Zacarías 10:1-12
10 “Qhepa para chayamunan tiempopi Jehová Diosmanta parata mañakuychis.
Jehová Diosmi phuyutaqa juñuspa yanayachin,paymi parataqa runakunapaq allinta chayachimun,+campopi plantakunatapas llapa runakunapaqmi wiñachimun.
2 Terafim* idolokunaq nisqanqa manan cheqaqchu,suerte qhawaqkunaq rijuriykuna rikusqankupas manan cheqaqchu.
Mosqoykunamanta willasqankuqa yanqan,llakipi kaqkunata sonqochayta munasqankupas yanqan.
Chaymi runakunaqa ovejakuna jina kayman jaqayman purinqaku,michiqninku mana kaqtinmi khuyayta ñak’arinqaku.
3 Michiqkunapaqmi sinchi phiñasqa kashani,millay umallikunamantan cuentata mañasaq,ejercitokunata kamachiq noqa Jehová Diosmi ovejaykunata qhawarimuni,+ Judá runakunatan yuyarimuni,guerrapaq kallpasapa munay caballoyman jinan paykunata tukuchini.
4 Judamantan jamun umalliqa,*paymantan jamun yanapaq kamachikuqqa,*paymantan jamun flechana arcoqa,paymantan jamun llapa umallikunaqa, paymantan jamunku llapankupas.
5 Maqanakuypi callekunapi t’uruta saruq soldadokuna jinan kanqaku,Jehová Diosqa paykunawanmi kashan, chaymi maqanakunqaku,+caballopi sillaykusqa enemigonkuqa p’enqaypin qhepanqaku.+
6 Judá runakunatan kallpasapaman tukuchisaq,Josepa miraynintan salvasaq.+
Jallp’ankumanmi kutichimpusaq,khuyapayasqayraykun paykunata kutichimpusaq,+manapas paykunata jayk’aqpas saqerpariymanchu karqan jinan kanqa.+
Noqaqa Jehová Diosninkun kani, mañakusqankumanqa kutichimusaqmi.
7 Efraín runakunaqa kallpasapa soldado jinan kanqaku,vinotapas tomarunkuman jinaraqmi sonqonkupas kusikunqa.+
Wawankupas chayta rikuspan kusikunqaku,paykunaqa Jehová Diosraykun kusisqa kanqaku.+
8 Silbarispan paykunata juñumusaq,paykunatan salvasaq,+ jinan askha kapunqaku,paykunaqa askhallapunin kashanqaku.
9 Mujuta jinaña karu llaqtakunaman ch’eqerichisaq chaypas,paykunaqa karu llaqtakunapin noqamanta yuyarikunqaku.
Wawankuwanmi kallpata jap’inqaku, jinaspan kutimpunqaku.
10 Egipto jallp’amantan paykunata kutichimpusaq,Asiria nacionmantan juñumusaq;+Galaad jallp’amanmi apasaq,+ Libanomanmi pusasaq,chay jallp’akunapas pisiraqmi paykunapaqqa kanqa.+
11 Lamar-qochaña paykunata jark’anman chaypas,noqan chimpaspa lamar-qochaq phoqchiqesqanta ch’inyachisaq.+
Nilo mayuña paykunata jark’anman chaypas, llapantan ununta ch’akichisaq.
Asiriaq jatunchakuyninqa pisichasqan kanqa,Egiptoq kamachikuyninqa* tukupunqan.+
12 Noqa Jehová Diosraykun paykunaqa aswan kallpasapa kanqaku,+sutiyta jatunchaspan paykunaqa kausanqaku,+ ninmi Jehová Dios”.
Uraypi willakuykuna
^ Hebreo rimaypiqa “esquina torreqa” ninmi.
^ Hebreo rimaypiqa “estacaqa” ninmi.
^ Hebreo rimaypiqa “kamachinan varaqa” ninmi.
