Ezequiel 48:1-35
48 Diosmi nin: “Kaykunan kashan sapanka aylluq jallp’ankuna, sapankan kashan sutinmantakama. Dan aylluq+ jallp’anqa Etlón ñannintan rinqa, chaytaq chayanqa Lebó-Amajkama,*+ chayninta pasaspataq Azar-Enán ladoman rinqa, jinaspa Damasco llaqtaq wichay lado linderonta* Amajpa+ ladonta ima pasanqa. Inti lloqsimuy lado linderomanta inti jaykuy lado linderokaman kanqa.
2 Aser aylluq+ jallp’anqa Danpa uranpin kanqa, paypa jallp’anqa inti lloqsimuy lado linderomanta inti jaykuy lado linderokaman kanqa.
3 Neftalí aylluq+ jallp’anqa Aser aylluq uranpin kanqa, paypa jallp’anqa inti lloqsimuy lado linderomanta inti jaykuy lado linderokaman kanqa.
4 Manasés aylluq+ jallp’anqa Neftalí aylluq uranpin kanqa, paypa jallp’anqa inti lloqsimuy lado linderomanta inti jaykuy lado linderokaman kanqa.
5 Efraín aylluq jallp’anqa Manasés aylluq uranpin kanqa,+ paypa jallp’anqa inti lloqsimuy lado linderomanta inti jaykuy lado linderokaman kanqa.
6 Rubén aylluq jallp’anqa Efraín aylluq uranpin kanqa,+ paypa jallp’anqa inti lloqsimuy lado linderomanta inti jaykuy lado linderokaman kanqa.
7 Judá aylluq jallp’anqa Rubén aylluq uranpin kanqa,+ paypa jallp’anqa inti lloqsimuy lado linderomanta inti jaykuy lado linderokaman kanqa.
8 Judá aylluq uranpin inti lloqsimuy lado linderomanta inti jaykuy lado linderokama t’aqasqa jallp’a kanqa; chay jallp’aq anchonmi iskay chunka pisqayoq waranqa codo* kanqa,+ largontaq juj ayllukunaq largon jina kanqa; inti lloqsimuy lado linderomanta inti jaykuy lado linderokaman kanqa. Templotaq chay jallp’a chaupipi kanqa.
9 ”Chaypin Jehová Diospaq jallp’ata t’aqankichis, chaypa largonmi kanqa iskay chunka pisqayoq waranqa codo, anchontaq chunka waranqa codo.
10 Chayqa ch’uya jallp’an kanqa, sacerdotekunapaqmi kanqa.+ Wichay ladomanmi kanqa iskay chunka pisqayoq waranqa codo, inti jaykuy ladoman, inti lloqsimuy ladomanwantaq kanqa chunka waranqa codo, uray ladomantaq kanqa iskay chunka pisqayoq waranqa codo. Jehová Diospa wasintaq chay chaupipi kanqa.
11 Chaykunan kanqa Sadocpa churin ch’uyanchasqa sacerdotekunapaq.+ Paykunaqa Israel runakunaña pantarqanku chaypas, Leví runakunaña t’aqakuwarqanku chaypas ruwashallarqankun noqapaq imachus ruwanankuta.+
12 Paykunaqa t’aqasqa ch’uyay-ch’uya jallp’amantan herenciata chaskinqaku. Paykunaq jallp’ankuqa Leví runakunaq jallp’anwanmi lindero kanqa.
13 ”Sacerdotekunaq jallp’anpa ladollanpin kanqa Leví runakunaq jallp’an, paykunaq jallp’anpa largonmi kanqa iskay chunka pisqayoq waranqa codo, anchontaq chunka waranqa codo. (Largonmanqa kanqa iskay chunka pisqayoq waranqa codon, anchonmantaq chunka waranqa codo).
14 Chay jallp’ataqa manan vendenqakuchu ni cambianqakuchu ni pimanpas qonqakuchu. Chay jallp’aqa llapa jallp’amantapas aswan allin jallp’an, Jehová Diosman qosqa ch’uya jallp’an.
15 ”Puchuq jallp’aqa llaqtapaqmi kanqa,+ anchonmi kanqa pisqa waranqa codo, largontaq kanqa iskay chunka pisqayoq waranqa codo. Chayqa wasikunapaq pasto pampakunapaq iman kanqa. Llaqtaqa chay chaupipin kanqa.+
16 Chay llaqtaq sapanka ladonqa khaynan kanqa: Wichay ladomanmi kanqa tawa waranqa pisqa pachaj codo, uray ladomanpas tawa waranqa pisqa pachaj codon kanqa, inti lloqsimuy ladomanpas tawa waranqa pisqa pachaj codon kanqa, inti jaykuy ladomanpas tawa waranqa pisqa pachaj codon kallanqataq.
17 Llaqtapi uywa michina pampakunaqa tawantin ladomanmi kanqa iskay pachaj pisqa chunka codo.
18 ”Chay puchuq jallp’aqa inti lloqsimuy ladomanmi kanqa chunka waranqa codo, inti jaykuy ladomanpas chunka waranqa codon kallanqataq. Chay jallp’aq largonqa ch’uya jallp’aq largon jinan kanqa,+ chaypi wiñaq mijuykunaqa llaqtapi llank’aqkunapaqmi kanqa.
