Job 19:1-29
19 Jobtaq khaynata nirqan:
2 “¿Jayk’aqkaman ñak’arichiwankichis?*+
¿Jayk’aqkaman chhaynata rimaspa sonqoyta k’irinkichis?+
3 Chunka kutitañan khayna millayta k’amishawankichis,¿manachu p’enqarikunkichis chhaynata k’amiwaspaykichis?+
4 Cheqaqtapuni imapipas pantarqani chayqa,cheqaqtapuni juchallikurqani chayqa, noqamantañan chayqa kanqa.
5 Jatunchakuspa k’amishallawankichis chayqa,juchanraykun ñak’arishan nishallankichis chayqa,
6 yachaychis: Noqataqa Diosmi engañawan,paymi trampa churasqanpi jap’iruwan.
7 ¡Ñak’arichishawankun!, nispan qaparishani,manataq pipas uyariwanchu,+qaparisparaqmi justiciata mañakushani,manataq pipas justicia ruwapuwaqniy kanchu.+
8 Diosmi purinay ñantapas rumiwan wisq’arapun,paymi purinay ñantapas laqhayaqman* tukuchipun.+
9 Paymi jatunchasqa kashaqtiy pisichawan,paymi umaypi kaq coronata qechupuwan.
10 Paymi llapa ladomanta p’anashawan,paymi suyakuyniytapas sach’ata jina t’irapun.
11 Payqa sinchi phiñasqan noqapaq kashan,enemigonta jinan noqata qhawaripuwan.+
12 Soldadonkunapas jamuspan muyuykuwanku,lliu muyuriqniypin karpakunku.
13 Kikin wayqeykunatan noqamanta t’aqapuwan,reqsisqay runakunapas noqamantan t’aqakapunku.+
14 Munasqay amigoykunapas* saqerparipuwankun,allin reqsisqay runakunapas qonqapuwankun.+
15 Alojasqay runakunapas+ purikuq runata jinan rikupuwanku,warmi kamachiykunapas forastero runata jinan qhawaripuwanku,paykunapaqqa waj llaqtayoq runa jinan kapuni.
16 Kamachiyta wajakuqtiypas manan kasuwanchu,maytaña valekuqtiypas manan uyariwanchu.
17 Esposaypaqqa simiypas millaytan asnan,+kikin wayqeykunapaqpas millaytan asnani.
18 Juch’uy erqekunapas pisichawankun,jatariqtiy jinan asipayawanku.
19 Amigoykunapas manan rikuytapas atiwankuchu,+munakusqay runakunapas noqa contran jataripunku.+
20 Cuerpoyqa tulluy-tullullaña kashan;+yanqallañan wañuymantapas ayqeshani.
21 Amigollaykuna, ama jinachu kaychis, khuyapayaykuwaychis;kikin Diosmi llamiykuwan,+ chaymi khayna kashani.
22 ¿Imaraykun Dios jina qatikachawankichis?+
¿Imaraykun noqa contra sayarishankichis?+
23 ¡Allinchá kanman rimasqaykunata qelqakunman chayqa!
¡Allinchá kanman rimasqayta juj libropi churakunman chayqa!
24 ¡Allinchá kanman fierro cincelwan plomowan*
wiñaypaq qaqapi qelqankuman chayqa!
25 Salvaqniyqa+ kausashanmi,payqa jamunqan, jallp’a pachapin sayaykunqa.
26 Khayna millayña cuerpoy kashan chaypas,aychayqa kashanraqtaq chayqa rikusaqpunin Diostaqa.
27 Noqa kikiypunin paytaqa rikusaq,ñawiypunin rikunqa, manan juj runaqchu.+
¡Sonqoy ukhupiqa sinchi llakisqan kashani!
28 Qankunan nishankichis: ¿Imaynatan payta qatikachashanchis?,+ nispa.
Noqapas kaykunapaq juchayoq kayman jinataraqmi rimashankichis.
29 Qankunan espadataqa manchakunaykichis,+espadaqa juchallikuq runatan castigan.
Qankunaqa yachanaykichismi: Kanmi castigaq juezqa”,+ nispa.
Uraypi willakuykuna
^ Hebreo rimaypiqa “almayta ñak’arichinkichis” ninmi. Qhaway Explicasqa simikuna nisqapi “Alma” nisqata.
^ Laqhayaqtaqa “tutayaq” nillankutaqmi.
^ Chaypiqa “Familiaykunapas” nillanmantaqmi.
^ Plomotaqa “titi” nillankutaqmi.