Zacarías 2:1-13
2 Chaymantataq juj rijuriypi rikurqani juj runata makinpi medina waskhata jap’ishaqta.+
2 Jinan tapurqani: “¿Maytan rishanki?”, nispa.
Paytaq niwarqan: “Jerusalén llaqta mediqmi rishani, anchonpas largonpas jayk’atas medin+ chayta yachanaypaq”, nispa.
3 Jinan noqawan rimashaq angelqa ripurqan, juj angeltaq paywan tupaq jamurqan.
4 Jinaspan ripushaq angelta nirqan: “Phawaylla rispa chay waynata nimuy: Jerusalén llaqtapin askha runakuna tiyanqa,+ chay llaqtaqa mana perqayoqpas kanman jinan kanqa, chaypiqa askha runakunan, askha uywakunan kanqa.+
5 Noqataq muyuriqninpi nina rauray jina kasaq,+ Jerusalén llaqtapin k’anchayniyqa kashanqa,+ nispan nin Jehová Dios, nispa”.
6 “¡Jamuychis! ¡Jamuychis! Wichay lado jallp’amanta ayqekamuychis,+ ninmi Jehová Dios.
”Noqan lliu ladokunaman* ch’eqerichirqaykichis,+ ninmi Jehová Dios.
7 ”¡Sion runakuna, jamuychis! Babilonia llaqtapi tiyaqkuna, ayqekamuychis.+
8 Jatunchasqa kasqan qhepamanmi ejercitokunata kamachiq Jehová Diosqa qankunata ñak’arichiq nacionkunata kayta ninaypaq kachamuwarqan:+ Pipas qankunata tupaykuqqa ñawi ruruytan tupaykun.+
9 Noqan paykuna contra makiyta oqarisaq, jinan kaqninkutapas ñaupa kamachinkuna jap’ikapunqaku,+ nispa. Chhaynapin qankunaqa sut’ita yachankichis ejercitokunata kamachiq Jehová Dios kachamuwasqanta.
10 ”Jehová Diosmi nin: Sion llaqta, kusikuymanta qapariy,+ noqaqa chayamushaniñan,+ chaupiykipin tiyasaq.+
11 Chay p’unchaymi askha nacionkuna noqa Jehová Diosman asuykamuwanqaku,+ paykunapas llaqtaymi kapunqaku. Noqaqa chaupiykipin tiyasaq, nispa. Chhaynapin yachankichis ejercitokunata kamachiq Jehová Dios qankunaman kachamuwasqanta.
12 Jehová Diosmi Judá aylluta ch’uya jallp’api kaqnin kananpaq jap’ikapunqa, Jerusalén llaqtatapas wajmantan ajllakapunqa.+
13 Llapa runakuna Jehová Diospa ñaupanpi ch’inlla kachunku, payqa ch’uya tiyananmantan munayninta ruwananpaq sayarimushan”.
Uraypi willakuykuna
^ Hebreo rimaypiqa “janaq pacha tawantin wayrakunaman” ninmi.
