Habacuc 2:1-20
2 Qhawaqkunaq kananpin makilla sayashasaq,+llaqta perqa patapin sayaykusaq.
Makillan kashasaq imatachus Dios willanayta munan chayta uyarinaypaq,makillan kashasaq anyawasqanman kutichinaypaq.
2 Jinan Jehová Diosqa nimuwarqan:
“Imachus rikusqaykita sut’i reparakuqta p’alta rumipi* qelqay,+chhaynapi alto kunkawan leeqqa facil-llata leenanpaq.+
3 Rijuriypi rikusqaykiqa señalasqa tiempopaqraqmi,ichaqa chayamushanñan, chayqa junt’akunqapunin.*
Qhepamuq jinaña kanman chaypas, ¡makilla kashay!*+
Imachus rikusqaykiqa junt’akunqapunin,¡tiempollanpin chayamunqa!
4 Qhawariy jatunchakuq runata.
Paypa sonqonpiqa mana allinkunallan kashan.
Chanin runan ichaqa junt’aq kasqanrayku* kausanqa.+
5 Nishu vinoqa mana yuyayniyoqmanmi runata tukuchipun,chayraykun jatunchakuq runaqa mana imachus munasqanman aypayta atinqachu.
Payqa Sepultura* jinan yarqachikushallan,wañuy jinan mana jayk’aqpas sajsanchu.
Llapa nacionkunatan kaqlla juñushan,llapa llaqtakunatan kaqlla jap’ikapushan.+
6 ¿Manachu pay contra rimaykunata rijurichinqaku, manachu paymanta adivinanzakunata ruwanqaku?+
Khaynatan ninqaku:
¡Ay imaraqmi kanqa mana kaqninta juñuq runamanta!
¡Imaraqmi kanqa manukuspalla puriq runamanta!
¿Jayk’aqkaman chhayna kanqa?
7 ¿Manachu qonqaylla jamunqaku manuqniyki runakuna?
Jatarimuspan paykunaqa ima munasqankuta ruwasunkiku,chhafchikachasunkikuraqmi, mana imayoqtan saqesunkiku.+
8 Askha nacionkunaq kaqnintan qechurqanki,chaymi qantapas juj llaqtakuna qechusunki.+
Runaq yawarnintan jich’arirqanki,kay jallp’atan ñak’arichirqanki,llaqtakunata chaypi tiyaq runakunatan muchuchirqanki.+
9 ¡Ay imaraqmi kanqa mana chaninta ruwaspa tarisqanta wasinman apamuqmanta!
¡Imaraqmi kanqa ñak’ariymanta ayqekunapaq alto patakunapi q’esanta ruwakuqmanta!
10 Imachus ruway munasqaykiwanmi wasiykita p’enqayman churarqanki,askha llaqtakunata ch’usaqyachispan qan contrallataq juchallikurqanki.+
11 Perqamantan rumi qaparimunqa,techopi kaq k’aspitaq kutichinqa.
12 ¡Ay imaraqmi kanqa yawarta jich’aspa llaqtata jatarichiqmanta!
¡Imaraqmi kanqa mana chaninta ruwaspa llaqtata sayarichiqmanta!
13 ¡Qhawariy! ¿Manachu llaqtakunaq llank’asqantaqa nina ruphaykapunqa?
¿Manachu nacionkunaq sayk’uywan llank’asqankuqa yanqapaq?+
¿Manachu chaykunaqa ejercitokunata kamachiq Jehová Diospa* munayninpi?
14 Imaynan lamar-qochaqa unuwan junt’a kashan,chhaynan kay jallp’aqa Jehová Diospa jatun kayninmanta yachaywan junt’a kanqa.+
15 ¡Ay imaraqmi kanqa phiñakuywan coleraywan tupachisqa ujanata amigonman jaywaqmanta!
¡Imaraqmi kanqa amigonpa q’ala kayninta rikunanrayku machachiqmanta!
16 P’enqaypi tarikuywanmi sayk’unki, manan jatunchasqa kaywanchu,qanpas ujay, qhari kayniyki qaracha mana kuchusqa kasqaykita rikuchikuy.
Jehová Diospa paña makinpi jap’isqan copan chayamusunki,+jatunchasqa kayniykitaqa p’enqaymi p’ampapunqa.
17 Líbano orqota ñak’arichisqaykin qanta llanthuykusunki,animalkunata ch’usaqyachiywan sinchita manchachisqaykin qanman chayamusunki.
Runaq yawarnintan jich’arirqanki,kay jallp’atan ñak’arichirqanki,llaqtakunata chaypi tiyaq runakunatan muchuchirqanki.+
18 ¿Imapaqmi thupasqa idolokuna servin?
Ruwaqninqa paypi confiaspan ruwarqan,yanapananta piensaspa adoraqqa engañasqan karqan.
Metalmanta ruwasqa idoloqa manan rimanchu,manan imapaqpas valenchu.+
19 Ay imaraqmi kanqa k’aspita, ¡rijch’ariy!, niq runamanta,imaraqmi kanqa rumita, ¡rijch’ariy, yachachiwayku!, niq runamanta.
Chay idolokunaqa qoriwan qolqewan llusisqan kashan,+ichaqa manan samankuchu.+
20 Jehová Diosmi ichaqa ch’uya wasinpi kashan.+
¡Kay pacha llapa runakuna paypa ñaupanpi ch’inlla kachunku!,+ nispa”.
Uraypi willakuykuna
^ Chaypiqa “tablapi” nillanmantaqmi.
^ Hebreo rimaypiqa “manan llullakunqachu” ninmi.
^ Chaypiqa “¡makilla suyashay!” nillanmantaqmi.
^ Chaypiqa yaqapaschá “iñisqanrayku” nillanmantaq.
^ Qhaway Explicasqa simikuna nisqapi “Ejercitokunata kamachiq Jehová Dios” nisqata.
