Zacarías 9:1-17
9 Diosmi khaynata nin:
“Jehová Diosmi Adrac jallp’a contra rimarin,Damasco contran rimarin.+
Jehová Diosqa llapa runakunatan qhawamushan,+Israelpa llapa ayllunkunatan rikumushan.
2 Qayllanpi* kaq Amaj llaqta+ contran rimarin,yachaysapa+ Tiro llaqta contra,+ Sidón llaqta+ contran rimarin.
3 Tiro llaqtaqa pakakunanpaqmi perqakunata ruwakurqan.
Jallp’ata jinaraqmi qolqeta juñurqan,callepi t’uruta jinaraqmi qoritapas juñurqan.+
4 Jehová Diosmi ichaqa llapa kaqninkunata qechupunqa,lamar-qochapin soldadonkunata chinkachinqa,+ninaq ruphasqanmi kapunqa.+
5 Chayta rikuspan Asquelón llaqtaqa sinchita manchakunqa,Gaza llaqtan sinchi llakisqa kanqa,Ecrón llaqtapas chhaynan tarikunqa, suyakuynin p’enqayman tukupusqanrayku.
Gaza llaqtaqa mana reyniyoqmi kapunqa,Asquelón llaqtapas mana runayoqmi kapunqa.+
6 Asdoj llaqtapiqa waj llaqtayoq runan tiyanqa,Filistea runaq jatunchakuynintan tukuchisaq.+
7 Siminmantan yawarwan qhellichasqa kaqkunata qechusaq,kirunkunamantan millakuna kaqkunata orqosaq,paymanta puchuqqa Diospaqmi kanqa,Judapin juj aylluq umallin jina kapunqa,+Ecrón runakunapas Jebús runakuna jinan kapunqa.+
8 Soldado jinan makilla wasiyta qhawasaq,+manan mayqen enemigotapas jamunanta ni ripunantapas dejasaqchu,manan mayqen sarunchaqpas chaynintaqa purinqañachu.+
Paykunata imachus pasasqantaqa* ñawiywanpunin rikuni.
9 Sion llaqta,* anchata kusikuy.
Jerusalén llaqta,* kusikuymanta qapariy.
¡Qhawariy! Reyniykin jamushasunki.+
Payqa chaninmi, salvaciontan apamushan,*payqa k’umuykukuqmi,+ asnopi sillaykusqan jamushan,malta orqo asnopin jamushan, china asnoq uñanpi sillaykusqan jamushan.+
10 Efrainmantan maqanakuna carretakunata ch’usaqyachisaq,Jerusalenmantan caballokunata chinkachisaq.
Flechana arcokunapas manan kanqañachu.
Reyniykin nacionkunaman thaj kaymanta rimapayanqa,+lamar-qochamanta juj lado lamar-qochakaman kamachikunqa,Éufrates mayumanta kay pachaq k’uchunkunakamaraqmi+ gobiernanqa.
11 Yawarwan rimanakuyta ruwasqanchisraykun,ch’aki t’oqomanta presoykikunata orqosaq.+
12 Suyakuyniyoq presokuna,+ allin perqasqa llaqtaman kutimuychis.
Sion, kunanmi willayki:
Iskay kutitaraqmi bendecisayki.+
13 Judatan flechanay arcota jina chutasaq,Efraintataq flechata jina churasaq.
Sion, wawaykikunatan rijch’arichisaq,Greciaq wawankuna contra sayarinankupaqmi rijch’arichisaq,maqanakuqpa espadanman jinan tukuchisayki, nispa.
14 Jehová Diosqa sut’itan rikuchinqa llaqtanwan kashasqanta,flechanqa rayo jinaraqmi usqhaylla lloqsinqa.
Tukuy munayniyoq Señor Jehová Diosmi waqrata tocanqa,+uray ladomanta muyuq wayra jinan enemigokunawan maqanakuq rinqa.
15 Ejercitokunata kamachiq Jehová Diosmi llaqtanta pakaykunqa,paykunaqa enemigoq warak’asqan rumikunatan saruspa ch’usaqyachinqaku.+
Vino ujasqapas kashankuman jinan kusisqa qaparinqaku,junt’a vinoyoq p’uku jinan kanqaku,yawarwan ch’aqchusqa altar+ esquina jinan kanqaku.
16 Chay p’unchaymi Jehová Diosqa llaqtanta salvanqa,imaynan michiqqa ovejankunata salvan jinata.+
Paykunaqa coronaq munay ruminkuna jinan jallp’aypi k’anchanku.+
17 ¡Sumaq sonqo kasqaytan,+ancha munay kasqaytan yachanqaku!
Mijuymi waynakunata kallpasapaman tukuchinqa,mosoq vinon doncella sipaskunata* t’ikarichinqa”,+ nispa.
Uraypi willakuykuna
^ Chaypiqa yaqapaschá Adrac jallp’aq qayllanmanta otaq Damascoq qayllanmanta rimashan.
^ Chaypiqa Diospa llaqtan runakunaq ñak’arisqanmantan rimashanman.
^ Chaypiqa “enemigonkunatan atipan” otaq “enemigonkunamantan salvakun” nillanmantaqmi.
^ Hebreo rimaypiqa “Jerusalenpa ususin” ninmi.
^ Hebreo rimaypiqa “Sionpa ususin” ninmi.
^ Doncella sipastaqa “qhariwan mana jayk’aq puñuq sipas” nillankutaqmi.
