Levítico 4:1-35
-
Jucha pampachay ofrendamanta (1-35)
4 Jehová Diosmi Moisesta nillarqantaq:
2 “Israel runakunata niy: Pipas mana piensaylla+ Jehová Diospa ima prohibisqantapas ruwanqa chayqa, khaynatan ruwankichis:
3 ”Uma* sacerdotechus+ juchallikuspa+ llaqtata juchayoqman tukuchinman chayqa, Jehová Diosmanmi mana imanasqa malta torota apamunqa juchanmanta ofrendapaq, chaymi jucha pampachay ofrenda kanqa.+
4 Chay torotan Jehová Diospa ñaupanman, tupana karpa punkuman apamunqa,+ chay toroq umanmanmi makinta churaykunqa jinaspa Jehová Diospa ñaupanpi ñak’anqa.+
5 Yawarnintataq uma sacerdoteqa+ juj chhikanta tupana karpa ukhuman apaykunqa,
6 chay yawarmanmi payqa dedonta challpuykunqa,+ jinaspa Jehová Diospa ñaupanpi, cortinaq ñaupanpi qanchis kutita ch’allanqa.+
7 Chay yawarllawantaqmi sacerdoteqa Jehová Diospa ñaupanpi kaq incienso q’apachina altarpa waqrankunatapas llusiykunqa.+ Wakin yawartataq tupana karpa punkupi kaq ofrenda ruphachina altarpa chakinman jich’anqa.+
8 ”Chaymantataq jucha pampachay ofrendapaq ñak’asqa toroq llapa wiranta orqonqa. Orqonqan wijsa llika wiranta, ch’unchulnin wirakunata,
9 wasa rurunta llapa wirantawan. Wasa rurunwan kuskatan orqollanqataq higadon* wiratapas.+
10 Imakunatachus sumaq kausay sacrificiopaq toromanta orqon, chaykunatan payqa jucha pampachay ofrendapaq toromantapas orqonqa.+ Chaymantataq sacerdoteqa chay orqosqanta ofrenda ruphachina altarpi ruphachinqa.
11 ”Chay toroq qaranta, aychanta, umanta, patasninkunata, ch’unchulninkunata, phusnunta+ iman ichaqa
12 karpa-karpa jawaman apachinqa, maymanchus usphata jich’anku chayman. Chaypin sacerdoteqa llapanta llant’awan ruphachipunqa.+ Maymanchus usphata jich’anku chaypin kanasqa kanqa.
13 ”Llapa Israel runakunachus Jehová Diospa prohibisqanmanta mayqentapas mana piensaylla ruwankuman, chhaynapitaq juchayoq kapunkuman, manataq mayqenninkupas reparankumanchu jucha ruwasqankuta,+
14 chaymantataq ichaqa yachakunman jucha ruwasqankuta chayqa, juj malta torotan jucha pampachay ofrendapaq apamunqaku, chaytan tupana karpaq ñaupanman apaykunqaku.
15 Chaypin llaqta umalliqkunaqa* Jehová Diospa ñaupanpi toroq umanman makinkuta churaykunqaku, jinaspa Jehová Diospa ñaupanpi ñak’apunqaku.
16 ”Uma sacerdotetaq chay toroq yawarninta juj chhikanta tupana karpa ukhuman apaykunqa.
17 Chay yawarmanmi payqa dedonta challpuykunqa, jinaspa Jehová Diospa ñaupanpi, cortinaq ñaupanpi qanchis kutita ch’allanqa.+
18 Chaymantataq Jehová Diospa ñaupanpi kaq, tupana karpa ukhupi kaq altarpa+ waqrankunata juj chhikan yawarwan llusiykunqa. Wakin yawartataq tupana karpa punkupi kaq ofrenda ruphachina altarpa chakinman jich’anqa.+
19 Chay toroq llapa wirantan orqopunqa jinaspa altar pataman churanqa q’osñinanpaq.+
20 Jucha pampachay ofrendapaq juj kaq torowan ruwasqanta jinan chay torowanpas ruwallanqataq. Chhaynatan sacerdoteqa ofrendata jaywanqa llaqta runakunaq juchan pichasqa kananpaq,+ chhaynapin paykunaqa perdonasqa kanqaku.
