Nahúm 1:1-15
1 Kay willakuyqa Nínive contran.+ Kay qelqaqa Elcós llaqtayoq Nahumpa* rikusqan rijuriymantan willashan.
2 Jehová Diosqa payllata adoranatan munan,+ payqa vengakuq Diosmi,Jehová Diosqa vengakunmi, manan jinataqa coleranta aguantanmanchu.+
Jehová Diosqa pay contra kaqkunamantan vengakun,enemigonkunapaqmi phiñakuyninta waqaychan.
3 Jehová Diosqa pacienciakuqmi,*+ ancha atiyniyoqtaqmi kanpas.+
Jehová Diosqa castiganqapunin juchayoq runakunataqa.+
Payqa thuniq wayra chaupipin purin,phuyuqa purispa jatarichisqan polvo jinan.+
4 Lamar-qochatan phiñarikuspa ch’akichin,+llapa mayukunatan payqa ch’akichin.+
Basanwan Carmelo orqopiwanmi naq’epun,+Libanopi t’ikakunapas ch’akipunmi.
5 Payraykun orqokunapas chhafchikun,moqokunapas chullurin.+
Jallp’apas paypa ñaupanpiqa chhafchikunqan,kay pachapas chaypi tiyaqkunapas khatatatanqan.*+
6 ¿Pin paypa phiñakuyninta sayachinman?+
¿Pin k’araq phiñakuyninta aguantanman?+
Phiñakuyninqa nina jinaraqmi tallikamunqa,qaqakunataraqmi payqa ñut’unqa.
7 Jehová Diosqa sumaq sonqo Diosmi,+ llakikuypi tarikuqpa pakakunanmi.+
Payman jap’ipakuqkunataqa allintan reqsin.+
8 Lloqllawanmi Nínive llaqtata* llapanta apachipunqa,laqhayaqmi* Diospa enemigonkunata qatikachanqa.
9 ¿Imatataq qankunari Jehová Dios contra ruwawaqchis?
Payqa wiñaypaqmi chinkachipunqa.
Llakikuyqa manan jujmanta chayamunqañachu.+
10 Nínive runakunaqa mayt’unasqa kiska jinan kanku,cervezawan* machaqkuna jinan kanku,ichaqa ch’aki paja jinan ruphachisqa kanqaku.
11 Qanmantan* Jehová Dios contra mana allinkunata yuyaykuq paqarimunqa,qanmantan mana allinkunata yuyaychaq lloqsimunqa.
12 Jehová Diosmi nin:
“Asiria runakuna* kallpasapaña kashanku chaypas, askhaña kashanku chaypas,chinkachisqan, ch’usaqyachisqan kanqaku.
Ñak’arichirqaykin,* ichaqa manañan astawanqa ñak’arichisaykichu.
13 Kunanmi qan patapi kashaq enemigoq yugonta p’akisaq,+iskaymanmi cadenaykitapas p’itisaq.*
14 Jehová Diosmi contraykipi* khaynata kamachikun:
Mirayniykiqa manañan kapunqachu, chhaynapin sutiykiqa chinkapunqa.
Thupasqa idolokunatan, metalmanta idolokunatan diosniykikunaq wasinmanta chinkachisaq.
Millakunapaqmi qanqa kanki, chaymi aya p’ampanata ruwapusayki, nispa.
15 ¡Qhawariy! Orqo patankunatan allin willakuykunata willaqpa chakin,thaj kayta willaqpa chakin purishan.+
Judá, fiestaykikunata ruway,+ promesa ruwasqaykita junt’ay,manañan millay runakunaqa phawaykamusunkichu,wiñaypaqmi paykunaqa chinkachisqa kanqaku”, nispa.
Uraypi willakuykuna
^ Nahúm sutiqa “sonqochaq” ninantan nin.
^ Chaypiqa “mana usqhaylla phiñakuqmi” nillanmantaqmi.
^ Khatatataytaqa “kharkatiy” nillankutaqmi.
^ Hebreo rimaypiqa “maypichus pay kashan chayta” ninmi.
^ Laqhayaqtaqa “tutayaq” nillankutaqmi.
^ Chaypiqa “trigomanta cervezawan” nillanmantaqmi.
^ Chaypiqa Nínive llaqtamantan rimashan.
^ Hebreo rimaypiqa “Paykuna” ninmi.
^ Chaypiqa Judá ayllumantan rimashan.
^ P’itiytaqa “t’ipiy” nillankutaqmi.
^ Chaypiqa Asiriamantan rimashan.
