Nahúm 3:1-19
3 ¡Ay imaraqmi kanqa yawar jich’aq llaqtamanta!
Chay llaqtaqa engañaywan suwakuywanmi junt’a kashan.
¡Payqa qechuylla qechuqmi!
2 Chay llaqtapiqa soq’ayllan uyarikushan, carretakunaq raqraqesqallanmi uyarikushan,caballokunaq phawasqallanmi, carretakunaq phawasqallanmi rikukushan.
3 Caballopi soldadokunapas askhan phawashan, espadakunapas k’ancharimushanraqmi, lanzakunapas llifllikimushanraqmi.
Wañusqakunapas askhan kashan, monton-montonraqmi kashan,ayakunaqa mana yupay atiyraqmi kashan.
Puriqkunaqa wañusqakunawanmi misk’akunku.
4 Chaykunaqa kashan ramera warmiq qhelli ruwaykunapi purisqanraykun,payqa sonqo suwaqmanmi, munaymanmi tukun, kusallañan layqa ruwaypaqpas,ramera warmi jina qhelli ruwaykunapi purispan nacionkunata urmachin, layqakuyninwanmi familiakunata urmachin.
5 Ejercitokunata kamachiq Jehová Diosmi nin: “Noqan qan* contra jamushani,+faldaykitan uyaykikama q’allpasayki,nacionkunawanmi q’alallata rikuchisayki,suyukunawanmi p’enqayta qhawachisayki.
6 Q’opawanmi jich’aykusayki,jujkunaq ñaupanpin p’enqayman churasayki,jujkunawanmi asipayachisayki.+
7 Pipas qanta rikuqqa mancharisqan ayqekunqa:+
¡Nínive llaqtan thunisqa kapusqa!
¿Pitaq paytari khuyapayanqa?, nispa.
¿Maypin tarimusaq qan sonqochaqta?
8 ¿Nilo mayu+ patapi tiyaq No-Amón llaqtamanta*+ aswan allinchu kanki?
Unuq muyuykusqanmi payqa tiyarqan,lamar-qochan paypa qhapaq kayninqa karqan, lamar-qochan paypa perqanqa karqan.
9 Etiopiawan Egiptowanmi paypa mana tukukuq kallpan karqan,Puj+ runakunawan Libia runakunawantaq yanapaqninkuna* karqanku.+
10 Chaywanpas No-Amón llaqtaqa qarqosqan karqan,preso apasqan karqan,+wawankunapas sapanka calle esquinakunapin llik’isqa karqan.
Respetasqa runankunapas sorteasqan karqanku,allin reqsisqa runankunapas cadenawan watasqan karqanku.
11 Qanpas machankin,+pakakuqmi rinki,enemigoykikunamanta ayqenaykipaqmi pakakunata maskhanki.
12 Allin perqasqa llaqtaykikunaqa ñaupaq poqosqa ruruyoq higos sach’a jinan kanku,chhafchiqtiykiqa mijuqninpa siminmanmi rurunqa urmaykunqa.
13 Soldadoykikunaqa qankuna ukhupi pisi kallpa warmikuna jinan kanku,llaqtaykiq punkunkunaqa enemigoykikunapaqmi kicharparisqa kanqa,ninan punku trancanaykikunata llapanta ruphapunqa.
14 ¡Unuta orqomuy muyuykusqa kanayki tiempopaq!+
Llaqta perqaykikunata allichay.
T’uruman jaykuspa t’uruta saruy,adoberata jap’iy.
15 Chaypiña kaqtiykipas ninan qantaqa ruphasunki,espadan wañuchisunki.+
Malta langostakuna* jinan mijupusunki.+
¡Malta langostakuna jina askhaman tukuy!
¡Arí, langostakuna jina askhata miray!
16 Negocio ruwaqniykikunatan askhayachirqanki, janaq pacha ch’askakunamantapas aswan askharaqmi kanku.
Malta langostaqa qaranmanta lloqsispan phalaripun.
17 Guardiaykikunaqa langostakuna jinan kanku,oficialniykikunaqa sinchi askha langostakuna jinan kanku.
Rumi perqakunapin chiri p’unchaypi pakakunku,inti k’ancharimuqtintaq phalarispa pasapunku,manan pipas yachanchu mayman risqankuta.
18 Asiria rey, michiqniykikunaqa puñuymantan kashanku,autoridadniykikunaqa llakhin wasinkupi kashanku.
Llaqtaykin orqokunapi ch’eqesqa kashan,manan pipas juñumunchu.+
19 Manan nanayniykipaq jampi kanchu,manan k’iriykiqa thaninqachu.
Imayna tarikusqaykita yachaspan llapa runa t’aqllakunqaku,+¿pin mana makiykipi ñak’arirqanchu?”,+ nispa.
Uraypi willakuykuna
^ Chaypiqa Nínive llaqtamantan rimashan.
^ No-Amón llaqtataqa “Tebas llaqta” nikullantaqmi.
^ Hebreo rimaypiqa “yanapaqniykikuna” ninmi.
^ Langostaqa jatun t’isku-t’isku otaq jatun ch’illiku jinan. Chay langostakunaqa sinchi q’aruqmi kanku.