Cantares 1:1-17
-
Salomonpa aswan munay takin (1)
-
Sipaspa rimasqanmanta (2-7)
-
Jerusalén llaqta warmikunaq rimasqanmanta (8)
-
Reypa rimasqanmanta (9-11)
-
“Qori alajakunatan qanpaq ruwachipusaykiku” (11)
-
-
Sipaspa rimasqanmanta (12-14)
-
“Munakusqayqa sumaq q’apaq mirrayoq bolsacha jinan” (13)
-
-
Oveja michiqpa rimasqanmanta (15)
-
“¡Ima munaymi kanki sonqo suwa warmicha!”
-
-
Sipaspa rimasqanmanta (16, 17)
-
“¡Munakusqalláy, qanpas munaymi kanki!” (16)
-
1 Kayqa lliu takikunamantapas aswan munay takin,kayqa Salomonpa takinmi.+
2 “Munakusqay wayna siminwan much’aykuwachun.
Wayllukuyniykiqa vinomantapas aswan misk’iraqmi.+
3 Jawikunayki aceiteq q’apayninqa may sumaqmi,+sutiykipas jich’arikuq sumaq q’apaq aceite jinaraqmi.+
Chaychá sipaskunaqa mayta munakusunkiku.
4 Jaku pusakapuway, kuska phawasun.
¡Reymi cuartonkunaman pusaykuwan!
Jaku kuska ripusun, kusisqa purimusun.
Munakuyniykimanta rimamusun,wayllukuyniykiqa vinomantapas aswan sumaqraqmi.
Chaychá paykunaqa* munakusunkiku.
5 Jerusalén llaqta warmikuna,yanachan kakuni, ichaqa munaychan kani,Quedarpi karpakuna jinan kani,+Salomonpa karpanpi telakuna jinan kakuni.+
6 Amaña qhawawaychischu yanacha kasqayraykuqa,intiq mana chinkachispa qhawaykuwasqanraykuqa.
Mamitaypa churinkunan noqawanqa phiñakunku,uvas chajrakunata qhawanaypaqmi churawarqanku,noqaq uvas chajraytataq saqerparipuni.
7 Sonqochalláy, willaykuway,¿maypin ovejaykikunata michinki,+maypin chaupi p’unchayta puñurachinki?
Ama michiqmasiykikuna ukhupi purishanaypaq,ama wañuqniyoq warmi jina purishanaypaq”.
8 “Qanqa llapa warmikunamantapas aswan munaychallañan kanki,manachus yachanki maypichus kashasqanta chayqa,ovejakunaq purisqanta qatipay,cabrachaykikunata qatiy oveja michiqkunaq karpan qayllaman”.
9 “Munakusqalláy, may munaypunin kanki,faraonpa* carretankunata aysaq munay china caballo jinan kanki.+
10 Uyaykiqa aretekunaq* chaupinpin k’ancharishanraq,kunkaykipas collarkunaq muyuykusqanmi munay kashan.
11 Qori alajakunatan qanpaq ruwachipusaykiku,qolqewan t’ipasqa alajakunatan ruwachipusaykiku”.
12 “Mesanpi rey tiyashanankaman,tiyananpi tiyashanankaman,nardo jawinayqa sumaqta q’aparin.+
13 Munakusqayqa sumaq q’apaq mirrayoq bolsacha jinan,+oqllaynillaypi sapa tutanpas kashaq mirrayoq bolsacha jinan.
14 Munakusqayqa alheña t’ika mayt’u jinan,+En-Guedí uvas chajra ukhupi alheña t’ika jinan”.+
15 “¡Ima munaymi kanki sonqo suwa warmicha!
¡May munaypunin kanki!
Ñawichaykikunapas urpichaq ñawinkuna jinan munaycha”.+
16 “¡Munakusqalláy, qanpas munaymi kanki!
¡Sumaq sonqo suwan kanki!+
Mast’arisqa q’omer qorakunan puñunanchisqa.
17 Cedromantan wasinchispa kurkunkunaqa,enebro sach’amantan wasinchispa k’aspinkunaqa.
Uraypi willakuykuna
^ Chaypiqa sipaskunamantan rimashan.
^ Egipto reykunatan “faraón” nispa niqku.
^ Chaypiqa yaqapaschá “simp’aykikunaq” nillanmantaq.
