Cantares 8:1-14
-
Sipaspa rimasqanmanta (1-4)
-
“¡Mamaypa ñuñunta ñuñuq turay jinallapas kawaq!” (1)
-
-
Sipaspa turankunaq rimasqanmanta (5a)
-
“¿Pin jaqay warmi, munakusqanwan makin jap’inasqa jamushan?”
-
-
Sipaspa rimasqanmanta (5b-7)
-
“Munakuyqa wañuy jina atiyniyoqmi” (6)
-
-
Sipaspa turankunaq rimasqanmanta (8, 9)
-
“Llaqta perqa jina kaqtinqa”, “punku jina kaqtinqa” (9)
-
-
Sipaspa rimasqanmanta (10-12)
-
“Llaqta perqa jinan kani” (10)
-
-
Oveja michiqpa rimasqanmanta (13)
-
Kunkanta uyarichinanpaq valekusqanmanta
-
-
Sipaspa rimasqanmanta (14)
-
Usqhaylla gacela taruka jina phawamunanpaq valekusqanmanta
-
8 ”¡Mamaypa ñuñunta ñuñuq turay jinallapas kawaq!
Runaq rikushasqanmi much’aykuykiman,+manataqmi pipas cheqniwanmanchu.
2 Mamaypa wasinmanmi pusaykiman,+yachachiqniypa wasinmanmi pusaykiman.
Sumaq q’apaq vinotan jaywaykiman,granada jugotan tomachiykiman.
3 Lloq’e makinpin umay samaykunman,paña makinwantaq oqllaykuwanman.+
4 Jerusalén llaqta warmikuna, prometewaychis:
Amapuni noqapi munakuytaqa rijch’arichiychischu,aswanpas kikillan munakuyqa rijch’arimuchun”.+
5 “¿Pitaq jaqayri ch’in uraymanta wichamushan?
¿Pin jaqay warmi, munakusqanwan makin jap’inasqa jamushan?”.
“Manzana sach’a k’uchupin rijch’arichirqayki,chaypin mamaykiqa onqokurqasunki,chaypin payqa nanaywan jap’ichikurqan.
6 Sonqoykipi sellota jina jap’iway,makiykipi sellota jina jap’iway.
Munakuyqa wañuy jina atiyniyoqmi,+munakusqa runaman k’askakuyta munayqa Sepultura* jina kallpasapan,munakuyqa nina rauray jina mana tukurikuqmi, Jehová* Diospa ninan jinan.+
7 May askha unupas manan munakuytaqa wañuchinmanchu,+may askha mayupas manan munakuytaqa apanmanchu.+
Pipas llapa qhapaq kayninwan munakuyta rantiyta munanman chayqa,may cheqnisqan chaykunaqa kanman”.*
8 “Pananchisqa juch’uyllaraqmi kashan,+ñuñunkunapas manaraqmi wiñamunchu.
¿Imatan ruwasun pananchispaq?
¿Imatan ruwasun makinta mañakuq jamuqtinku?”.
9 “Llaqta perqa jina kaqtinqa,chay patapi qolqe torrekunata sayarichisun.
Punku jina kaqtinqa,cedro tablawan tusaspa t’ipasun”.
10 “Noqaqa llaqta perqa jinan kani,ñuñuykunapas torrekuna jinan.
Payqa sumaqtan rikuwan,thaj kausaqta jinan rikuwan.
11 Baal-Amonpin Salomonpa uvas chajran karqan,+chaytan chajra llank’aqkunaq makinman saqemurqan.
Sapankan waranqa qolqeta qoqku chay chajraq rurunmanta.
12 Chay waranqa qolqeqa qanpan Salomón,iskay pachajtaq chajra llank’aqkunaq.
Noqaqqa kanñan uvas chajrayqa, chayqa noqallapaqmi”.
13 “Huertakunapi tiyaq urpicháy,+jujkunan kunkaykita uyarishanku,noqamanwan uyarichiway ama jinachu kay”.+
14 “Munakusqay wayna, usqhaylla jamuy,gacela taruka jina p’itamuy,+malta taruka jina phawamuy,sumaq q’apaq orqo-orqonta phawamuy”.
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa yaqapaschá “may cheqnisqan chay runaqa kanman” nillanmantaq.
