Números 23:1-30
23 Chaypin Balaamqa Balacta nirqan: “Kaypi qanchis altarkunata perqay,+ chaymantataq qanchis torota qanchis orqo ovejakunatawan ñak’apuwanki”, nispa.
2 Kaq ratun Balacqa Balaampa kamachisqanta ruwarqan, imachus nisqanman jinan ruwarqan. Chaymantan paykunaqa sapanka altarpi juj torota juj ovejatawan jaywarqanku.+
3 Chaymantataq Balaamqa Balacta nirqan: “Kayllapi ruphachina ofrendaykiq ladonpi kashanki, noqataq jaqayta risaq, ichapas Jehová Diosqa imallatapas nimuwanman. Imatapas nimuwanqa chayqa, kutimuspan willasayki”, nispa. Chayta nispan Balaamqa juj q’ara moqoman rirqan.
4 Chaypin Diosqa Balaamwan rimarqan.+ Balaammi Diosta nirqan: “Qanchis altarta ruwachispan sapankapi juj torota juj ovejatawan ruphachirqani”, nispa.
5 Jehová Diostaq Balaamman willarqan imakunachus rimananta,+ jinaspa nirqan: “Balacpa kasqanman riy, imakunachus nisqaytan payman willanki”, nispa.
6 Jinan Balaamqa kutiykamurqan, chaypin Balacpas Moabpi autoridadkunapas ruphachina ofrendankuq ladonpi sayasharqanku.
7 Chaypin Balaamqa khaynata rimarqan:+
“Moab rey Balacmi Arammantapacha+ pusamuwarqan,inti lloqsimuy orqo-orqomantapachan apamuwarqan:
Jamuy Jacobta ñakapuway,jamuy Israelta juchachapuway,+ nispa.
8 ¿Imaynatan Diospa mana ñakasqanta ñakayman?
¿Imaynatan Jehová Diospa mana juchachasqanta juchachayman?+
9 Qaqa patakunamantan rikushani,moqo patakunamantan qhawashani.
Chay llaqtaqa sapallanmi chaypi tiyashan,+juj nacionkunamantan t’aqakunku.+
10 Jacobpa wawankunaqa ñut’u jallp’a jinaraqmi, ¿pin chayta yupayta atinman?+
¿Pin Israelpi tawa kaq parte runallatapas yupayta atinman?
Allinchá kanman chay chanin runakuna jina wañuyman chayqa,allinchá kanman tukukuyniypas paykunaq tukukuynin jina kanman chayqa”, nispa.
11 Chayta uyarispan Balacqa Balaamta nirqan: “¿Imatan kayta ruwaruwanki? Noqaqa enemigoykunata ñakanaykipaqmi pusamurqayki, qantaq ichaqa allinta paykunamanta rimashanki”, nispa.+
12 Paytaq nirqan: “Noqaqa Jehová Diospa niwasqallantan rimasaq nirqaykitaq”, nispa.+
13 Balactaq nirqan: “Ama jinachu kay, jaku juj ladota riysiway, chaymantaqa manan llapa Israel runakunatachu rikunki, aswanpas wakillantan. Chaymantapacha paykunata ñakapuwanki”, nispa.+
14 Jinan Balacqa Zofin ladoman Balaamta pusarqan, jinaspa Pisgá orqoman+ wicharqanku. Chaypin Balacqa qanchis altarkunata perqarqan, jinaspa sapanka altarpi juj torota juj ovejatawan jaywarqan.+
15 Chaymantataq Balaamqa Balacta nirqan: “Kayllapi kashay ruphachina ofrendaykiq ladonpi, noqataq jaqayta rirusaq Dioswan rimaq”, nispa.
16 Chaypin Jehová Diosqa Balaamwan rimarqan, imakunatachus rimananpaq kamachispataq+ nirqan: “Balacpa kasqanman kutiy, paymanmi willanki imachus nisqayta”, nispa.
17 Jinan Balaamqa Balacpa kasqanman kutirqan, chaypin Balacqa ruphachina ofrendanpa ladonpi kasharqan, Moabpi autoridadkunapas chaypin paywan kuska kasharqanku. Balacmi Balaamta tapurqan: “¿Imaninmi Jehová Dios?”, nispa.
18 Jinan Balaamqa khaynata rimarqan:+
“Sayariy Balac, simiyta uyariway.
Ziporpa churin, imachus nisqayta uyariway.
19 Diosqa manan runachu llullakunanpaq,+Diosqa manan runaq churinchu piensasqanta cambiananpaq.+
Payqa ruwanpunin ima rimasqantapas,payqa junt’anpunin ima promesantapas.+
20 Noqaqa bendecinaypaqmi apamusqa karqani.
Pay bendeciqtinqa+ ¿atiymanchu noqa chayta cambiayta?+
21 Payqa manan munanmanchu Jacob layqasqa kanantaqa,payqa manan munanmanchu Israel llakipi tarikunantaqa.
Paykunawanmi kashan Jehová Diosninku,+paytan reyniyku nispa ninku.
22 Diosmi paykunataqa Egiptomanta pusamushan.+
Diosqa salqa toroq waqran jinan+ paykunapaq.
23 Manan pipas Jacobtaqa layqayta atinmanchu,+Manan ima watuqpas Israeltaqa imanaytapas atinmanchu.+
Kunanmi Jacobmanta Israelmantawan nikunqa:
¡Qhawariychis Diospa imakunachus ruwapusqanta!, nispa.
24 Kay llaqtaqa león jinan jatarinqa,león jinan sayarinqa.+
Jap’isqan aychata mijunankaman mana samaykunqachu,wañuchisqankunaq yawarninta ujanankaman mana puñuykunqachu”, nispa.
25 Chaykunata uyarispan Balacqa Balaamta nirqan: “Manataq ñakayta atinkichu chayqa, amayá bendeciychu”, nispa.
26 Balaamtaq nirqan: “Noqaqa Jehová Diospa imachus niwasqallantan rimasaq nispamá nirqayki riki”, nispa.+
27 Chaymantan Balacqa Balaamta nirqan: “Ama jinachu kay, juj ladotawan riysiway, ichapas Diosqa allinpaq qhawarinman chaymantapacha Israel runakunata ñakapuwanaykita”, nispa.+
28 Jinan Balacqa Peor nisqa orqo pataman Balaamta pusarqan, chaymantaqa rikukushanmi Jesimón* ladopas.+
29 Chaypin Balaamqa Balacta nirqan: “Kaypi perqay qanchis altarkunata, chaymantataq qanchis torokunata qanchis ovejakunatawan ñak’apuwanki”, nispa.+
30 Balacqa Balaampa imachus kamachisqanman jinan ruwarqan, chaymantataq Balacqa sapanka altarpi juj torota juj ovejatawan jaywarqan.
Uraypi willakuykuna
^ Chaypiqa yaqapaschá “ch’inneq” nillanmantaq.