19 Chay jallp’ataqa llaqtapi llank’aqkunan llank’anqaku; chay llank’aqkunaqa Israelpi ayllukunamantan kanqaku.+
20 ”Noqaman qosqa llapan jallp’aqa tawantin ladomanmi kanqa iskay chunka pisqayoq waranqa codo. Chaytaqa llaqtapaq jallp’atawan kuskatan noqapaq t’aqankichis, chayqa noqaman qosqa ch’uya jallp’an kanqa.
21 ”Noqaman qosqa ch’uya jallp’amanta puchuqqa llaqtapi umalli runaqmi kanqa,+ iskaynin ladon paypa kanqa. Chay linderopin kashanqa inti lloqsimuy ladoman, inti jaykuy ladoman iskay chunka pisqayoq waranqa codo t’aqasqa jallp’apas. Chayqa iskaynin ladonpin kanqa, umalliq jallp’anmi kanqa. Noqapaq qosqa ch’uya jallp’apas, templopaq jallp’apas paypa jallp’an chaupipin kanqa.
22 ”Leví runakunaq jallp’anpas llaqtapaq jallp’apas umalli runaq jallp’an chaupipin kanqa. Umalli runaq jallp’anqa Judá aylluq uranpin kashanqa,+ Benjamín aylluq wichayninpi.
23 ”Wakin ayllukunaq jallp’anqa khaynan kanqa: Benjamín aylluq jallp’anqa inti lloqsimuy lado linderomanta inti jaykuy lado linderokaman kanqa.+
24 Simeón aylluq jallp’anqa Benjamín aylluq uranpin kanqa,+ paypa jallp’anqa inti lloqsimuy lado linderomanta inti jaykuy lado linderokaman kanqa.
25 Isacar aylluq+ jallp’anqa Simeón aylluq uranpin kanqa, paypa jallp’anqa inti lloqsimuy lado linderomanta inti jaykuy lado linderokaman kanqa.
26 Zabulón aylluq jallp’anqa Isacar aylluq uranpin kanqa,+ paypa jallp’anqa inti lloqsimuy lado linderomanta inti jaykuy lado linderokaman kanqa.+
27 Gad aylluq jallp’anqa Zabulón aylluq uranpin kanqa,+ paypa jallp’anqa inti lloqsimuy lado linderomanta inti jaykuy lado linderokaman kanqa.
28 Gad aylluq uray lado linderonqa Tamar llaqtamanta+ Meribaj-Cadespi unukunakaman+ rinqa, chaytaq jaykunqa Egipto mayukama,+ chayninta rispataq Jatun lamar-qochakama* chayanqa.
29 ”Chay jallp’atan qankunaqa Israel ayllukunaman herenciata jina t’aqankichis.+ Chaymi kanqa sapanka aylluq jallp’an”,+ nispa. Tukuy munayniyoq Señor Jehová Diosmi chayta nin.
30 Diosmi nillantaq: “Kaykunan kanqa llaqtaq lloqsinankuna. Wichay ladomanmi kanqa tawa waranqa pisqa pachaj codo.+
31 ”Chay llaqtaq punkunkunaqa Israelpi ayllukunaq sutintan apanqa. Wichay ladomanqa kinsa punkukunan kanqa, jujnin punkun kanqa Rubenpaq, jujnintaq Judapaq, juj kaqtaq Levipaq.
32 ”Inti lloqsimuy ladoman lloqsinapas tawa waranqa pisqa pachaj codon kanqa, chaypipas kinsan punkukunaqa kanqa. Jujninmi kanqa Josepaq, jujnintaq Benjaminpaq, juj kaqtaq Danpaq.
33 ”Uray ladoman lloqsinapas tawa waranqa pisqa pachaj codon kanqa, chaypipas kinsan punkukunaqa kanqa. Jujninmi kanqa Simeonpaq, jujnintaq Isacarpaq, juj kaqtaq Zabulonpaq.
34 ”Inti jaykuy ladoman lloqsinapas tawa waranqa pisqa pachaj codon kallanqataq, chaypipas kinsan punkukunaqa kanqa. Jujninmi kanqa Gadpaq, jujnintaq Aserpaq, juj kaqtaq Neftalipaq.
35 ”Llaqta muyuriqqa chunka pusaqniyoq waranqa codon kanqa. Chay p’unchaymantapachan chay llaqtaq sutinqa kanqa: Jehová Diosmi chaypi kashan,+ nisqa”, nispa.
Uraypi willakuykuna
^ Linderotaqa “colinda, qorpa” nillankutaqmi.
^ Chaypiqa “Amajman jaykunakama” nillanmantaqmi.
^ Chaypiqa jatun kaq codo nisqamantan rimashan. Qhaway “Astawan yachanapaq B14” nisqata.
^ Chay lamar-qochataqa “mar Mediterráneo” nikullantaqmi.
