Job 12:1-25
12 Jinan Jobqa khaynata nirqan:
2 “¡Qankunaqa allin yachaysapamá kasqankichis!
¡Wañuqtiykichispas qankunawanchá yachayqa ripunqa!
3 Noqapas entiendenin imallatapas.
Qankuna jinan noqapas kani.
¿Pin kaykunata mana yachanmanchu?
4 Noqaqa wajakusqayta Dios uyarimuwanallantan munani,+amigoykunataq ichaqa chayrayku asipayawanku.+
Mana juchachana chanin runapas asipayanapaqmá kasqa.
5 Mana imamanta llakikuq runaqa asipayanmi sasachakuykunata,payqa piensan llakipi tarikuqkunalla* ñak’arinankutan.
6 Suwakunapas thajmi karpankupi tiyanku,+Dios contra sayariqkunapas mana imamanta llakikuspan tiyanku,+idolonkuta jap’iykuspan thaj tiyanku.
7 Animalkunata tapurikuy, paykunan yachachisunki;altonta phalaqkunata tapukuy, paykunan willasunki.
8 Kay jallp’ata allinta qhawariy, paypas yachachisunkin;lamar-qochapi challwakunata tapukuy, paykunapas willasunkin.
9 ¿Manachu paykunaqa yachanku pichus kaykuna ruwasqanta?
¿Manachu paykunaqa yachanku Jehová Diospa makin kaykuna ruwasqanta?
10 Paypa makinpin llapa kausaqkunaq vidanqa* kashan,paypa makinpin runakunaq samayninpas* kashan.+
11 Qalluqa allintan reparan mijuna sumaqchus manachus chayta,+chhaynatan ninripas allinta reparan runaq rimasqan sumaqchus manachus chayta.
12 ¿Manachu kuraq runakunaqa yachayniyoq kanku?+
¿Manachu unayña kausaq runakunaqa allin yuyayniyoq kanku?
13 Diosqa yachayniyoqpunin atiyniyoqpunin;+Diosqa allintan entienden, allintan yuyaychan.+
14 Diospa thunisqantaqa manan pipas jatarichiyta atinmanchu,+paypa wisq’asqantaqa manan pipas kichariyta atinmanchu.
15 Unuta pay wisq’aqtinqa lliumi ch’akipun,+kacharimuqtintaq kay pachaman unu junt’aykun.+
16 Diosqa kallpayoqpunin, payqa yachayniyoqpunin;+paypa makinpin kashan juchallikuqkunapas jujkunata pantachiqkunapas.
17 Paymi yuyaychaqkunata q’ala chakillata purichin,*paymi juezkunata mana yuyayniyoqman tukuchin.+
18 Paymi reykunaq watasqan runakunata kacharichin,+paymi reykunata esclavoman tukuchin.
19 Paymi sacerdotekunatapas q’ala chakillata purichin,+paymi allin tajyasqa kamachikuqkunatapas wijch’un.+
20 Paymi yuyaychaq runakunaq simintapas wisq’an,paymi kuraq runakunatapas mana yuyayniyoqman tukuchin.
21 Paymi autoridadniyoq runakunatapas pisichan,+paymi atiyniyoqkunatapas mana kallpayoqman tukuchin.
22 Paymi laqhayaq* ukhupi kaqkunatapas sut’inchan,+paymi sinchi laqhayaq ukhutapas k’anchayman tukuchin.
23 Paymi nacionkunatapas jatunman tukuchin, jinaspa thunin;paymi llaqtakunatapas jatunyachin, jinaspa jujpa makinman entregan.
24 Paymi llaqta umallikunata mana yuyayniyoqman tukuchin,ch’in pampakunapin, ch’usaq pampakunapin comunta purichin,+
25 machasqata jinan paykunata purichin.+
Tutapi jinan paykunaqa purinku,k’anchaypa mana kasqan laqhayaqpi jinan purinku.+
Uraypi willakuykuna
^ Hebreo rimaypiqa “llusk’a chakiyoqkunalla” ninmi.
^ Chaypiqa “q’alallata purichin” nillanmantaqmi.
^ Laqhayaqtaqa “tutayaq” nillankutaqmi.
