Levítico 18:1-30
-
Pikunawanchus mana puñunamanta (1-30)
18 Jehová Diosmi Moisesta nillarqantaq:
2 “Israel runakunata nimuy, Diosmi nin: Noqaqa Diosniykichis Jehová Diosmi kani.+
3 Aman tiyamusqaykichis Egipto llaqtapi runakuna jinaqa imatapas ruwankichischu. Amallataqmi maymanchus pusashaykichis chay Canaán jallp’api runakuna jinaqa imatapas ruwankichischu.+ Amapunin paykuna jinaqa kausankichischu.
4 Llapa nisqaytan junt’ankichis, llapa kamachisqaytan kasukunkichis, chayman jinan kausankichis.+ Noqaqa Diosniykichis Jehová Diosmi kani.
5 Llapa kamachisqaykunata, llapa simiytan kasukunkichis. Pipas chaykunata kasukuqqa chay kamachikuyraykun kausanqa.+ Noqaqa Jehová Diosmi kani.
6 ”Aman pi qharipas familian warmiwanqa kanqachu.+ Noqaqa Jehová Diosmi kani.
7 Aman taytaykiwanqa kankichu, aman mamaykiwanpas kankichu, mamaykin payqa. Amapunin mamaykiwanqa kankichu.
8 ”Aman taytaykiq qhepa warminwanqa puñunkichu.+ Chayta ruwaspaqa p’enqaymanmi taytaykita churawaq.
9 ”Aman panaykiwanqa kankichu. Papaykiq ususinña, mamaykiq ususinña kanqa chaypas, wasiykipiña juj ladopiña nacerqan chaypas, amapunin paywanqa kankichu.+
10 ”Aman puñunkichu warmi wawaykiq ususinwan qhari wawaykiq ususinwanpas, chayta ruwawaq chayqa sinchi p’enqaymi qanpaq kanman.
11 ”Aman taytaykiq warminpa ususinwanqa kankichu, payqa taytaykiq churiyasqanmi, panaykin.
12 ”Aman taytaykiq pananwanqa kankichu, payqa taytaykiq yawarninmi.+
13 ”Aman mamaykiq ñañanwanqa kankichu, payqa mamaykiq yawarninmi.
14 ”Aman taytaykiq wayqenpa warminwanqa kankichu. Chayta ruwaspaqa taytaykiq wayqentan p’enqayman churawaq. Chaymantapas tiyaykin payqa.+
15 ”Aman qhachuniykiwanqa puñunkichu,+ payqa churiykiq warminmi. Amapunin paywanqa kankichu.
16 ”Aman wayqeykiq warminwanqa puñunkichu,+ chayta ruwawaq chayqa wayqeykitan p’enqayman churawaq.
17 ”Aman mamantin ususintinwanqa kankichu.+ Aman qhari wawanpa ususinwanpas ni warmi wawanpa ususinwanpas puñunkichu. Paykunaqa familiantinmi kanku. Chayta ruwawaq chayqa millay qhelli juchatan ruwashawaq.
18 ”Aman warmiykiq ñañanwanqa casarakunkichu, chayta ruwawaq chayqa cheqninasqan kausankuman.+ Amapunin paywanqa kankichu warmiyki kausashaqtinqa.
19 ”Aman killanwan qhelli kashaq warmiwanqa kankichu.+
20 ”Aman runamasiykiq warminwanqa kankichu, paywan kawaq chayqa qhellichakuwaqmi.+
21 ”Aman Mólek idolomanqa mayqen wawaykitapas jaywankichu,+ chayta ruwawaq chayqa Diosniykiq sutintan qhellichawaq.+ Noqaqa Jehová Diosmi kani.
22 ”Aman qharipuraqa warmi-qharintin jinaqa kankichischu,+ chayqa sinchi millay ruwaymi.
23 ”Aman ima animalwanpas t’inkikunkichu. Aman pi warmipas juj animalpa ñaupanmanqa churakunqachu chaywan t’inkichikunanpaqqa.+ Chayqa sinchi millay ruwaymi.
24 ”Aman chaykunawanqa qhellichakunkichischu. Chaykunata ruwaspan qhellichakurqanku ñaupaykichismanta qarqosaq chay nacionkunapas.+
25 Chayraykun chay jallp’aqa qhelli kashan, chaymi noqaqa chaypi tiyaqkunata castigasaq. Chay jallp’an chay runakunata aqtumunqa.+
26 Qankunaqa simiytan kasukunkichis, kamachisqayman jinan imatapas ruwankichis.+ Amapunin chay sinchi millay ruwaykunataqa ruwankichischu, aman chaytaqa ruwanqachu qankuna ukhupi tiyaq waj llaqtayoq runapas.+
27 Chay qhelli ruwaykunatan chay jallp’api tiyaq runakunaqa unayña ruwashanku,+ chaymi chay jallp’aqa qhelli kashan.
28 Chayraykun chay runakunataqa chay jallp’a aqtumunqa. Mana kasukuspachus qankunapas chay jallp’ata qhellichankichis chayqa, aqtumusunkichismi qankunatapas.
29 Pipas chay millay ruwaykunamanta mayqentapas ruwanqa chayqa, wañuchisqan kanqa.
30 Qankunaqa junt’anaykichispunin noqapaq imachus ruwanaykichiswan. Aman chay runakuna jinaqa imatapas ruwankichischu, amapunin chay qhelli ruwayninkutaqa qatikunkichischu.+ Aman chaykunawanqa qhellichakunkichischu. Noqaqa Diosniykichis Jehová Diosmi kani, nispa”.
