manan pimanpas qoymanchu,*nitaqmi alabasqa kanaytapas idolokunamanqa qoymanchu.+
9 Ñaupaq willasqaykunaqa ñan junt’akunña,kunanqa mosoq willakuykunatan willasaykichis.
Manaraq imapas kashaqtinmi noqaqa qankunaman willaykichis”,+ nispa.
10 Mosoq takita Jehová Diosman takiychis,+kay pachaq k’uchunkunamantaraq takimuychis,+lamar-qochapi puriqkuna, chaypi kaqkunapas takimuychis,islakunapas, chaypi tiyaqkunapas takimuychis.+
11 Ch’in ladokunapas, chaypi kaq llaqtakunapas qaparimuchunku.+
Quedarpa tiyasqan llaqtakunapas qaparimuchunku.+
Qaqakunapi tiyaqkunapas kusisqa qaparimuchunku,orqo patapi kaqkunapas qaparimuchunku.
12 Jehová Diosta jatunchachunku,islakunapi kaqkunapas payta alabachunku.+
13 Jehová Diosqa ancha atiyniyoq maqanakuq jinan lloqsimunqa.+
Guerrapaq allin preparasqa runa jinan phiñakuyninta kacharinqa.+
Fuerteta qaparispan maqanakuyman phawaykunqa,pay contra jatariqkunatan atipanqa.+
14 Diosmi nin: “Unayñan ch’inlla kasharqani.
Mana rimarispan, simiyta watakuspan kasharqani.
Kunanmi ichaqa onqokushaq warmi jina qaparisaq,chay warmi jinan samapakusaq, phukupakusaq.
15 Orqokunatan moqokunatan thunisaq,llapa plantakunatan ch’akichisaq.
Mayukunatan aqo pampaman tukuchisaq,carrizoq wiñasqan unu pampakunatan ch’akichisaq.+
16 Ñausakunatan mana reqsisqanku ñanninta pusasaq,+mana purisqanku ñannintan purichisaq.+
Paykunaq ñaupanpin laqhayaqta k’anchayman tukuchisaq,+moqo-moqo ñantan pampaman tukuchisaq.+
Chaykunataqa ruwasaqpunin, manan paykunataqa saqerparisaqchu”, nispa.
17 Idolokunapi suyakuqkunaqa qatisqan kanqaku,metalmanta idolokunata “qankunan diosniyku kankichis”+ niqkunaqa p’enqaypin rikukunqaku.
18 Roqt’ukuna uyariychis,qankunapas ñausakuna qhawariychis.+
19 ¿Pin kamachiy jina ñausa kanman?
¿Pin willaqta kachasqay runa jina roqt’u kanman?
¿Pin jatunchasqay runamanta aswan ñausa kanman?
¿Pin Jehová Diospa kamachinmanta aswan ñausa kanman?+
20 Imaymanata rikushaspapas manan reparankichu,ninriyki kicharayashaqtinpas manan uyarinkichu.+
21 Jehová Diosqa chanin Diosmi,chaymi gustowan kamachikuyninta jatunchanqa,ganaswanmi leyninta atiyniyoqman tukuchinqa.
22 Kay llaqtaqa lliu suwasqan, ch’utisqan kashan,+paykunaqa llapankun t’oqokunapi winasqa kashanku,llapankun carcelkunapi wisq’asqa kashanku.+
Mana piqpa yanapasqanmi llapanta ch’utipunku,+mana piqpa jark’asqanmi llapanta suwapunku.
23 ¿Mayqenniykichistaq kayta uyarinqa?
¿Qankunamanta mayqenmi kayman yuyayta churanqa?
¿Pin uyarinqa qhepaman chaywan yanapachikunanpaq?
24 ¿Pin Jacobta premiota jina qorqan?
¿Pin Israelta suwakunaman entregarqan?
¿Manachu Jehová Dios juchankurayku chayta ruwarqan?
Paykunaqa manan ñanninpi puriyta munarqankuchu,manan kamachisqantapas kasukuyta munarqankuchu.+
25 Llapa colerantan paykunaman jich’aykamurqan,k’araq phiñakuynintan chayachimurqan,guerrawanmi paykunata castigarqan;+muyuriqninkutan ruphapurqan, chaywanpas manan kasukurqankuchu,+paykunatawanmi rupharqan, chaywanpas manan uyarikurqankuchu.+
Uraypi willakuykuna
^ Carrizotaqa “soqos, caña” nillankutaqmi.
^ Chaypiqa “yachachinanta” nillanmantaqmi.
^ Laqhayaqtaqa “tutayaq” nillankutaqmi.
^ Chaypiqa “manan piwanpas t’aqanakuymanchu” nillanmantaqmi.
