Job 22:1-30
22 Jinan Temán llaqtamanta Elifazqa+ nirqan:
2 “¿Juj runa Diospaq servinmanchu?
¿Yachayniyoqña kanman chaypas, imallatapas yachachinmanchu?+
3 ¿Kusichinmanchu tukuy atiyniyoqta chanin kasqayki?
¿Ima allintaq kanman Diospaqri mana juchachana kasqaykiri?+
4 ¿Respetasqaykiraykuchu Dios castigasunkiman?
¿Respetasqaykiraykuchu juicioman apasunkiman?
5 ¿Manachu castigashasunkiman sinchi mana allinkuna ruwasqaykirayku?
¿Manachu ñak’arishawaq mana tukurikuq juchayoq kasqaykirayku?+
6 Qanqa yanqa qasin wayqeykimanta prendata mañakunki,mana p’achayoq wajchakunatan ch’utinki.+
7 Manan sayk’usqa runaman unullatapas qorqankichu,manan yarqasqa runaman t’antallatapas jaywarirqankichu.+
8 Qan jina atiyniyoq runakunallan jallp’ataqa jatunta jap’ikapunku,+qan jina ajllasqa runakunallan chaypiqa tiyanku.
9 Viudakunatapas mana imayoqtan qatipurqanki,mana taytayoqkunatapas ñak’arichirqankin.
10 Chayraykun imaymana trampakunapi tarikushanki,+chayraykun qonqaylla imapas mancharichishasunki.
11 Chayraykun laqhayaqqa* mana rikuchisunkichu,chayraykun unupas millp’upushasunki.
12 ¿Manachu Diosqa cielomantapas aswan altopiraq kashan?
Qhawariy allinta, ch’askakunapas altopiraqmi kashan.
13 Qanmi nishanki: ¿Diosri imatataq yachan?
¿Pay atinmanchu yana phuyu ukhumanta juzgayta?
14 Payqa janaq pachapin kayman jaqayman purishan,yana phuyutaqmi pakashan, manan rikumunmanchu, nispa.
15 ¿Ñaupa runakunaq ñannintachu purinki?
¿Millay runakunaq purisqan ñantachu purinki?
16 Paykunaqa manaraq tiemponpin t’irasqa karqanku,mayuq apasqan wasi jinan apasqa karqanku.+
17 Paykunan Diosta niqku: ¡Ama rimapayawaykuchu!, nispa.
Ninakuqkutaq: ¿Imanawasunmantaq tukuy atiyniyoqri?, nispa.
18 Chaywanpas Diosmi tukuy allinkunawan wasinkuta junt’achiqqa.
(Noqaqa manapunin millay runakuna jinaqa yuyaykunichu).
19 Chanin runan urmasqankuta rikuspa kusikunqa,mana juchayoq runataq asipayaspa paykunata ninqa:
20 Enemigonchiskunan chinkachisqa kapunku,llapa kaqninkunatan nina ruphapunqa, nispa.
21 Diosta allinta reqsispaqa thajmi kanki,tukuy ima ruwasqaykipas allillanmi kanqa.
22 Paypa kamachikuyninkunata kasukuy,siminkunata sonqoykipi waqaychay.+
23 Tukuy atiyniyoq Diosmanchus kutirikunki chayqa, jujmantan sayarinki.+
Mana chanin ruwaytachus karpaykimanta wijch’unki,
24 qoriykitapas pampamanchus t’akarparinki,Ofirmanta*+ qoritapas rumi-rumimanchus wisñinki chayqa,
25 tukuy atiyniyoq Diosmi qoriyki kanqa,paymi ancha valeq qolqeykipas kanqa.
26 Tukuy atiyniyoq Dioswanmi kusikunki,manataqmi payta qhawariytapas manchakunkichu.
27 Payqa mañakusqaykitapas uyarimusunkin,qanpas promesa ruwasqaykitaqa junt’ankin.
28 Llapa ima ruway munasqaykipas allillanmi kanqa,purisqayki ñanpas k’anchashallanqan.
29 Jatunchakuspa rimanki chayqa k’umuchisqan kanki.
Payqa juch’uyaykukuqkunatan salvanqa.
30 Mana juchayoqkunatan libranqa.
Sichus tukuy imatapas allinta ruwarqanki chayqa, salvasqan kanki”, nispa.
Uraypi willakuykuna
^ Laqhayaqtaqa “tutayaq” nillankutaqmi.
^ Ofirpin aswan allin ch’uya qorita tarikuq.
