Isaías 64:1-12
64 ¡May allinchá kanman cielota llik’irparispa jaykumuwaq chayqa,orqokunata chhafchirisparaq uraykamuwaq chayqa!
2 ¡May allinchá kanman nina jinaraq urmaykamuwaq chayqa,qorata ruphaspa unuta t’impuchiq nina jinaraq jamuwaq chayqa!
Chhayna kaqtinqa llapa enemigoykikunan sutiykita reqsinkuman,llapa nacionkunan ñaupaykipi khatatatankuman.*
3 Qanqa mana suyakusqaykutan ruwarqanki,musphanapaq ruwaykunatan ruwarqanki,+uraykamuqtiykin orqokunaraq khatatatarqan.+
4 Manan pipas uyarirqanchu ni rikurqanchu qanmanta juj Diostaqa,ñaupa tiempokunamantapachapas manan pipas uyarirqanchu,qanllan kanki pacienciawan suyakuqninkunata yanapaqqa.+
5 Allin kaqta kusisqa ruwaqkunamanmi ayparqanki,+qanta yuyariqkunamanmi, ñanniykipi puriqkunamanmi rirqanki.
Juchallapi purisqaykuta rikuspan qanqa mayta phiñakurqanki,+unaymi noqaykuqa juchallapi purirqayku.
¿Chaychu kunan salvasqa kaytaraq munaykuman?
6 Llapaykun millakunapaq qhelli jina kashayku,justicia ruwasqaykupas qhelli thanta* jinan kashan.+
Llapaykuchá raphi jina ch’akipusaqku,wayra jinachá juchayku apapuwanqaku.
7 Manan pipas sutiykita jatunchaq kanchu,manan pipas qanman jap’ipakuq kanchu,uyaykipas noqaykumanta pakasqan kashan,+juchaykuq makinmanmi saqerpariwankiku.
8 Kunanmi ichaqa, Diosniyku Jehová, qan Taytayku kanki.+
Noqaykuqa t’urullan kayku, qantaq llut’aqniyku* kanki,+llapaykun makiykiq ruwasqan kayku.
9 Diosniyku Jehová, ama sinchitaqa phiñakuychu,+ama juchaykutapas wiñaypaqqa yuyashallaychu.
Ama jinachu kay, qhawarimuwayku, llaqtaykin kayku.
10 Ch’uya llaqtaykikunan ch’usaq kashan,Sion orqon ch’in kashan,Jerusalén llaqtan purunyasqa kashan.+
11 Ch’uya wasiykun,* jatun wasiykun kanasqa kashan,ñaupa taytaykuq jatunchasqasuyki wasin ruphasqa kashan,+munasqayku kaqkunapas llapanmi thunisqa kashan.
12 Chhaynataq kashan chayqa, ¿jinatachu Diosniyku Jehová chaykunata qhawanki?
¿Jinachu ch’inlla qhawanki khayna ñak’arichiwasqankuta?+
Uraypi willakuykuna
^ Khatatataytaqa “kharkatiy” nillankutaqmi.
^ Chaypiqa “killanwan kashaq warmiq yawarchasqan trapo” nillanmantaqmi.
^ Chaypiqa t’uruwan imaymana serviciokuna ruwaqmantan rimashan.
^ Chaypiqa “Yupaychanayku wasin” nillanmantaqmi.
