Isaías 49:1-26
49 Islakuna, uyariwaychis,karu nacionkuna, uyariwaychis.+
Jehová Diosmi manaraq naceshaqtiy wajamuwarqan.+
Mamaypa wijsallanpiraq kashaqtiymi sutiymanta wajamuwarqan.
2 Simiytan espadata jina filochawarqan,jinaspa makinpa llanthullanpi pakaykuwarqan.+
Allin filochasqa flechamanmi tukuchiwarqan,jinaspa flechakuna waqaychananman churaykuwarqan.
3 Niwarqantaq: “Israel, qanmi kamachiy kanki,+qanwanmi may jatun kasqayta rikuchisaq”,+ nispa.
4 Noqataq nirqani: “Yanqan mayta llank’aykuni.
Yanqan kallpay tukukunankama llank’aykuni.
Ichaqa juzgawaqniyqa Jehová Diosmi,Diospa makinpin kashan pagoyqa”,+ nispa.
5 Mamaypa wijsallanpiraq kashaqtiy ajllawaqniy Jehová Diosmi,kamachin kanaypaq ruwawaqniy Diosmi juj kamachikuyta qowan,Jacobta kutichimunaypaqmi kamachiwan,Israeltawan jujllachanaypaqmi kamachiwan.+
Noqaqa Jehová Diospa ñaupanpin jatunchasqa kasaq,Diosniymi kallpay kanqa.
6 Paymi niwallarqantaq: “Manan Jacobpa ayllunkunata jatarichinallaykipaqchu churarqayki,manan Israelmanta wakin kausaqkunata kutichimunallaykipaqchu ajllarqayki.
Qanqa llapa nacionkunapaqwanmi k’anchay kanki,+chhaynapin salvacionqa kay pachaq k’uchunkunakamaraq chayanqa”,+ nispa.
7 Cheqnisqa kaqtan,+ nacionpa millakusqantan, autoridadkunaq kamachintan, Israelta rantiq Jehová Diosqa, Israelpa ch’uya Diosninqa+ nin:
“Reykunan qhawarispa jatarinqaku,autoridadkunan k’umuykunqaku,Jehová Diosrayku, junt’aq Diosraykun chayta ruwanqaku,+Israelpa ch’uya Diosninrayku, ajllaqniyki Diosraykun chayta ruwanqaku”,+ nispa.
8 Jehová Diosmi nin:
“Chaskina tiempopin uyarimurqayki,+salvana tiempopin yanaparqayki;+llaqtaman rimanakuyta jina qonaypaqmi allinta uywarqayki.+
Jallp’an sumaq jallp’aman tukupunqa.
Llaqtaymi wijch’usqa herencianta jap’ikapunqa.+
9 Preso kaqkunatan “¡lloqsipuychis!” nikunqa,+laqhayaqpi* kaqkunatan+ “¡rikuchikuychis!” nikunqa.
Ñankunapin mijunata tarinqaku,ñan patakunapin* pasto kanqa.
10 Manan yarqasqachu ni ch’akisqachu purinqaku,+manan intipas ni ruphaypas imananqapaschu.+
Noqan khuyapayaspa paykunata pusasaq,+maykunapichus unu pujyu kan chaynintan pusasaq.+
11 Orqokunatan ñanman tukuchisaq,jatun ñankunatan altoyachisaq.+
12 ¡Qhawariychis! Kaykunaqa karumantan jamushanku.+
Jaqaykunataq wichay ladomanta, inti jaykuy ladomanta jamushanku,paykunataq Sinin ladomanta jamushanku”,+ nispa.
13 Cielokuna kusisqa qapariychis, jallp’a pacha kusikuy.+
Orqokuna kusikuchunku, kusikuymanta qaparichunku.+
Jehová Diosmi llaqtanta khuyapayan,+llakikuypi kaqkunatan llakipayan.+
14 Sionmi ichaqa nishan: “Jehová Diosmi saqepuwan,+Jehová Diosmi qonqapuwan”,+ nispa.
15 ¿Juj warmi qonqanmanchu ñuñusqan* wawanta?