21 Chaymantataq sacerdoteqa toroq aychanta tukuy imantawan karpa-karpa jawaman apachinqa, jinaspa juj kaq torota jina ruphachipunqa.+ Chaymi kanqa llapa runakunapaq jucha pampachay ofrenda.+
22 ”Llaqta umalli runachus+ Jehová Diospa prohibisqanmanta mayqentapas mana piensaylla ruwanman, chhaynapitaq juchayoq kapunman,
23 chaymantataq jucha ruwasqanmanta cuentata qokunman chayqa, mana imanasqa malta cabratan ofrendapaq apamunqa, orqon chay cabraqa kanqa.
24 Chay cabraq umanmanmi makinta churaykunqa, jinaspa Jehová Diospa ñaupanpi chay cabrata ñak’anqa, maypichus ruphachina ofrendapaq uywakunata ñak’anku chaypi.+ Chaymi kanqa jucha pampachay ofrenda.
25 Sacerdotetaq chay cabraq yawarninman dedonta challpuykunqa, chaywanmi ofrenda ruphachina altarpa waqrankunata llusiykunqa.+ Wakin yawartataq ofrenda ruphachina altarpa chakinman jich’anqa.+
26 Llapa wirantataq altar patapi ruphachinqa, imaynan sumaq kausay sacrificiopaq uywaq wiranwan ruwan chhaynata.+ Chhaynatan sacerdoteqa ruwanqa chay runaq juchan pichasqa kananpaq, chhaynapin chay runaq juchanqa perdonasqa kanqa.
27 ”Llaqtapi pi runapas Jehová Diospa prohibisqanmanta mayqentapas mana piensaylla ruwanman, chhaynapitaq juchayoq kapunman,+
28 chaymantataq jucha ruwasqanmanta cuentata qokunman chayqa, mana imanasqa malta china cabratan jucha pampachay ofrendapaq apamunqa.
29 Chay cabraq umanmanmi makinta churaykunqa, jinaspa maypichus ruphachina ofrendapaq uywakunata ñak’anku chaypi chay cabrata ñak’anqa.+
30 Sacerdotetaq chay cabraq yawarninman dedonta challpuykunqa, chaywanmi ofrenda ruphachina altarpa waqrankunata llusiykunqa. Wakin yawartataq chay altarpa chakinman jich’anqa.+
31 Wirantataq llapanta orqopunqa,+ imaynan sumaq kausay sacrificiopaq uywaq wiranta orqon chhaynata.+ Chay wiratan sacerdoteqa Jehová Diospaq sumaq q’apay ofrendata jina altarpi ruphachipunqa. Chhaynatan sacerdoteqa ruwanqa chay runaq juchan pichasqa kananpaq, chhaynapin chay runaqa perdonasqa kanqa.
32 ”Chay runachus jucha pampachay ofrendapaq ovejata apamunqa chayqa, china ovejatan apamunqa, mana imanasqa malta ovejata.
33 Chay ovejaq umanmanmi makinta churaykunqa, jinaspa maypichus ruphachina ofrendapaq uywakunata ñak’anku chaypi chay ovejata ñak’anqa.+
34 Sacerdotetaq chay ovejaq yawarninman dedonta challpuykunqa, chaywanmi ofrenda ruphachina altarpa waqrankunata llusiykunqa.+ Wakin yawartataq ofrenda ruphachina altarpa chakinman jich’anqa.
35 Llapa wirantataq orqonqa, imaynan sumaq kausay sacrificiopaq malta carneroq wiranta orqon chhaynata. Chaytan sacerdoteqa altar patapi ruphachinqa, Jehová Diospaq ruphachisqa ofrenda patapi.+ Chhaynatan sacerdoteqa ruwanqa chay runaq juchan pichasqa kananpaq, chhaynapin chay runaqa perdonasqa kanqa.+
Uraypi willakuykuna
^ Hebreo rimaypiqa “Aceitewan jawisqa” ninmi.
^ Higadotaqa “k’ipchan, kukupin” nillankutaqmi.
^ Chaypiqa “kuraq runakunaqa” nillanmantaqmi.
