Ezequiel 19:1-14
-
Israelpi umallikunapaq llaki takimanta (1-14)
19 “Israelpi umallikunamanta juj llaki takita takiy.
2 Khaynatan ninki:
Mamaykiqa leonkuna ukhupi china león jinan karqan.
Kallpasapa leonkuna ukhupin chutarayaq, uñankunatan uywaq.
3 Jujnin uñantan allinta uywarqan,chay uywasqan leonqa allin kallpasapan kapurqan.+
Payqa ima jinaraqmi mijunanpaq jap’isqanta llik’iq,runakunata imaraqmi mijuq.
4 Nacionkunan paymanta rimaqta uyarirqanku,jinan juj t’oqota ruwaspa chaypi jap’irqanku.
Ganchokunawan jap’ispan Egiptoman aparqanku.+
5 Mamanqa kutimunantan suyasharqan,ichaqa manan chay leonqa kutimurqanchu.
Mana kutimuqtinmi payqa juj kaq uñantañataq jap’irqan,paytañataqmi kallpasapa allin leonman tukuchirqan.
6 Chay leonpas leonkuna ukhupin puriykachaq,allin kallpasapa leonmi kapurqan.
Jap’isqantapas ima jinaraqmi llik’iq,runakunata imaraqmi mijuq.+
7 Allin perqasqa, allin torrekunayoq llaqtakunatan qhawapayaq,chay llaqtakunatan ch’usaqyachiq.
Chay leonpa qaparisqallanñan chay jallp’apiqa uyarikuq.+
8 Muyuriqninpi nacionkunan jamurqanku,llikatan pay pataman wijch’uykurqanku,t’oqopin paytaqa jap’irqanku.
9 Ganchokunawan jap’ispan juj jaulaman winarqanku,jinaspan Babilonia reyman aparqanku.
Chaypin payta wisq’arqanku,Israel orqokunapi amaña qaparinanpaqmi wisq’arqanku.
10 Mamaykiqa unuq purisqanpi plantasqa uvas sach’a jinan* karqan,+askha unu kasqanwanmi askhata ruruq, k’allmasapallañan karqan.
11 Paymantan allin k’allmakuna lloqsimurqan,kamachikuqkunaq varanta ruwanapaq jinan karqan.
Allintan wiñarqan, juj sach’akunamantapas aswan jatunmi karqan.
Jatun kasqanpas k’allmasapa kasqanpas karumanraqmi rikukuq.
12 Ichaqa sinchi phiñakuywanmi t’irasqa karqan,+ jinaspa wijch’usqa karqan.
Inti lloqsimuymanta jamuq wayran rurunta lliuta ch’akichipurqan.
Allin k’allmankunapas p’akisqan karqan, lliumi ch’akipurqan,+chaytataq llapanta nina ruphapurqan.+
13 Kunanqa ch’in ladopin plantasqa kashan,mana unuyoq ch’aki jallp’apin plantasqa kashan.+
14 Ninan k’allmankunata, ch’ijchimusqankunata, rurunkunatawan ruphapurqan,manan juj k’allmanpas qheparqanchu, manan kamachikuqpa varallanpaqpas qheparqanchu.+
”Kayqa llaki takin. Llakikuypi takinapaqmi kanqa, nispa”.
Uraypi willakuykuna
^ Hebreo rimaypiqa “yawarniykipi kaq uvas sach’a jinan” ninmi.
