Josué 12:1-24
12 Israel runakunan Jordán mayu inti lloqsimuy ladopi kaq llapa jallp’akunata jap’ikapurqanku, Arnón wayq’omanta+ Hermón orqokama,+ llapa Arabá wayq’okunantinta.+ Chay jallp’akunatan qechurqanku amorreo runakunaq reyninkunamanta.
2 Juj kaq reymi karqan Sehón,+ payqa Esbón llaqtapin tiyarqan. Paymi gobiernarqan Aroer+ llaqta qayllapi Arnón wayq’omanta,+ Anmón runakunaq jallp’ankuwan tupaypi Jaboc wayq’okama, chayqa karqan Galaad jallp’aq kuskanninmi.
3 Jordán mayuq inti lloqsimuy ladonpi Arabá wayq’otapas paymi gobiernarqan, Kinéret qochamanta*+ Arabá qochakama, Kachi qochakama.* Llapa Bej-Jesimoj pampakunata Pisgá+ orqoq urankunakama.
4 Juj kaq reytaq karqan Basán ladota gobiernaq Og.+ Paymi karqan refaín runakunamanta puchuq,+ tiyarqantaq Astaroj llaqtapi Edréi llaqtapi ima.
5 Paymi gobiernarqan Hermón orqomanta Salecá llaqtakama, llapa Basán+ jallp’atawan Guesur runakunaq Macaj runakunaq+ jallp’ankuwan tupaykama. Chaymantapas kuskan Galaadtawanmi gobiernarqan Esbonmanta+ Sehón reypa gobiernasqanwan tupaykama.
6 Chay reykunataqa Jehová Diospa kamachin Moiseswan Israel runakunapiwanmi chinkachirqanku.+ Chaymantataq Jehová Diospa kamachin Moisesqa chay jallp’akunata rakipurqan Rubén aylluman, Gad aylluman, kuskan Manasés ayllumanwan.+
7 Jordán mayuq inti jaykuy ladonpi kaq reykunatataq Josuewan Israel runakunapiwan chinkachirqanku, jinaspa jallp’ankuta qechupurqanku Líbano+ wayq’opi Baal-Gad+ llaqtamanta Seír+ cercapi kaq Alac orqokama.+ Chaymantataq Josueqa chay jallp’akunata rakipurqan Israelpi llapa ayllukunaman.+
8 Chaykunan kashan orqo-orqo wichaykuna, Sefelá ladokuna, Arabá wayq’okuna, qhatakuna, ch’in pampakuna, Négueb+ uraykuna ima. Chaykunaqa karqan Het runakunaq, amorreo runakunaq,+ Canaán runakunaq, perizita runakunaq, heveo runakunaq, Jebús runakunaq+ jallp’ankunan. Chay runakunaq reyninkunan karqan:
9 Jericó llaqta rey,+ Betel llaqtaq qayllanpi kaq Hai llaqta rey,+
10 Jerusalén llaqta rey, Hebrón llaqta rey,+
11 Jarmuj llaqta rey, Lakís llaqta rey,
12 Eglón llaqta rey, Guézer llaqta rey,+
13 Debir llaqta rey,+ Guéder llaqta rey,
14 Ormá llaqta rey, Araj llaqta rey,
15 Lifná llaqta rey,+ Adulan llaqta rey,
16 Maquedá llaqta rey,+ Betel llaqta rey,+
17 Tapúa llaqta rey, Héfer llaqta rey,
18 Afec llaqta rey, Lasarón llaqta rey,
19 Madón llaqta rey, Azor llaqta rey,+
20 Sinrón-Merón llaqta rey, Acsaf llaqta rey,
21 Tanac llaqta rey, Meguidó llaqta rey,
22 Quedes llaqta rey, Carmelo orqoq qayllanpi kaq Jocnean+ llaqta rey,
23 Dor qhatakunapi+ Dor llaqta rey, Guilgalpi kaq Goyin llaqta rey,
24 Tirzá llaqta rey ima. Llapanpiqa kinsa chunka jujniyoq reykunan karqanku.
Uraypi willakuykuna
^ Chay qochataqa “mar Muerto” nikullantaqmi.
^ Chaypiqa Galilea qochamantan rimashan, chay qochataqa “Genesaret qocha” nikullantaqmi.
