Zacarías 8:1-23
-
Jehová Dios Sionman thaj kayta cheqaq kaqtawan qosqanmanta (1-23)
8 Ejercitokunata kamachiq Jehová Diosmi niwallarqantaq:
2 “Ejercitokunata kamachiq Jehová Diosmi nin: Siontaqa anchata sientespan defiendesaq,+ k’araq phiñakuyniywanmi defiendesaq, nispa”.
3 “Jehová Diosmi nin: Sionmanmi kutimusaq,+ Jerusalenpin tiyasaq.+ Jerusalenqa cheqaq kaqpa kanan llaqta nisqan kanqa,+ ejercitokunata kamachiq Jehová Diospa orqontaq ch’uya orqo nisqa kanqa,+ nispa”.
4 “Ejercitokunata kamachiq Jehová Diosmi nin: Jerusalén llaqtaq plaza pampankunapin kuraq qharikuna kuraq warmikuna jujmanta tiyanqaku. Machu-paya kapusqankuraykun taunantinkama chaypi tiyanqaku.+
5 Qhari wawakunapas warmi wawakunapas llaqtaq plazankunapin junt’a pujllanqaku,+ nispa”.
6 “Ejercitokunata kamachiq Jehová Diosmi nin: Kay llaqtamanta puchuq runakunaña sinchi sasapaq chay p’unchayta qhawarinkuman chaypas, ¿noqapas sinchi sasallapaqtaqchu qhawariyman?, nispan nin ejercitokunata kamachiq Jehová Dios”.
7 “Ejercitokunata kamachiq Jehová Diosmi nin: Noqan llaqtayta orqomusaq inti lloqsimuy lado jallp’amanta, inti jaykuy lado jallp’amantawan.+
8 Jerusalenpi tiyanankupaqmi pusamusaq.+ Paykunan llaqtay kanqaku, noqataq junt’aq,* chanin Diosninku kasaq,+ nispa”.
9 “Ejercitokunata kamachiq Jehová Diosmi nin: Profetakunaq willasqan simikunata+ kunan uyariqkuna, kallpachakuychis.+ Ejercitokunata kamachiq Jehová Diospa wasin ruwakunanpaq cimentacionta churakushaqtinmi, kunan uyarisqaykichis simikunata uyarikullarqantaq.
10 Manaraq chay wasi ruwayta qallarikushaqtinqa manan runamanpas ni uywamanpas pagakuqchu.+ Noqan runakunata cheqninachirqani, chaymi enemigokunarayku mana segurochu karqan riypas jamuypas.
11 ”Ichaqa manañan ñaupaqpi jinañachu ruwasaq kay llaqtamanta puchuq runakunataqa,+ ninmi ejercitokunata kamachiq Jehová Dios.
12 Thaj kay mujutan tarpukunqa, uvas sach’an rurunqa, jallp’an rurunqa,+ janaq pachan sullamunqa.* Kay llaqtamanta puchuqkunamanmi tukuy chaykunata qopusaq.+
13 Judá runakuna, Israel runakuna, sutiykichisqa nacionkuna ukhupin ñakasqa kaypaq oqarisqa karqan,+ ichaqa noqan salvasaykichis, chaymi nacionkuna ukhupi sutiykichisqa bendecisqa+ kaypaq oqarisqa kanqa. ¡Kallpachakuychis!+ ¡Ama manchakuychischu!+
14 ”Ejercitokunata kamachiq Jehová Diosmi nin: Ñaupa taytaykichiskuna phiñachiwasqanraykun qankunata ñak’arichinaypaq yuyaykurqani, manataqmi chaymantaqa pesapakurqanichu,+ ninmi ejercitokunata kamachiq Jehová Dios,
15 kunanmi ichaqa yuyaykuni Jerusalén runakunatapas Judá runakunatapas sumaqta qhawarinaypaq.+ Chhaynaqa, ¡ama manchakuychischu!+
16 ”Qankunaqa kaykunatan ruwanaykichis: Runamasiykichiswan rimaspaqa cheqaqllatan rimankichis,+ llaqta punkukunapi juzgaspapas chanintan runakunapaqqa justiciata ruwapunkichis, chhaynapi thaj kausay kananpaq.+
17 Ama mana allinta ruwanakunaykichispaqqa sonqoykichispi yuyaykuychischu,+ ama llullakuspapas juraychischu,+ tukuy chaykunataqa cheqnikunin,+ nispan nin Jehová Dios”.
18 Ejercitokunata kamachiq Jehová Diosmi niwallarqantaq:
19 “Ejercitokunata kamachiq Jehová Diosmi nin: Tawa kaq killapi,+ pisqa kaq killapi,+ qanchis kaq killapi,+ chunka kaq killapi+ ayunasqaykichisqa kusikuna fiestan kanqa, chay p’unchaykunaqa Judá runakunapaqmi q’ochukuy, kusikuy kanqa.+ Chhaynaqa munakuychis cheqaq kaqta thaj kaytapas, nispa.
20 ”Ejercitokunata kamachiq Jehová Diosmi nin: Kay llaqtamanmi askha runakuna chayamunqaku, askha llaqtamanta runakunan jamunqaku.
21 Juj llaqta runakunan juj kaq llaqtaman rispa chaypi tiyaq runakunata ninqaku: ¡Jaku! Ejercitokunata kamachiq Jehová Diosta maskhamusun, jaku allinpaq qhawariwananchispaq Jehová Diosta rogakamusun. Noqaykupas rishaykun,+ nispa.
22 Askha llaqtakunan, atiyniyoq nacionkunan ejercitokunata kamachiq Jehová Diosta maskhaspa Jerusalén llaqtaman jamunqaku,+ Jehová Dios paykunata chaskinanpaq rogakuqmi jamunqaku, nispa.
23 ”Ejercitokunata kamachiq Jehová Diosmi nin: Chay p’unchaykunapin nacionkunapi kaq llapa rimaykunamanta+ chunka runakuna juj judío runaq p’achanmanta* qaqata jap’iykukuspa ninqaku: Qankunawan Dios kashasqantan uyariyku,+ chaymi qankunawan riyta munayku,+ nispa”.
Uraypi willakuykuna
^ Chaypiqa “cheqaq” nillanmantaqmi.
^ Sullataqa “chhulla” nillankutaqmi.
^ Chaypiqa “p’achanpa cantonmanta” nillanmantaqmi.