¿Juj warmi cheqnikunmanchu wijsanpi apasqan wawata?
Chay warmikunaña qonqanman chaypas, manan noqaqa jayk’aqpas qonqasaykichu.+
16 Qanqa maki pampaypin qelqasqa kashanki.
Llaqta perqaykikunapas ñaupallaypin kashan.
17 Wawaykikunan apurasqa kutimunqaku.
Thuniqniykikunapas ch’usaqman tukuchiqniykikunapas ripunqan.
18 Umaykita oqariy, muyuriqniykita qhawariy.
Llapankun juñukamushanku.+
Qanmanmi jamushanku.
“Noqa wiñaypaq kausaq Jehová Diosmi jurani:
alajakunawan jinan chaykunawan churakunki,casarakushaq warmi jinan sumaqta p’achakunki.
19 Llaqtaykikunaña raqay-raqay* kasharqan chaypas,+tiyasqayki jallp’akunaña ch’usaq kasharqan chaypas,junt’an chaykunaqa kapunqa, juch’uyraqmi kanqapas.+
Tukuqniyki runakunaqa+ karupin kapunqaku.+
20 Wawaykikunaq wañupusqan qhepaman nacemuq wawaykikunan nisunki:
Kayqa nishu juch’uymi noqapaqqa,kayta jatunyachiy chaypi tiyanaypaq,+ nispa.
21 Qantaq sonqoykipi ninki:
Wawaykunaqa manan kanñachu,manataqmi wawayoq kaytapas atinichu,khayna karu llaqtapin preso jina kashanipas,chhaynaqa, ¿piqpataq kay qowasqanku wawakunari?
¿Pitaq kay wawakunatari uywarqan?+
Noqaqa sapallayñan kasharqani,+¿maymantataq kay wawakunari lloqsiramun?,+ nispa”.
22 Tukuy munayniyoq Señormi, Jehová Diosmi nin:
“Nacionkunaq rikunanpaqmi makiyta oqarisaq,llaqtakunaq rikunanpaqmi señalta* sayachisaq.+
Marq’ayninkupin churiykikunata apamunqaku,much’unkupin ususiykikunata apamunqaku.+
23 Reykunan yanapasunki, servisunki,+reykunaq ususinkunan uywasunki.
Ñaupaykipin pampakama k’umuykunqaku,+chakiykipi jallp’a polvotan llaqwanqaku,+chhaynapin yachanki noqa Jehová Dios kasqayta,noqapi suyakuqkunaqa manan p’enqasqachu kanqaku”,+ nispa.
24 ¿Allin maqanakuq kallpasapa runamanta preso jap’isqankunata qechuyta atinkumanchu?
¿Sinchi millay runaq makinmanta presokunata librayta atinkumanchu?
25 Jehová Diosmi nin:
“Arí, kallpasapa runamantapas preso jap’isqankunataqa qechunqakun,+millay runaq makinmantapas presokunataqa libranqakun.+
Qanwan maqanakuqkunawanmi noqaqa maqanakusaq,+wawaykikunatan librasaq.
26 Qanta sufrichiqkunatan aychantaraq mijuchisaq;yawarninkuwanmi misk’i vinowan jinaraq machanqaku.
Llapa runakunan yachanqaku noqa Jehová Dios kasqayta,+salvaqniyki,+ rantiqniyki kasqayta,+Jacobpa ancha atiyniyoq Diosnin kasqayta”,+ nispa.
Uraypi willakuykuna
^ Laqhayaqtaqa “tutayaq” nillankutaqmi.
^ Chaypiqa yaqapaschá “q’ara moqokunapin” nillanmantaq.
^ Ñuñusqan nisqataqa “ñuñuchisqan” nillankutaqmi.
^ Raqaytaqa “laqaya” nillankutaqmi.
^ Chaypiqa “k’aspita señalpaq” nillanmantaqmi.
