Job 10:1-22
10 ”Maytañan ñakapakuni kausasqaymanta.+
Ima munasqayta quejakusaq.
¡Amaña sonqoy nanananpaqmi ima munasqayta rimasaq!
2 Diostan nisaq: ¿Imaraykun noqa contra kashanki?
Amaña juchachawaychu.
3 Noqaqa makiykiq ruwasqanmi kani,+¿imatan gananki khaynata ñak’arichiwaspa?
¿Imaraykun millay runakunaq ruwasqanta allinpaq qhawarinki?
4 Qanpa ñawiykiqa manan runaq ñawin jinachu;icha, ¿runakuna jinachu imatapas qhawanki?
5 ¿Kausasqayki p’unchaykunari runakunaq kausasqan jinachu?
¿Kausasqayki watakunapas runakunaq kausasqan jinachu?+
6 ¿Chaychu imapi pantasqaytapas qhawashallanki?
¿Chaychu juchaykunatapas maskhashallanki?+
7 Qanqa yachankin mana juchayoq kasqayta,+makiykimanta mana pipas libray atiwasqanta.+
8 Diosníy, qanmi makiykiwan ruwawarqanki,+¿kunantaqchu chinkachipuyta munashawanki?
9 Qanmi t’urumanta ruwawarqanki,+¿kunantaqchu ñut’u jallp’aman tukuchipuyta munashawanki?+
10 ¿Manachu qan lecheta jina jich’awarqanki?
¿Manachu qan quesota jina ruwawarqanki?
11 Qanmi tulluykunatapas jank’uykunatapas awarqanki,+qanmi aychawanpas p’achachiwarqanki.
12 Qanmi kausayta qowarqanki,qanmi mana tukukuq munakuyniykita* rikuchiwarqanki;qanmi sumaqta cuidawarqanki.*+
13 Ichaqa pakallapin yuyaykusqanki kaykunata ruwawanaykipaq;kaykunaqa qanmantapunin jamushanman.
14 Imapiña juchallikuyman chaypas, manan qanmantaqa pakayta atiymanchu;+manataqmi chay juchaymantaqa perdonawankimanchu.
15 Juchayoq kani chayqa, ¡imaraqchá noqamantaqa kanqa!
Mana juchayoqña kayman chaypas, manan umaytaqa oqariymanchu,+noqaqa sinchi pisichasqan kashani, sinchitan ñak’arishani.+
16 Umayta oqariyman chayqa,león jinachá phawaykamuwankiman,+jinaspa llapa kallpaykita kachaykamuwankiman.
17 Noqa contran testigokunata apamunki,noqa contran astawanraq phiñakunki;sasachakuykunapas qati-qatin chayamushawan.
18 ¿Imaraykun mamaypa wijsanmanta orqowarqanki?+
Manaraq pipas rikushawaqtin wañukapuyman karqan.
19 Chhaynapi manapas naceymanchu jina kanman karqan,mamaypa wijsanmanta panteón recto ripuyman karqan, nispa.
20 ¿Manachu pisi p’unchaykunallaña kausasaq?+
Amaña Diosqa qhawamuwachunchu,amaña ñawillanpi purichiwachunchu,chhaynapi juj ratullapas thaj kanaypaq.*+
21 Ñan noqaqa mana jayk’aq kutimuq+ ripusaqña,sinchi laqhayaq* wañuy pachamanmi jaykupusaqña.+
22 Laqhayaq limphu ukhumanmi ripusaqña,sinchi laqha ukhumanmi jaykupusaqña,chaypiqa manan ima k’anchaypas kanchu”, nispa.
Uraypi willakuykuna
^ Qhaway Explicasqa simikuna nisqapi “Mana tukukuq munakuy” nisqata.
^ Chaypiqa “qanmi vidayta cuidarqanki” otaq “qanmi samayniyta cuidarqanki” nillanmantaqmi.
^ Chaypiqa “juj ratullapas kusirikunaypaq” nillanmantaqmi.
^ Laqhayaqtaqa “tutayaq” nillankutaqmi.
