Job 17:1-16
17 ”Sinchi llakiq ñit’isqanmi kashani,p’unchayniykunapas tukukapushanñan,panteonllañan noqataqa suyamushawan.+
2 Asipayakuq runakunan muyuykuwanku,+ñawiyqa jatunchakuyllatan rikushan.
3 Diosníy, juramentota ruway yanapawanaykipaq.
Qan mana yanapawaqtiyki, ¿pin yanapawanqa?+
4 Diosníy, qanmi kay runakunamanta yachayta pakarqanki,+chaymi paykunaqa mana jatunchasqachu kanku.
5 Paykunan amigonkuta ninku mijuchisaykin nispa,paykunaq wawankutaq yarqaymanta wañushankuña.
6 Diosmi asipayawanankupaq runakunaq chaupinman churaykuwan,+paykunataq uyaypi thoqaykushawanku.+
7 Llakikuypi tarikusqaywanmi ñawiykunapas tutayapushanña,+makiykunapas chakiykunapas tullullañan kashan.
8 Chhaynata rikuwaspan allin runakunaqa musphasparaq qhawashawanku,mana juchayoq runapas Dios contra jatariq runata* rikuspan admirasqa kashan.
9 Chanin runaqa allinkunata ruwaspallan kausan,+mana juchachanata kausaq runapas aswan atiyniyoqmi kapun.+
10 Llapaykichis jamuychis, rimashallaychis ima munasqaykichistapas;qankuna ukhupiqa manan pitapas tarinichu allin yuyayniyoqtaqa.+
11 Kausasqay p’unchaykunaqa tukupushanñan,+ima yuyaykusqaypas, sonqoypa ima munasqanpas tukupushanñan.+
12 Paykunaqa tutatan p’unchayman tukuchinku.
Tutapi kashaspapas p’unchayamushanñan nispan ninku.
13 Suyakushallasaq chayqa, Sepulturan* wasiy kapunqa;+laqhayaq* ukhupin puñunayta mast’akusaq.+
14 Aya p’ampanatan+ nisaq: ¡Qanmi papay kanki!, nispa.
Kurukunatataq nisaq: ¡Qankunan mamaypas panaykunapas kankichis!, nispa.
15 Manan noqapaqqa ima suyakuypas kanñachu.+
¿Pin niwanman: Suyakushallay imallapas kanqaraqmi, nispa?
16 Suyakuyniyqa Sepulturamanmi* jaykunqa;iskayniykun jallp’aq sonqonman jaykupusaqku”,+ nispa.
Uraypi willakuykuna
^ Chaypiqa “Diosmanta t’aqakuspa pay contra jatariq runata” nillanmantaqmi.
^ Laqhayaqtaqa “tutayaq” nillankutaqmi.
